1355.11.23.
Noverint universi,
quod nos, Nycolaus Fransoyzer, Thydericus Uppemperde, Henricus Hoop, Johannes Milites, Henricus Brytzerdorp, proconsules; Thidericus Wrak, Johannes Stendal senior, Johannes Kyl, Albertus de Gheldersen, Reynerus Grove, Thydemannus Wulfhaghe, Henricus Hoyeri, Johannes Alveld, Hermannus Biscoppingh et Nicolaus Ghulczowe, consules, advocatus seu iudex secularis; magistri officiorum mechanicorum, iurati ecclesiarum parrochialium, burgenses et universitas seu commune opidi Hamborgensis, Bremensis dyocesis,
facimus constituimus et ordinamus nostrum verum et legitimum procu[ra]torem et nuncium specialem discretum virum, dominum Johannem de Wunstorpe, clericum et capellanum nostrum, in omnibus et singulis causis nostris, quas habuimus et habemus cum honorabilibus viris, dominis, preposito, decano, canonicis et capitulo ecclesie Hamborgensis
et ad petendum et recipiendum absolutionem a quibuscunque sentenciis et excommunicacionum et interdictorum in nos seu universitatem nostram a quibuscunque iudicibus, in curia Romana vel extra, quomodocunque vel qualitercunque, de facto vel de iure, prolatio simpliciter vel ad cautelam, prout sibi magis et melius videbitur expedire;
et ad prestandum iuramenta de stando mandatis ecclesia in animas nostras et cuius libet nostrum, et omnia alia et singula faciendum, que in premissis et circa premissa et quolibet premissorum nostri nomine et cuiuslibet nostrum et universitatis nostre necessaria fuerint seu quomodolibet oportuna, gratum et ratum habitari quidquid per dictum procuratorem nostrum in premissis et quolibet premissorum actum fuerit sine procuratum.
Datum et actum Hamborch in nostro consistorio anno Domini M°CCC° quinquagesimo quinto, in die beati Clementis martiris, sub nostro secreto.
___________________________________________
erste Anlage 01.09.2003 Jeanine Marquard, Susanne Dreyer / letzte Bearbeitung 03.01.2009 Jürgen Sarnowsky /
Bearbeitungsstand: erste Transkription, nicht mit dem Original kollationiert / für Rückfragen: Juergen.Sarnowsky@uni-hamburg.de (Jürgen Sarnowsky)
zurück zur Regestenliste für 1355