1357.09.27.a.

In den namen unzes Heren wy Erik unde Albret(a) van der gnade Godes herteghen to Sassen, thu Engheren unde thu Westvalen alle den jenen, de dessen breef anzeet unde horet, beyl an Gode.

Witlik zi id allen luden, dat wy mid gu°dem berade unde vulbort unzer truwen raadgheven unde man dor zunderliker vruntscop unde deynstes willen, dat de radman unde borghere van Hamborch uns unde den unzen ghedan hebben, unde dor nut des meynen kopmans, zo gheve wy vor uns unde vor unze nakomelinghe den borgheren van Hamborch unde deme kopmanne, de de zee zu°ket, van der ze de Elve up behte thu Hamborch, van Hamborch de Elve unth behte un de ze, ze zin van wat lande ze zin, desse vryheyt, de hirna gheschreven zyn.

Tu deme ersten , dat nen man roven scal de borghere van Hamborch edder den kopman ud unzem lande thu  Hadeln edder dar weeder in thu watere edder thu lande.

Vortmer dat men deme torne thu der Nighen O nicht nagher buwen en scal, men alze dar nu ghebuwet is, noch wy noch unse nakomelinghe noch neyn man.
Vortmer we uppe deme torne is thu° der Nighen O, den scal neyn man hinderen an zime queke, swinen, schapen noch perden noch an der weyde, de umme den torne beleghen is.

Vortmer zwe uppe dem torne is, den he send in dat land an zime werve, den scal neyn , man hinderen; ok zo we wil up den torne oder van deme torne van der stad weghen van Hamborch thu° lande edder thu° wathere, den scal neyn man hinderen.

Vortmer de breve unde de vryheyt, de unse elderen hebbet gegheven den borgheren tho Hamborch unde deme meynen kopmanne, de stedeghe wy in dessen yeghenwardighen breve unde willet, dat ze ewyghen waren.

Vortmer were dat zake, dat en schelinghe upstunde twischen uns unde den van Hamborch, des nicht scheen en mo^vche, zo scholen desse breve jo in erer macht bliven unde schal holden, alze desse bref inne heft, twischen deme lande thu Hadelen unde der stad von Hamborch. Dede jenich man darboven, dat schole wy unde unze nakomelinghe ym keren helpen.

Thu° eyner bethu°ghinge desser vorbeno^vmeden dingh zo hebbe wy unze inghezeghele dessem breve thu°ghehenget.

Tu°ghe desser stucke zin Hartwich van Rytzerowe unde Dyderik zyn broder, Vicke Marscalk de eldere, Herman Schulte, junghe Vicke Marscalk, voghet to Bergherdorpe, unde ander vele ghuder lude.