1429.07.17.

1429 Juli 17. o.O.
Regest: Wilhelm [I.] und Heinrich [II.], Herzöge von Braunschweig-Lüneburg, an Bürgermeister und Rat der Stadt Hamburg: bitten um Auszahlung der ihnen zu 1429 Juli 29 schuldigen 2000 m. an Johannes Schellepepere, Sodmeister zu Lüneburg, oder seinen Bevollmächtigten.
Überlieferung: StAHH 710-1 I Threse I, Nr. N 47 - Beschreibung: Kleineres Pergament mit zahlreichen Feuchtigkeitsflecken. Kanzleinotiz in einem Ausschnitt auf der Rückseite: Quitancie der hern van Bruszwick. 1429.
Edition: --.
Regest: HG2.368.

Wii Wilhelm unde Hinrik van Godes gnaden hertoghen tho Brunszwiig unde Luneborg enbede[n] den vorsichtigen wiisen luden borgermeisteren und[e] radmann[en] tho Hamborg unsen guden frunden unsen gunst unde guden willen.

Guden frunde, umb[e] sodann[e] twedusend mark, de gy uns tho unser uthrichtinge togesecht hebben to ghevende upp[e] dessen negestkomenden sunte Panthaleonen dag bidde wii iw frundligen, dat gii sodanne twedusend mark deme ersamen hern Johanne Schellepepere sodmeistere tho Luneborg unsem lieven getruwen dessem iege[n]wardigen, edder wen he dar na schickende werdt van unser wegen, entrichten und[e] betalen, de se uns ford anleggen und[e] bestedigen schal in unse[m] und[e] iuwem besten. Und[e] wanne gii em sodane sumen entrichted hebben, so segge wii iw der quiit, leddich und[e] loes mit dessem brieve, den wii iw dar up to bekantnisse gegheven unde unse ingesegele witliken dar vor gehenged hebben

Na Godes bord dusend verhunderd jar, dar na in deme negenundetwintigesten jare am sundage na aller aposteln dage.

___________________________________________

a) Über der Zeile nachgetragen.

erste Anlage 21.03.2021 Lea Müller, Jürgen Sarnowsky / letzte Bearbeitung 21.03.2021 /
Bearbeitungsstand: Auszug, erste Transkription, nicht mit dem Original kollationiert. / für Rückfragen: Juergen.Sarnowsky@uni-hamburg.de (Jürgen Sarnowsky)

zurück zur Regestenliste für 1429