1443.01.31.

1443 Januar 31. Hamburg.
Regest: Hinrik Hoetman präsentiert dem Rat eine Urkunde zur Besitzteilung der Eheleute Johan Gerberdes und Elzebee, seiner Schwester, und weist nach, dass ihm diese ihren gesamten weltlichen Besitz übertragen hat. Elzebees Besitz wurde in Verhandlungen völlig von dem Johans getrennt, so dass auch nach dem Tod eines Partners keine Ansprüche mehr bestehen. Bezeugt von Wilhelm Brandes.
Überlieferung: StAHH, Senat Cl. VIII Nr. XVIIIa1 Band 1 = Liber memorandorum 1369-1532 [B], p. 115/2. -
Beschreibung: B ist gleichzeitige Register-Abschrift.
Druck / Edition: --.

Sciendum quod coram consulibus constitutus Hinricus Hoetman quandam patentem litteram duobus sigillis appensis munitam non viciatam non cancellatam nec in aliqua sui parte suspectam sed [omnino]a) prorsus vicio et suspitione carens tenorum infrascripti exhibuit atque produxit:

Witlik sy alle den jennen, de dessen breff seen, horen edder lesen, dat na der bort Christi unses heren dusentverteinhundert in deme tweundevertigesten jare am dage sunte Lucien der hilgen juncvrouwen in der parrekerken sunte Nicolai bynnen Hamborg worden endrachtliken en tweygesad unde fruntliken vordregen de erliken lude Johan Gerberdes aff ene unde Elzebee sin eelike husvrouwe vormiddelst Hinr[ic] Hoetmanne erem broder unde ghekorne vormunder aff de andern syden umme groten unbehorliken unwillen unde twidracht, den de sulve Johan Gerbordes myt Elzebeen syner husvrouwen unde se myt em to velen langen tyden vorhandelet unde ghedan hebben.

Also dat Johan vorbe[omed] unde Elzebee, sin husvrouwe, scholen unde willen to enem gantzen ende ghescheden unde ghedelet weset in allen eren liffliken gudern, de se rouweliken hebben beseten wente ab dessen ieghenwardighen dagh giffte desses breves unde ok in tokomenden tyden vor middelst ereme sorchvoldigen arbeide an beydent halven vorwerwendt besitten mochten vore unde na erer beyder dode, so wanne erer en van dodes wegen affgeit de ander, de latest unde lengest levet to nenen dagen offte tyden schal noch mach spreken offte manen up des doden naghelatene guder, ok nummermer manen edder spreken laten myt gheistliken offte werliken rechte sunder jenigerleie arghelist offte hulperede.

Alle desse vorbe[omeden] stucke hebben mede vorhandelet unde jeghenwardich an unde over wesen desse nascrevene erlike lude: Luder Beschampe, Tidke Schirhorne, Hans Losse unde Hermen Cruse van Johan Gerbordes wegene, Hinric Vrome, Gerd Sternebergh van Elzeben unde Hinric Hoetmans wegen, eres broders, alle borger to Hamborg, syk des tovordenkende des to merer witlicheit unde tuchnisse so hebben wy Luder Berschampe unde Hinric Vrome umme fruntliker bede willen unsse rechte inghes[eghel] witliken hangen laten neddene to dessen breve.

Geven na der bort Christi unsses hern verteinhundert jar dar na in deme tweundevertigesten jare am avende sancti Nicolai des hilgen bischop. Cuiusquidam literae [...]a) prefate vigore constituta coram domino Hinrico de Monte, proconsule, ad hoc a consulibus et proconsulibus deputato Elzebee prefata resignavit Hinrico Hoetmanne eius fratri predicto omnia sua bona mobilia et immobilia presentia et futura.

Actum quarta feria ante purificationis. Presente domino Wilhelmo Brandes.

___________________________________________

a) Lesung unsicher.


erste Anlage 27.8.2017 Klaus-Joachim Lorentzen-Schmidt, Jürgen Sarnowsky / letzte Bearbeitung 27.8.2017 Jürgen Sarnowsky /
Bearbeitungsstand: erste Transkription, noch nicht abschließend mit dem Original kollationiert / für Rückfragen: Juergen.Sarnowsky@uni-hamburg.de (Jürgen Sarnowsky)
zurück zur Regestenliste für 1443