1443.10.14.
Sciendum quod quondam Hinricus Meimerssen vendidit magistro Hinrico de Gheismaria, doctori theologiae, ad praebendam, ac domino Johanni Gerardi ad vicariam ipsorum in ecclesia beatae Mariae Virginis Hamburgensis situatas viginti marcarum redditus pro trecentis marcis redimendis in haereditate sua, sit in platea divitum, [...], et obligavit se et suos haeredes ad solutionem reddituum viginti marcarum praescriptarum, prout in quadam litera desuper confecta ad longum est expressa.
Et ex quo Johannes Hulschede, qui ad praesens est possessor haereditatis, iam praetactae omnia onera eiusdem hereditatis acceptavit. Ex illo est, quod idem Johannes Hulschede pro illis viginti marcarum redditibus et pro quatuor marcarum redditibus aliis, per eundem Hinricum Meimerssen priorissae et monialibus novi claustri prope Buxtehude venditis, impignoravit to einem underpande Hinrico et Johanni, fratribus dictis Meimerssen, supradicti Hinrici Meimerssen pueris, viginti quatuor marcarum redditus, prout idem Johannes Hulschede illos habuit in haereditate Tidekini Wulfhagen, sita in Grymme, [...]
{S. 275} [...], sic quod iidem Hinricus et Johannes Meimerssen ac haeredes eorum praescriptarum literarum patentium occasione, ulteriorem monitionem seu dampnum aliquod in antea sustinere non debent quovis modo.
Actum anno domini millesimo 443, ipso die Calixti Pape, praesente domino Viccone Wigherschop.
___________________________________________
erste Anlage 26.11.2001 Jürgen Sarnowsky / letzte Bearbeitung 18.12.2008 /
Bearbeitungsstand: erste Transkription, unvollst–ndig, noch nicht mit dem Original kollationiert. / für Rückfragen: Juergen.Sarnowsky@uni-hamburg.de (Jürgen Sarnowsky)
zurück zur Regestenliste für 1443