1352.06.27.

Honorabilibus viris et multum discretis, dominis consulibus Hamburgensibus, consules ciuitatis Wismar cum omni amicicia ad eorum seruimina se beniuolos et paratos.

Ad vestram discrecionem et amiciciam nobis specialiter dilectam vobis transmittimus Marquardum Walmerstorpe, ciuem nostrum nobis dilectum, pro accusaciune Volradi de Plesse vobiscum detenti, vt nobis in littera vestra nobis rescripta insinuastis. Quare, vt prius, vos affectuose et multum diligenter rogitamus, quatenus eundem efficaciter iuuare dignemini nostri perpetui seruicii ob respectum, quod sibi a predicto Volrado de Plessse, spoliatore suo, fiat totaliter, quod est iuris. Scientes eciam causam esse talem, quod infra bona pace terre et sine discordia dominorum terrarum venerunt aliqui nequam ante ciuitatem nostram et spoliauerunt predictum Marquardum omnibus suis equis. Postmodum dicebatur nobis, predictum Volradum interfuisse, qui venerat ad presenciam nostrorum proconsulum, videlicet Hermanni de Walmerstorpe, Johannis Darghetzowen, Andree Bukowen et Johannis de Vichele, racione placitorum precidti spolii seruandorum et fatebatur coram ipsis publice, ipsum predictum spolium perpetrasse, prout predicti coram nobis testificauerunt fastis eorum iuramentis.