1443.04.23.

Deme erwerdigen heren mester Johanne Bennyn, deken der kerken to Hamborch, unserne tovorsichtigen holden heren vnde guden // vrunde.

Nach vruntlikeme grüce tün wy, borgermestere vnde radman to Molne witlik in vnde myd dessem breve openbare betughende, dat vor vnser ieghenwardicheit heft ghewesen de beschiedene man Hinrik Hilmers, wonaftich to Wüterse, beleghen an deme Kerspele // to Soueneken, vnde myd zik vor uns brochte de vorsichtigen manne Bernd Bäsdorven vnde Benekin Hilmers, vnse leven medeborgere, dede myd wolberadem müde an der besten wise, alze ze van rechte scholden, myd vtgistreckeden armen myd vpgerichteden vinggeren stanedes cedes to den hilghen lysliken zwerende vorrichtenden vnde myd nugastiger tuchnisse wär makeden, nachdeme dat ze zynt loswerdige, erlike, unberuchtede, vrome lüde, dat de erbenomede Hinrik Hilmers is nu for tijd de aldereldeste vnde negheste van deme slechte her Hartich van Hachede, wandaghes radman to Hamborch guder dechtnisse, deme toghevallen is de leenware der ewigen vicarie dessuluen her Harteghes van Hachede, beleghen an der Kerspelkerken to sunte Petere to Hamborch, to sante Bertelmeweses vnde sunte Sennwaldes altare.

Ok zo weren de erbenomeden loswerdigen tughe vor vns medeheghende nugastigen, dat de vorbenomeden Hinrik vnde Alberti Proyles, wisers desses breves, vader vnd muder zint gewest vulsuster vnde bruder kindere, echte vnde rechte getelet vnde geboren. Vnde nachdeme, dat de erbenomede vicarie van dodes weghen heren Bernd Schroders guder dechnisse, dersuluem vicarie lateste besitter, is leddich vnde lös geworden, zo heft desulue Hinrik Hilmers alze eyn waraftich leenhere Alberto Proyle, syme ome erbensmed, desuluen vicarie vor vnser ieghenwardicheit toghetekent vnde vnde vorlenet slichtes vme Godes willen, den he, leue her deken, iuwer erbarheid mede in kraft desser scrift vpantwert vnde presenteret to deme suluen lene ene to instituerende, bydden wy myd deme suluen Hinrik Hilmers myd begerliker otmüdeghen andacht, dat iuve erbarheid syner presentacien an dessem breve wille beuulborden vnde gudliken annamen likerwis oft ze besundergen were gescreuen vnde besegelt, wente he mynes eghenen ingeseghel to ziner tyd gebruket enheft vnde instedeghen myd der macht inwes gheftliken rechtes den erbenomeden Albertum, synen presentatum to deme erbenomeden lene vnde ene laten wisen an de rowelken besittinge vnde andere dinge darby to dünde, alze recht is vnde orde efschet der redelicheid daruore to entfanggende van Gode deme heren dat ewighe lön.

To merer tuchnisse alle desser verscreuen stucke hebbe wy borgermestere vnde radman vorbenomed vnser stad secret witliken myd endracht gehengget laten an dessen breff.