1443.01.25.

Gherardus, Dei gracia electus confirmatus Bremensis,

venerabili decano ecclesie beate Marie Hamburgensis, nostre dyocesis, // salutem in Domino.

Ex incumbenti nobis solicitudinis officio ad ea benignis libenter fauoribus intendimus, per que dignitatum // ecclesiasticarum ac ecclesiarum et personarum earundem status et condicio reformentur in melius et salubriter dirigantur. Nuper siquidem // pro parte venerabilis Johannis, prepositi ecclesie beate Marie Hamburgensis, nostre dyocesis, nobis expositum fuit, quod ecclesia parrochialis in Eppendorpe prope Hamburg, eciam nostre dyocesis, in suis fructibus, redditibus et prouentibus adeo tenuis et exilis existet, quod ex illis [...](a) pro tempore existens, nisi aliunde victus et amictus suffragia precipiat, minime sustentari potest, et si dicta ecclesia parrochialis [...](a) fructibus, redditibus, prouentibus, iuribus et obuencionibus suis prepositure ipsius ecclesie beate Marie ad tempus vniretur, [...]etur(a) et annecteretur, interim eadem parrochialis ecclesia per dicte ecclesie beate Marie prepositum in suis fructibus adaugeri posset, et ex hoc tam ipsius prepositure, que licet latam et magnam iurisdictionem habeat et plurimis cottidie racione incumbentis sibi cure et ex ingruencium negociorum varietate, quibus idem prepositus frequencius inuoluitur, pregrauetur expensarum oneribus eius tamen veri et certi fructus vltra sex florenos auri non valent communiter annuatim quando eciam dicte parrochialis ecclesie status et condicio plurimum efficerentur meliores nec ex hoc in prepositura et parrochiali ecclesia huiusmodi animarum cura negligeretur, cum ipse prepositus curam parrochianorum ipsius ecclesie, qui pauci sunt, per aliquem ex aliis in opido Hamburgensi benefeciatis de facili geri facere possit et ipse eciam per hoc in exercicio iurisdictionis dicte prepositure minime distrahatur. Quare pro parte ipsins Johannis prepositi nobis fuit humiliter supplicatum, vt dictam parrochialem ecclesiam, que eciam in suis fructibus, redditibus et prouentibus vltra viginti marcas Lubicenses non valet communiter annuatim cum omnibus iuribus et pertinenciis suis dicte prepositure ad tempus, prout nobis expedire videretur, vnire, incorporare et annectere dignaremur.

Nos igitur, qui de premissis omnibus et huiusmodi negocii circumstanciis ad plenum informati et certificati non sumus et hiis examinandis commode non possumus interesse, de sua circumspectione plenam in Domino fiduciam obtinentes. Tibi per hec scripta committimus et mandamus, quatinus super premissis omnibus vocatis rectore dicte parrochialis ecclesie et aliis qui fuerint euocandi. Te diligenter informes, et si per huiusmodi informacionem ex repperis ita esse idque tibi expediens fore videatur, super quo tuam conscienciam oneramus, dictam parrochialem ecclesiam cum omnibus iuribus et pertinenciis suis supradictis prefate preposituze, quandin idem Johannes prepositus eandem preposituram obtinuerit, auctoritate nostra ordinaria vnias, incorpores et annectas, ita quod quamquam ipsam parrochialem ecclesiam cedente vel decedente moderno illius rectore vel alio quolibet modo vacare contigerit, vel si actu quouismodo vacet, liceat eidem Johanni preposito dicte parrochialis ecclesie possessionem simul cum vacauerit auctoritate propria libere apprehendere illiusque fructus in suos ac earundem prepositure et parrochialis ecclesie vsus licite conuertere et retinere, cuius, cumque alterius super hoc licencia minime requisita, prouiso tamen, quod dictus Johannes prepositus, quousque huiusmodi vnio, incorporacio et annexio duranerit, ipsius parrochialis ecclesie parrochianorum animarum curam per presbiterum ydoneum, cui de necessariis decenter prouideat, diligenter exerceri faciat et interim eciam in dicta prepositura illi incumbens cura nullatenus negligatur. Volumus autem, quod si vnionem, incorporacionem et annexionem huiusmodi per te vigore presencium fieri contigerit, cedente vel decente dicto Johanne preposito dissolute censeatur et extunc habeantur penitus pro infectis. Irritumque decernimus et mane si secus super hiis a quoquam nostro inferiori contigerit quomodolibet attemptari.