1402.03.17.b.

1402 März 17. o.O.
Regest: Hauptleute und Gemeine der Pfarrei Süderleda im Land Hadeln nehmen Bürgermeister und Rat zu Hamburg als ihre Herren und als Amtsträger an und versprechen die Zahlung der gewohnheitsmäßigen Abgaben, wie dies Herzog Erich von Sachsen-Lauenburg angeordnet hat.
Überlieferung: StAHH 710-1 I Threse I, Nr. Q 30 [9] - Beschreibung: Pergament mit Faltung, beschädigt, Siegel fehlt.
Edition: --.
Regest: HG2.50. k

Wy hovetlude unde meenheyt des kerspels to Suderlede bekennen unde doen witlich allen luden,

dat wy Godes unde betes weghen unser leven gnedighen heren Hertoghen Eriches van Sassen, des olden, endrechtlichen unde mit gudem willen annamet unde entfanghen hebben de erbaren mannes, borgermestere unde radmanne to Hamborch to greven unde to amptluden des landes to Hadeln unde willen unde schullen en den greveschat unde [bede] gherne umbeworliken gheven unde betalen, unde alle rechtigkeit gherne doen wan sih dat boret alle men des unsem vorbenomeden heren plichtich is. Unde of en in yenighen stucken, desen in deme lande boren moghen, wedderstande schude, de schulle wi truweliken helpen ufvorderen sunder yenigherleye arghelist. Des to tuchnisse hebbe wi unses vorscreven kirspels ingheseghel henghet vor dissen breff,

de gheven unde screven is na unses heren bord in deme dusentsten veerhundertsten unde anderen iare in sunte Ghertrudis daghe, der hilghen iuncvrowen.

___________________________________________

erste Anlage 05.06.2021 Jürgen Sarnowsky / letzte Bearbeitung 05.06.2021 /
Bearbeitungsstand: Auszug, erste, korrigierte Transkription nach der Abschrift in den Copie Archivi, nicht mit dem Original kollationiert. / für Rückfragen: Juergen.Sarnowsky@uni-hamburg.de (Jürgen Sarnowsky)
>>

zurück zur Regestenliste für 1402