1402.03.17.

Wy, hovetlude unde meenheyd des kerspels to Nortlede, bekennen unde do^en witlik allen luden,

dasz wir van Godes unde betes weghen unses leven gnedighen heren hertoghen Erikes van Sassen des olderen eendrachtliken mit guden willen annamet unde entfangen hebben de erbaren mannes, borghermestere unde radmannen to Hamborch to greven unde to amptluden des landes to Hadelen, unde wi willen unde schullen en umme dat soudende iar, wanne Unser Leven Frouwen Wede wiset, gherne umbeworliken gheven unde betalen, also wi unserm heren van Sassen vorscreven des van rechtes wegen plichtig zyn, unde ok en alle rechticheit unde brohe gherne gheven unde doen willen, wan zik dat boret, alse men des unsen vorbenomeden heren pflichtich is.

Unde an ienighen stucken, de en in deme lande boren moghen, wedderstand schu^ode, de schu^olle wi en truweliken helpen ufvorderen, unde wi willen unde schu^ollen mit eren besten ummeghan mit gantzen truwen. Dat love wi en stede unde vast so holdende sunder ienigherleye arghelyst. Des to tu^ochenisse hebbe wi unser unser vorscreven kerspels inghezeghet henghet vor diessen breff,

de gheven unde screven is na unsers Heren bord in deme tusendstenvierhundersten unde anderen iare in sunde Ghertrudis daghe der hilghen iuncvrowen.

___________________________________________