1402.03.17.a.

Wy hovedlude unde meenheyd des kerspels to Nyenkerken bekennen unde doen wislich allen luden,

dat wi von Godes unde betes wegen unses leven gnedighen heren hersoghen Eriches van Sassen des olderen eendrachtliken unde myt guden willen annamet unde entfangen hebben de erbaren mannens borghermester unde radmanne to Hamborch to greven unde to amptluden des landes to Hadelen. Unde wi willen unde schu^ollen en umme dat souende iar, wan me Unser Leven [Frouwen] Wede wiset, gherne umbeworliken gheven unde betalen, alze wi unser Herren van Sassen vorscreven des van rechtes wegen plichtich zyn unde ok en alle rechtlicheyt unde broke gherne gheven unde doen willen wan sih dat boref, elle men des unsen vorbenomeden heren plichtich is. Unde [...] en an ienighen stucken de en in deme lande boren moghen, wedderstand Schoude de schuolle wi en truweliken helpen ufvorderen. Unde wi willen unde schullen mit eren besten ummeghan mit gantzen truwen. Dat love wi en stede unde vast to holdende ienigherleye arghelyst.

Des to tu^ochnisse hebbe wi unses vorscreven kerspels inghezeget henghet vor diesen breffe gheven unde screven is na unses Heren bore in deme dusentsten vierhundertsten unde anderen iare, in su^onte Ghertrudis daghe der hilghen iuncvrowen.

___________________________________________