1397.11.27.
Nos consules civitatis Luneburg[ensis] Johannes Lange, Albertus de Molendino, Nicolaus Schomakers, Johannes Dycke, Conradus de Boltzen, Dytmarus Duckel, Bernardus Basedow, Nicolaus Garlop, Nicolaus de Sanckenstede, Hinricus Bere, Johannes de Molendino junior et Ludolfus Tobing, tenore p[rese]ncium protestamur, quod discreti viri Johannes Sak, Hinricus de Monte et Johannes Rodenb[ar]g cives Hamburgen[ses] pro certa pecunie summa ipsis integraliter persoluta cum heredum suorum et omnium quorum quolibet interfuit consensu. Sicut nobis hon[orabiles] nostri amici domini proconsules et consules civitatis Hamburgen[sis] in suis litteris patentibus testificando scripserunt, vendiderunt et in judicio resignaverunt ven[erabilibus] viris dominis Bernardo prep[osi]to, Wernero decano et toti capitulo ecclesie Hamburgen[sis] Bremen[sis] diocesis quatuor plaustra salis, videlicet tria plaustra de sinistra ghunchpannen domus Seveninge et quartum plaustrum salis de sinistra wechpannen domus Lotheringe in salina Luneburg quolibet flumine persolvenda. Jureque proprietario cum omnibus suis juribus, fructibus et pertinenciis ad maiores prebendas dicte ecclesie perpetuo possidenda, vel ad faciendum cum eisdem quidquid ipsorum placuit voluntati. Jure civitatis nostre penitus salvo in premissis. Ad instanciam parcium predictarum presentes litteras in testi[m]o[n]i[u]m omnium preexpressorum sigillo civitatis nostre iussimus communire.
Datum Lunebarg anno domini millesimo trecentesimo nonagesimoseptimo vicesimaseptima die mensis Novembris.
___________________________________________
Abschrift der Vorlage 14.8.2017 Margharita Mariani / Anlage, letzte Bearbeitung 30.10.2017 Jürgen Sarnowsky /
Bearbeitungsstand: am Original erfolgte und korrigierte Transkription / für Rückfragen: Juergen.Sarnowsky@uni-hamburg.de (Jürgen Sarnowsky)
zurück zur Regestenliste für 1397