1443.02.15.

Vniuersis et singulis presentes litteras inspecturis seu audituris,

Johannes decanus totumque capitulum ecclesie beate Marie Hamburgensis Bremensis diocesis salutem in omnium saluatore.

Justis et honestis desideriis supplicumque votis, presertim illis, que pro diuini cultus augmento et animarum salute cedere dinoscuntur, libenter annuimus illaque non immerito fauoribus prosequimur oportunis. Sane pro parte commendabilis domine Ghesen Cletzen relicte quondam Sifridi Klinckspare // consulis Hamburgensis, nobis nuper exhibita peticio continebat, quod cum perpetua vicaria ad altare sancte crucis sita in nostra ecclesia sancti Nicolai Hamburgensi, quam prouidus Elerus Swarte pro nunc possidet, adeo in suis redditibus et prouentibus diminuta foret ac proch dolor! desolata, quod vicarius eam pro tempore obtinens exinde non posset commode sustentari, et nisi prefate vicarie de alicuius sue reformacionis amminiculo sue curretur, posset verisimiliter in totum desolari. Nam fructus, redditus et prouentus ipsius vicarie decem marcarum Lubicensium iam media valorem annuum non excedunt.

Quarum decem marcarum annui redditus sunt in domibus et hereditatibus infrascriptis, videlicet quatuor marcarum redditus in domo Johannis Bodeman in Crammone; vnius marce redditus in der Mattentwieten in domo Nicolai Grabow; duarum marcarum redditus in domo Langghe Tymmen inCrammone; vnus ortus situs extra muros Hamburgenses extra valuam vulgariter dictam Milderdor, soluens in hura annuatim circa viginti quatuor solidos; vnius marce redditus in bonis quondam Petri Mathie Peterssone supernovo aggere parrochie Hazelow, que pro nunc colid Margnardus Moller, et vnius marce redditus in bonis Petri Heynekens in Hortemore parrochie Tzester et Elmeshorne dicte diocesis, prout hec in literis desuper confectis plenius continentur et habentur.

Vnde dicta domina Ghese Cleetzen exilitatem reddituum dicte vicarie pie attendens, sue suorumque progenitorum ac ipsius quondam Sifridi Klinckspore eius mariti animarum intendens saluti, necnon ad diuini cultus aspirans augmentum, de consensu et voluntate domine Seie Ludkens, ipsius quondam Sifridi proximioris consangwinee ac omnium heredum suorum, quorum interest, intererit seu interesse poterit quomodolibet in futurum, viginti marcarum, decem solidorum, octo denariorum Lubicensium redditus annuos ac calicem argenteum deauratum eum suis correquisitis librum missalem casullas quatuor cum suis attinenciis, vnam videlicet de rubeo boldik, aliam de perico rubei et viridis coloris et cappam similiter de auro contextam, terciam de Arrasch viridis et albicoloris, ac quartam de Drel, dudum proseque dictos Sifridum Kilinckspore et Ghesen ad vnam elemosinam in supradicta nostra ecclesia sancti Nicolai officiandam assignatis. Quarum quidem viginti marcarum ac decem solidorum et acto denariorum Lubicensium annui redditus duodecim marce habentur in domo et hereditate Hinrici Hunen, sita in Rodingesmarke, ascripti dicte Ghesen Cleetzen in libro ciuitatis anno Domini millesimo quadringentesimo tricesimo nono.

Tercia pars videlicet viginti sex solidi et octo denarii, de quinque marcarum redditibus habentur in secundo vngelde theolonei Hamburgensis dominorum principum Holtzacie, quondam Marquardo Schreyen, proconsuli Hamburgensi, et dicte Ghesen Cleetzen in registris ipsius theolonei ascripti, quinque marcarum redditus pro quinquaginta marci Lubicensis monete reemendis habentur in quinque iugeribus terre arabilis quondam Godeken Nyenkerken, nune vero Radetien Godekens, sitis in Vinkenwerder in parte dominorum ducum Lunenburgensium. Necnon duarum marcarum redditus in et de sex marcarum perpetuis annuis redditibus, quarum quatuor spectant ad memorias in dicta nostra ecclesia sancti Nicolai Hamburgensis in dimidis manso terrearabilis, sito in Nova Gamma, cuius ius maius et minus idem vicarius obtinebit, quem pro nunc colunt ibidem Petrus Broys et Henneke Harde, per vicarium vicarie huiusmodi emonendos, prout hec omnia in litteris emptionum reddituum huiusmodi ac registris desuper confectis clariushabentur et continentur, perpetuis temporibus efficaciter soluendos in augmentum eiuidem exilis vicarie sponte, pure et libere, et propter Deum donacione irrevocabili pie obtulit, donauit et legauit, instanter supplicando, vt elemosinam siue commendam iam dictam extingwere ac huiusmodi viqinti marcarum decem solidorum et ecto denariorum Lubicensium annuos redditus, calicem, missale ceteraque alia ornamenta suprascripta sub protectione ecclesiastica atque nostra ac in vsus et augmentum dicte vicarie recipere et ad eandem vicariam applicare dignaremur.

Nos itaque, Johannes decanus ac capitulum antedicti, exilitatem ac verisimilem ipsius vicarie destructionem attendentes piamque ipsius domine Ghesen Cleetzen deuotionem in Domino merito recommendantes ipsiusque supplicationibus favorabiliter inclinati elemosinam sive commendam supradictam extingwimus ipsosque viginti marcarum decem solidorum et octo denariorum Lubicensium annuos redditus ad vsus predicte vicarie sub protectione ecclesiastica atque nostra in Dei nomine recepimus atque recipimus ac ad sepedictam vicariam applecauimus et tenore presencium applicamus.

Cum itaque dicta domina Ghesen Cleetzen propter ipsius vicarie augmentationem eiusdem vicarie quasi nova fundatrix merito censeatur, ideoque ex gracia et fauore speciali fore nominate domine Ghesen Cletzen id humiliter petenti quamdiu vixerit et post ipsius obitum filiis et filiabus quondam Theodorici Schreyen, videlicet Alberto et Johanni Schreyen, fratribus, Gretke Nosse et Ghesen Munsters, sororibus, necnon ipsius quondam Sifridi Klinckspore proximiori consangwineo aut heredibus vtriusque sexus pro tempore existentibus, dummodo persone religiose non existant, ius patronatus sive ius presentandi ad dictam vicariam, quod hactenus ad nos spectare consueuit, alternatis vicibus, quociens eam vacare contigerit, ud centum et viginti annos a data presencium continue numerando immediate sequentes concedimus el largimur, ita tamen, quod si domine Ghesen Cleetzen aut ipsius quondam Sifridi Klinckspore parentele partes in aliquo deficerent, extunc pars parentele, ave superdixerit, presbiterum aut clericum idoneum infra annum ad sacros ordines promoueri volentem infra tempus predictum, quociens eandem vicariam vacare contigerit, presentare debeat et teneatur. Quem presbiterum siue clericum sic presentatum prefate nostre Hamburgensis ecclesie decanus seu ipsius vices gerens ad presentacionem eandem in dicta vicaria instituere teneatur, non obstantibus quibuscumque, ipseque sic presentatus prefato domino decano seu eius vicesgerenti obedienciam, reuerenciam et honorem dibitas faciet et consuetas.

Ceterum cum huiusmodi vicariam primo per ipsum Elerum Swarten, modernum possessorem, vacare contigerit, ille, ad quem ea vice ius presentandi spectauerit, Gherardum Tidekens, sepedicti quondam Sifridi Klinckspore consangwineum, si tunc vixerit et talis fuerit quod voluerit, et potuerit ad sacros ordines promoueri, alioquin alium presbiterum sine clericum alias abilem et idoneum tam prima vice, quam aliis vicibus ad eandem vicariam presentabit; post lapsum vero dictorum centum et viginti annorum dicte vicarie collatio ad nos libere deuoluetur. Volumus tamen quod, quocienscumque prefate vicarie redditus in toto vel in parte redempti fuerint, vt pecunia, ex huiusmodi redempcione proueniens de scitu et consilio nostri capituli per patronos et dicte vicarie vicarium intra opidum Hamburgense antedictum vel extra in alios perpetuos redditus ad vsus dicte vicarie quantocius reimponantur.

In cuius euidens testimonium sigillum ecclesie nostre est appensum.