1442.01.11.
Witlik sy, dat na der bord Cristi int iar XIIIIc tweundeveertich, des frigdaghes na der hillighen driger koninghe daghe weren vor ame rade to Hamborgh Cord Hertzeveld unde Franciscus Boytin.
Darsulves vor deme rade beclaghede Cord Hertzeveld den erben[omeden] Franciscum umme dre punta) grote flamesch, dar he eme vor kopper schuldichliken ane vorplichted wesen scholde. Worup Franciscus Boytin antworde, dat de sake van der anprake vor deme vorsc[reven] rade were endet unde lendet, alse he dat und Brande van deme Broke, Hanse Helmeghes unde Hinrike van der Vechte, borgheren to Hamborgh, wol mochte bewisen, dat he van der schulkd quyt, leddich unde los were ghedeeled. Des desulven Brand van deme Broke, Hans Helmighes unde Hinric van der Vechte ok also vor deme erben[omeden] rade tostan hebben. unde de erbe[nomede] Cord Hertzeveld heft dergheliken des ok also erkand unde tostan.
Dyt is gescreven in der stad Hamborgh denckebok, dar heft over wesen her Hinric Lopouw.
___________________________________________
erste Anlage 25.8.2017 Klaus-Joachim Lorentzen-Schmidt, Jürgen Sarnowsky / letzte Bearbeitung 25.8.2017 Jürgen Sarnowsky /
Bearbeitungsstand: erste Transkription, noch nicht abschließend mit dem Original kollationiert / für Rückfragen: Juergen.Sarnowsky@uni-hamburg.de (Jürgen Sarnowsky)
zurück zur Regestenliste für 1442