1405.10.14.

Rex dilecto sibi Johanni Topcliff servienti suo ad arma salutem. /p>

Supplicarunt nobis Almaricus Lupowe et Albertus Screy, burgimagistri de Hambarough infra imperium Rome, ut, cum ipsi ut fidelos mercatores duas naves cum certis bonis et mercandisis, videlicet 85 lastis de biere, ducentis waynscotes, 5 lastis de osmendes et una sarcina panni linei, carcatas nuper habuissent, ac Robertus Acclum et Willielmus Harum, possessores cujusdam navis ville de Scardeburgh, et quidam alii ejusdem ville dictas naves sic carcatas versus diversas partes causa mercandisandi supra mare velando cepissent et eas secum duxissent, bona et mercandisas predicta hucusque detinendo minus juste in ipsorum Almarici et Alberti dampnum non modicum et gravamen: velimus eisdem Almarico et Alberto in hac parte graciosius subvenire. Nos supplicacioni predicte favorabiliter inclinati ac de fidelitate et circumspectione tuis plenius confidentes assignavimus te ad predictos Robertum et Willielmum ac alios, qui naves illas sic ceperunt, ad plenam restitutionem et liberacionem omnium bonorum et mercandisarum predictorum seu valoris eorundem ducentas et quaterviginti libras, ut dicitur, attingentis eisdem Almarico et Alberto indilate faciendam, si tibi legitime constare poterit, premissa veritatem continere, compellendos et, si hujusmodi restitutionem et liberacionem facere recusaverint, tune ad ipsos coram nobis et consilio nostro ducendos ostensuros, quare id facere non debeant. Et ideo tibi precipimus, quod circa premissa diligenter intendas et ea facias et exequaris in forma predicta. Damus autem universis et singulis vicecomitibus, majoribus, constabulariis, ballivis, ministris ac captoribus navium predictarum necnon aliis fidelibus et subditis nostris tenore presencium firmiter in mandatis, quod tibi in premissis faciendis et exequendis pareant, obediant et intendant, prout decet. In cujus etc. /p>

Teste rege apud Westmonasterium 14. die Octobris.

___________________________________________