1443.12.13.

1443 Dezember 13. Graz.
Regest: Kaiser Friedrich III. an Herzog Otto zu Braunschweig: überträgt ihm das Richteramt in Sachen der Forderungen des Marquard Milthaupt gegen Bürgermeister und Rat zu Hamburg sowie Bürger der Stadt und Volrad Heest.
Überlieferung: StAHH, 710-1 I Threse I Nr. Ff 11 / Copie Archivi zu 1443 Dezember 13 [danach hier]. Beschreibung: Original und moderne Abschrift.
Edition: --
Regest: Regesta Imperii, [XIII], 31, 22

Wir Fridrich, von Gotes gnaden Romischer Kunig zu allen ziten merer des reichs, herzog zu Osterrich, zu Steyr, zu Kernden // vnd zu Krain, graue zu Tirol,

entbieten dem hochgebornen Otten, herzogen zu / Brunswig, vnsern lieben oheim vnd fursten vnser gnad // vnd alles gut.

Hochgeborner, lieber oheim vnd furst.

Vns hat vnser vnd des reichs lieber getrewer, Marquard Milthoupt, furbracht, wie // er zuspruch vnd uordrung hab zu burgermaister vnd ratmannen der Statt Hamborg etlichen burgern in besunders daselbs vnd Volraden // Heesten von etlicher ligenden gut wegen, darzu er vermeint recht zu haben, vnd die sy im [...] h[...]en vnd vmb anders vnrecht, so sy im zugefügt haben, vnd hat vns darumb umb recht wider sy angeruffen vnd eruordert, das wir im recht verzeihen konnen.

Vnd darumb sy beid teil mer mue vnd cost zuuertragen, so beualhen wir deiner lieb solich recht vnd fach, vnd machen dich hierüber zu vnserm commissarien vnd richter, geben dir auch hiemit vnsern uollen gewalt, das du an vnser statt vnd in vnsern namen die uorgenanten beid teil für dich rechtidich beruffest, sy in clagen, antwurtten, reden vnd widerreden vnd in allem irem furbrengen zum rechten notdurftig verhorest vnd sy denn mit deinen vrteiln vnd rechtspruchen als sich gebirit entscheidest. Vnd ware sach, das einicher teil vff dein heischung rechtidich nicht erschine, so solt du doch dem andern teil, der rechtidich erscheint, sein recht fur sich gen lassen, procidieren vnd uollefarn als sich daz nach des rechten ordnung heischt vnd gebirit. Vnd was du hierinn erteilest vnd zu recht sprüchest, das sol besteen vnd von beiden teilen volbracht vnd gehalten werden. Die zeugen, die hierinn zu beruffen vnd zuuerhoren werden durich was bescheynung sich die enthalten wolten, solt du darzu zwingen, das sy der warheit vnd dem rechten zu hilf ir zeugknuss geben vnd sagen.

Geben zu Gretz nach Crist geburt vierzehn hundert vnd im drewundvirzigisten iar an sant Lucien tag, vnsers reichs im uierden iare.

___________________________________________



erste Anlage 30.06.2005 Sabine Schart, Jürgen Sarnowsky / letzte Bearbeitung 04.07.2020 /
Bearbeitungsstand: erste Transkription, nicht mit dem Original kollationiert / für Rückfragen:
Juergen.Sarnowsky@uni-hamburg.de (Jürgen Sarnowsky)

zurück zur Regestenliste für 1443