1402.02.28.

Witlik unde openbare zy allen eryften luden, de dessen breff zeen edder lesen horen,

dat wy, Johan unde Clawes brodere, Stru^oke gheheten sakewo^ulden dessen nascrevenen sake, unde wy, [Herwich] unde Peter Struk, brodere unde sones Johan Strukes vornomet, Clawes, Masche, Marquard unde [Olverik], brodere unde sones Clawes Strukes vorzecht, unde Clawes Hydde half brodere Maken Strukes, de gheslagen wart uppe deme [Elfstrome] van den Dytmersschen (deme God gnedych zy!) hebben endrachtliken onftfangen sostich mark an reden pennyngen, de de erliken heren borghermeistere unde radmanne der stad Hamborch bemanet hebben uns ellen to gude van den sulven Dytmersschen.

Welke sostich mark pennynge de erlike man, Her Luodeke Wulffhagen, radmann darsulves unde hovetman des slosses Ritzebu^ottele, us gheantwerdet heft van des vorscreve rades wegen Hamborch, den wy alle vorscreven [qwit] unde notlos laten an desser scrift van dessen vornomede sostiche mark pennyngen.

Worumme zo hebbe wi, Johan unde Clawes Wydde, halfbrodere dessulven Maken Strukes, muntliken verlaten vor deme hegheden dynghe der twyer kerspele Oldenwo^elde unde Gro^ude to Ritzebu^ottele vor deme slote, unde verlaten gantzliken in dessere ighenwardigen scrifft vor us unde vor alle [...] de nu zynt unde noch to kommen moghen vor levendighen unde vor doden alle ansprake unde upsakynge de wy hadden und hebben mochten in tokomen lyden uppe de vorscreven Dytmersschen van Maken Strukes weghen.

To orkunde ewigher dachtnisse unde vorwaringeh al desser vorscreven stucke hebben des bescheden luode, Eggherik Buddere unde Wooldere uppeme [Kleve] schulfen derer noumeden twe Kerspele Oldenwo^olde unde Gro^ude ere inghezeghele myt witschop henghen taten an dessen breff,

de gheven unde screven ys na Godes bord in deme dusentsten veerhundertsten unde anderen iare des neghesten dynghsedages vor mydvasten.

___________________________________________