1355.12.03.

Noverint universi, quod nos Theodoricus up dem Perde et Hinricus Hop proconsules civitatis Hamburgensis nomine consulum dicte civitatis cum honorabilibus viris dominis Hinrico Witten scholastico et Hartwico de Salina canonico ecclesie Hamburgensis Bremensis diocesis super infrascriptis articulis concordavimus in hunc modum:

Primo domus Johannii Holtenstede prope scholetor, item domus domini Hinrici Witten,(2) item curia, quam habet dominus Johannes Buckenhagen retro refectorium dicte ecclesie ad partem occidentalem, item domus campanarii ecclesie in platea fabrorum, item domus, in qua morabatur dominus Hermannus Glazewerder ad partem ecclesie meridionalem in futurum schott non solvent.

Item omnia et singula bona in iure civitatis constituta ad thesaurariam dicte ecclesie Hamburgensis spectantia schott non persolvent.

Item de omnibus et singulis bonis et reditibus in iure civitatis constitutis, que et quos dicta ecclesia et eius persone infra triginta annos possederunt et possident in hodiernum diem, sive sunt ad memorias sive ad vicarias, schott non recipiemus, sed in favore et gratia, in qua hactenus permanserunt schott civitati non persolvendo, in eadem gratia et favore dictam ecclesiam et personas volumus favorabiliter permanere, nisi nos rationabiliter ostendere possemus, quod ecclesia et dicte persone infra dictos triginta annos usque in hodiemum diem de aliquibus bonis schott civitati solvissent, tum de illis bonis, de quibus solverunt, ut dictum est, schott civitati nostre persolvent in futurum.

In cuius rei testimonium sigillum nostrum presentibus est appositum.