1407.08.31.

Dampna illata civibus Hamburgensibus ab Anglicis in navibus et aliis diversis bonis, prout inferius particulatim exprimuntur per Thidericum Ensvelt secretarium consulatus Hamburgensis presentata.

1. Anno Domini 1402 capta fuit navis, cujus patron us et gubernator fuit Meynekinus Melsingh civis Hamburgensis, quam ceperunt Symeken Dederum de Blackena tamquam capitaneus cum collegis suis Hupken Barber et Wilkockes Vusbe, morantes in Lynden.⁽¹⁾ Quam navem duxerunt predicti retro quandam insulam vulgariter nuncupatam Hilghe Eyland a parte aquilonari Schardenborcch, ubi predicti de jam dicta nave passi sunt naufragium salvatis et servatis cum omnibus bonis in dicta nave existentibus et universis attinenciis ad navem eandem spectantibus; et hujus navis medietas spectabat ad predictum Meynekinum patronum et gubernatorem navis predicte et ad fratrem ejus Johannem et ad Johannem^(a) Vorniden, cives Hamburgenses; altera medietas navis spectabat ad Ludekynum Sund civem Lubicensem; supra qua medietate non ago.⁽²⁾ Sed hec navis taxata est in valorem ducentorum nobl., de quibus centum spectant ad dictos cives Hamburgenses pro medietate dicte navis.

In hac nave fuerunt quatuor laste allecis pertinentes et spectantes ad Marquardum Godingh civem Hamburgensem; quelibet lasta taxata est in valore 15 nobl.

Item 1 lasta allecis spectans ad Johannem Unstorp et ad Johannem van dem Haghen, cives Hamburgenes, taxata eodem valore quo supra.

Pro hujus navis recuperacione facta est querela duabus vicibus coram rege Anglie et toto ejus parliamento, licet nulla facta sit recuperacio vel restitucio etc.

2. Anno Domini 1403 capta fuit navis Ottonis Brukberch junioris, quam ceperunt sub latere terre Flandrie Willielmus Bygge morans in Hoden terre Anglie et Thomas Galtsince et Jomvrit de Dentte cum bargia pertinente Jombruk to Doveren et Thomas Enden. Hujus navis patronus erat dictus Otto, et navis spectabat ad dominos Hermannum Langhen ct Nicholaum Biscopingh consules et ad Thidekinum Luneborgh et ad Ottonem Brueberch seniorem et ad prefatum Ottonem Brukbergh patronum navis, cives Hamburgenses; et cuilibet horum pertinebat quinta pars navis. Valor hujus navis taxatus est pro ducentis et quinquaginta nobl.; et fuit directa hec navis in dat Wynkelzeer vater ad quandam civitatem nuncupatam Rige onerata saligine in Prucia velificare presumens versus Flandriam. Pro hujus navis recuperacione dictus Otto instanter laboravit, set, cum non proficeretur, convenit cum predictis Anglicis de sua parte navis ita, quod de sua parte navis fuit sufficienter contentatus a predictis Anglicis, et super hac sua parte navis dedit quitanciani predictus Otto, ita quod ex sua parte nulla deberet subsequi amplior monicio; set de aliis quatuor partibus navis nulla fuit inter eos facta mencio, ita quod ceteri prefati, ad quos navis predicta eciam spectat, habent dampnum in centum quinquaginta nobl.

3. Anno Domini 1404 capta fuit navis Johannis Vorniden, quam ceperunt Thomas Clerk et Dave Heningh de Novo Castello terre Anglie. De qua nave predicti abstulerunt 9 schoraces 9 nobl. valentes; item novem capelios ferreos valentes 2 nobl. et unum quartale de nobili; item 2 bumbardos valentes 4 nobl.; item vestimenta valentia 5 nobl.; et hoc omnia spectabant ad predictum Johannem patronum navis. Et hec navis fuit restituta, set pro predictis abiatis a nave prefata promiserunt satisfacere proconsul et de meyer de Novo Castello, licet minime servaverunt.

Item de hac nave fuerunt ablata 28 paria caligarum valore septem nobl.; item unum frustum vel una pecia grisei panni valore 4 nobl. et dimidii nobl.; et ista spectabant ad Nicholaum Rodenborch civem Hamburgensem.

Item de hac nave fuerunt ablata ad quendam nomine Steenbeken spectantia, scilicet 10 nobilcs Anglici; item 5 floreni Rinenses; item unus annulus valens 2 nobl.; item 2 choraces valentes 2 nobiles; item 4 capelli ferrii valentes 1 nobl.; item 5 enses valentes 1 nobl.; item 7 paria caligarum valentia 2 nobl.; item 7 ulne panni colorati, quelibet ulna valuit unum florenum de Ghelria; item umis bumbardus, valuit 3 nobl. cum dimidio; item in vestimentis et pera et cultello valore 2 nobl. cum dimidio.

4. Anno Domini 1404 capta fuit navis Gherbordi Gronehaghen; quam ceperunt duo fratres, quorum unus vocabatur Thoem Rudde et alter Joen Rudde. Quilibet eorum ducebat unam bardizam, et ducebant navem prescriptam in Norwelle, ubi bona infrascripta in navi existentia diviserunt; et hospiti dictorum fratrum in Norwelle, qui nominabatur Cogghendorp, date sunt 10 laste cervisiarum in sortem suam. Et hii subscripti habuerunt bona sua in predicta nave, prout inferius expressum est.

Primo dominus Albertus Schreye habuit in nave predicta 4 lastas cervisie minus duobus vasis.
Reybern Lucolve 5 lastas et 1 vas.
Heneke Beuth 29 vasa.
Heyne Lucove 22 vasa.
Bernd Vermersthen 4 lastas minus duobus vasis.
Johannes Vos 2 lastas 4 vasa.
Johannes Holthusen 1 lastam.
Bernd Hynne 2 lastas 2 vasa.
Johannes Coldove 2 lastas.
Johannes Smalov 4 lastas minus duobus vasis.
Maynekinus de Busco 2 lastas minus uno vaso.
Ludekinus Sankenstcde 4 lastas minus 2 vasis.
Tydekynus Stedorp 46 vasa.
Hinricus van dem Gherem 23 vasa,
Heyno van dem Haghen 4. lastas minus 2 vasis.
Johannes van Mynden 8 lastas^(b) minus 4 vasis.
Johannes Hune 22 vasa.
Peter Schenemoer 28 vasa.

Notandum, quod quelibet lasta comprehendit 12 vasa et quelibet lasta taxata est in valorem 8 nobl. Summa hujus cervisie 54 laste et 5 vasa. Patronus predicte navis computat dampna sua in valorem 20 nobl., quamvis fuerat restituta.

5. Anno Domini 1405 capta fuit navis Johannis Osterlingh, qui et eandem navem gubernabat, ab Anglicis infrascriptis, scilicet Robert Aklum, John Appelby, Simon Sedeke, Pier Johanson, Willem Hesent, John Nosteler, morantes in Schardenburgh terre Anglie; et de hac nave fuerunt ablata bona infrascripta civibus Hamburgensibus pertinentia:⁽³⁾ Primo una rulla sive pakkelum panni linei continens 25 et 30 ulnas mensure Flandrensis; quodlibet centenarium predicti panni valuit protunc in Flandria 16 s. gross., summa hujusmodi 19 lb. grot. 16 s. 9 grot.; et pannus lineus, in quo dicta rulla complicata et consuta fuit, valuit 4 s. gross. Item ducente pecie asseruin magnorum de Pruczia; quodlibet centenarium valuit protunc in Flandria 22 florenos Ghelrie, summa 3 libre grot, et 6 s. grot. Summa totalis 23 libre grot. 6 s. gross. 9 gross.; et ista suprascripta bona spectant ad dominum Hildemarum Lopove sub isto signo […] proconsulem in Hamburg.

Gerverd Bekerholt 10 vasa ferrei de Svecia osemund nuncupati valore 15 nobl.

Et hec predicta navis pertinebat divisim subscripts civibus Hamburgensibus, scilicet ipsi patrono navis octava pars navis, Johanni Bonstorp octava pars, Johanni van Berghen quarta pars, Helmico Symsam quarta pars, Heynoni nomine Dorpe quarta pars, cum pre dicta navis fuit restituta etc.

6. Anno Domini quo supra capta fuit navis Johannis Sassen ab predicts Anglicis proxime supra nominatis; quo navis pertinebat divisim subscripts, scilicet ipsi patrono navis octava pars, Nanoni Byspingh octava pars, Johanni Cragheman octava pars, Hinrico Hardexen octava pars, Rutzeken Roden quarta pars, Frederico Boyen quarta pars. Et de hac nave ablata fuerunt^(c) subscripta bona subscriptis pertinentia.
Johannes Hollevede habuit in hac nave 7 lastas cervisie.
Albert Wonstorp 4 lastas 8 vasa.
Johannes Bekerholt 3 lastas 4 vasa.
Johan Buntekoghel 5 lastas minus 4 vasis.
Jacob Drevs 5 lastas minus 4 vasis.

Hec navis fuit restituta, sed quibus condicionibus seu quibus pactis ignoro; et hoc clarius et distinctius ad futurum terminum mensis Maji intimabitur.

7. Anno Domini 1404 capta fuit navis, cujus patronus erat Arnaldus Zedeke civis Hamburgensis. Set hec navis fuit restituta, licet in de fuerunt^(c) ablata subscripta ad dictum Arnaldum spectancia, videlicet 10 frusta lardi valentia 4 nobl.; item 3 tunne carnium salitarum valentes 4 nobl. cum dimidio; item una chorara valens 3 nobl.; item 2 bumbardi valentes 3 nobl.; item 3 capelli ferrei cum duobus peceralibus valore 2 nobl.; item cotta ferrea de maleis valens 4 nobl. Item abstulerunt a nave predicti Arnaldi in promta^(d) pecunia auri et argenti valorem 5 nobiliuni cum dimidio. Item in vestinientis abstulerunt valorem 5 nobilium. Pro predictis bonis ablatis promiserunt satisfacere et sufficienter solvere proconsul et maior de Novo Castello et duo patroni navium, qui dicti Arnaldi navem ceperunt, et unus Dave Hellek; set non servaverunt promissum, nec pro predictis bonis cst satisfactum. Reverendi domini mei, licet hie in liiis dampnis expressi valorem cujuslibet rei secundum taxacionem, quam mercatores, ad quos singularia bona spectant, michi commiserunt et scripto secundum conscienciam eorum tradiderunt, tarnen omnia relinquuntur judicio aliorum mercatorum neutra parte suspectorum, ut illi judicent, secundum quod ordinatum est in placitis vestris cum Prutenis. Articuli subscripti dati et porreeti fuerunt per nuncios civitatis Hamburgensis ambassiatoribus Anglie apud Hagam in Hollandia.

8. Item subditi sepedicti regis invictissimi principis submerserunt unum de civibus nostris nomine Henekinum Yolteliorno, alias Haygendorp, de navi Simonis Boytin civis, dum vixit, Lubicensis; una cum pluribus personis de Livonia in eadom navi tune existentibus inhumaniter trucidaverunt ac in mari submerserunt neenon bona ac mercandisas ad valorem centum marcarum Lubicensis monete ad dictum Henekinum spectancia in dicta nave petita abstulerunt et ad regnum Anglie secum asportarunt.

9. Item subditi invictissimi^(e) regis Anglie ceperunt unam navem, cujus patronus erat Johannes Matzeke, anno quo supra civis Hamburgensis de portu Hossenese in Norwegia in valore 400 nobl.; et nomina illorum subditorum, qui ceperunt predictam navem: Jan Kruse de Linden, Herri Persi de Scardenburgh, Willielmus Kep, Jon Lynery; item Alexander van Blanckena unde^(f) Symon Magus van Linden. Et predicta navis fuit adducta in portum Blankena etc.