1410.00.00.

[... Art.17] Vortmehr begeren de gemenen bo^ergere, dath men den armen seecken-lu^eden up dem gange to Su^ente Ju^ergens geve, tweemal in der wecke, alse des middeweckens unde des sunnavendes alle dat brod, dat mede den ko^erfen gebeden ward, in der stad up de twe vo^ergeschrevene dage, und wa^ere idt, dat mehr brodes in der wecke gebeden wo^erde, alse de korfdreger in dem korfe dregen ko^ennen, dat men densu^elvigen lu^eden up dem stiege dat ock geve, und dat men den vo^erbeno^emeden seecken-lu^eden, dat brod up de tween vo^ergeschrevene dage ga^entzlicken averantworde, und de lu^eden, effte in erer harbarge, edder wor se dat hebben willen, und dat men dat brodt nargends anders wor in drage edder besta^edige; und wa^ere idt, dat een arme secke minsch wo^erde gebaden {S.21} up dem stieg, dat men nenerlye geld van emme nehme, und late dat by older wahnheit, unde efte o^enen in memorien, testamenten edder anderer wyse was to o^eren behoef gegeven is, edder im thokamenden tyden gegeven ward, dat men dat o^enen sonder verminderinge folgen late.