1445.01.08.

Justis et honestis supplicum votis, presertim illis, que pro diuini cultus augmento et fidelium animarum salute cedere dinoscuntur, libenter annuimus illaque fauoribus non immerito prosequimur oportunis. Sane dilectorum nobis in Christo dominorum Georgii Radegast, Hildegundis relicte quondam Volradi Ekhorst alias Repslegher, Ludolfi Repslegher presbyterorum et Thome clerici, eorundem Volradi et Hildegundis filiorum legitimorum, Hamborch commorancium pia desideria ac singularem deuocionem, quas ad altare beati Dyonysii in ecclesia sancti Jacobi Hamburgensis iam erectum gerunt, conspeximus.

In quo quidem altari ad dei omnipotentis, qui cuncta largitur gloriam et honorem, ac sub titulo et vocabulo sanctorum decem milium militum de bonis ipsis a deo collatis quandam perpetuam vicariam ad altare pretactum iam erectum in ipsorum et parentum suorum animarum salutem et peccaminum remissionem instaurare et instauratam triginta marcarum lubicensium denariorum annuorum reddituum summa unacum calice et libro videlicet missali, dotare decreuerunt.

Quapropter dominus Georgius Radegast de suis bonis ad huiusmodi vicariam fundandam decem marcarum lubicensium denariorum annuos redditus ac Hildegundis relicta, dominus Ludolphus et Thomas, ipsius filii predicti, calicem et librum pedictos ac viginti marcarum similium denariorum lubicensium annuos redditus perpetuos in et de hereditate angulari siue domo dictorum Hildegundis et suorum filiorum predictorum prope pontem vulgariter Trostesbrugghe nuncupatum situata ac aliis certis bonis et possessionius, uti in certis patentibus desuper sigillatis literis confesctis plenius continetur et specialius est expressum, ad usum eiusdem perpetue vicarie pro tempore ipsius vicario perpetuo singulis annis subleuandos deputarunt et assignarunt. Quos eciam annuos redditus deo et nobis pure et liberaliter ad usum predictum obtulerunt et donarunt, nobis humiliter supplicantes, ut ex predictis triginta marcarum annuis redditibus unam perpetuam vicariam in parrochiali ecclesia sancti Jacobi ad altare predictum de nouo creare, instaurare, autorisare et redditus ipsos sub ecclesiastica atque nostra protectione, libertate et defensione recipere dignaremur.

Nos itaque predictorum Georgii et Hildegundis ac filiorum predictorum suorum pia desideria, voluntates, oblaciones, assignaciones et supplicaciones in domino eommendantes, huismodi triginta marcarum reddituum obliciones, donaciones et assignaciones ratas et gratas habentes, eisque sub ecclesiastica atque nostra libertate, protectione et defensione per nos receptis, de eisdem oblatis redditibus ad laudem omnipotentis dei sueque gloriose et benedicte matris virginis Marie ac sanctorum decem milium militum unam perpetuam vicariam ad altare memoratum in predicta ecclesia sancti Jacobi Hamburgensis autoritate ordinaria, qua fungimur in hac parte, presentibus creamus, de nouo fundamus, instauramus et autorisamus, ordinantes et statuentes quod vicarius perpetuus, qui dictam vicariam pro tempore obtinuerit, predictos redditus triginta marcarum integraliter suis uisbus debeat applicare, eo tamen adiecto, quod dicte vicarie pro tempore possessor singulis annis Pasce collectoribus memoriarum in beate Marie duas marcas et in sancti Michaelis festiuitatibus in sancti Jacobi ecclesia Hamburgensibus duo talenta similium denariorum inter presbiteros vigiliis et missis presentes diuidendas pro memoria peragenta fundatorum predictorum exsoluet.

Preterea, ut persone supradicte ad id subsidia prestantes spirituali remuneracione se gaudeant premiatas, concessimus et indulsimas ac presentibus concedimus et indulgemus, ut quocienscumque dictam perpetuam vicariam vacare contingeret, ius patronatus siue presentandi ad eandem vicariam penes dictos Hildegundim relictam, Ludolphum et Thomam, ipsius Hildegundis filios temporibus, quibus aduixerint primo, quibus de medio sublatis, seniorem et proximiorem supradicti Volradi Ekhorstes consanquineum interim quod eorum aliquis extat, deinde illis de medio similiter sublatis rectorem ac venerabilis et gloriosi corporis Christi sepedicte ecclesie sancti Jacobi iuratos, sub hac videlicet condicione, ut idem rector et iurati eiusdem sancti Jacobi ecclesie capellanum nullum beneficium obtinentem ad eandem vicariam presentabunt, usque ad centum et viginti annos a data presentium computandos volumus remanere. Quibus centum et viginti effluxis dicte perpetue vicarie collacio, prouisio, presentacio cum queuis alia disposicio ad decanum et capitulum dicte ecclesie Hamburgensis pro tempore existentes perpetuis temporibus permansure libere deuoluentur.

Volumus eciam, quod dicte vicarie pro tempore vicarius cum aliis vicariis dicte ecclesie sancti Jacobi sit particeps memoriarum, ut est moris, insuper, quocienscumque redditus supradicti in toto uel in parte ex hereditatibus supradictis reempti fuerint, ut pecunia inde proueniens de scitu et consilio capituli memorate ecclesie ad usum eiusdem vicarie quantocius reimponantur.

In quorum omnium et singulorum fidem et testimonium premissorum presentes nostras fundacionis literas exinde fieri et per notarium publicum scribamque nostrum infraseriptum subscribi et publicari mandauimus nostrique sigilli iussimus et fecimus appensione communiri.

Datum et actum Hamborch in loco capitulari dicte nostre ecclesie sub anno a natiuitate domini millesimo quadringentesimo quadragesimo quinto, indictione octaua die vero Veneris octaua mensis Januarii demane hora terciarum uel quasi presentibus ibidem discretis viris dominis Tyderico Kopcken vicario et Heydenrico Wylkyni officiante in supradicta ecclesia beate Marie hamburgensi testibus ad premissa vocatis speciater et rogatis.