PrUB, SK 10

1413 März 29. Marienburg.

{Regest}
Der Hochmeister [Heinrich von Plauen] an Herzog Johannes von Münsterberg: nimmt Bezug auf dessen Wünsche, Ersatz für Kriegsschäden, Erstattung der Kosten des Einlagers in Krakau und Erstattung der Reisekosten zum Hoftag Sigismunds zu erhalten, die der Sendbote Hannos von Bebirstein vorgetragen hat. Der Hochmeister lehnt die Erstattung mit Begründungen ab.

{Überlieferung}
B = OF 6, p. 211-12.

{Drucklegungen}
---

{Regest}
---

{Diplomatische Erörterung des Stücks}
Register-Überlieferung, Papier.

Herczog Johannes czu Monsterberg.

Hochgeborner furste grosmechtiger liber besundrer here.
Als euwer grosmechtik[eit] den edeln herren Hansen von Bebirstein mit euwer credenczen czu uns hat gesant, etliche gewerbe und botschaft von euwer wegen muntlichen mit uns czu reden, so thu wir euwer grosmechtik[eit] czu wissen, das her dieselben euwer gewerbe und botschaft getruwlichen^a) her^b⁾^vonuns hat volfurt und geendet und uf das irste von der schaden wegen die ir euch sind unsern krygen und ouch von dem inleger czu Cracow usczurichten begeret.
Liber here wellet wissen und czu herczen nemen, das ir in grossem genugen und dangsamek[eit] sit von uns gescheydin noch deme kryge. So ist euwer herlichk[eit] ouch wissentlich, das wir die euwere us deme inleger czu Crokow us der herbergen haben geloset, wie wol ir uns des inlegers czu vormyden sulche grosse koste und czerunge glich andern hern fursten noch unsers brechens irczelunge und anlegende not hettet mocht ubirheben, welche herren und fursten die uns verre gesessen etc. uns czu voran dorumb sachen unsers rathes dor inne pflegende das ir billicher mochtet haben getan von deswegen, das ir uns neste von den burgen woret gesessen und tatet is uns nicht ee czu wissen denne do ir itczunt yngerethin woret ouch, als ir ouch begeret die schaden koste und czerunge zu Ofen¹⁾ usczurichten etc.
Liber herre wir getruwens czu vorderst, das ir umb behegelichk[eit] glich andern hern und fursten unsern gnedigen hern Romisschen und Ungersschen etc. konige²⁾ czu syme hofe und frewden siet geretin, das ir doch sust getan hettet, ap dis nicht gewesen were und hoffen, das ir dirkennen werdet, das wir euch ein sulchs auch nicht pflichtig sind usczurichten. Ouch hatten wir die unsere^c) dor[um]me czum tage ken Ofen gesand, das sie unsere burgen fryen und ledegen sulden als is von Gotis gnaden ist geschen.
Hir[um]me besondrer liber herre bitten wir euch als unsern gunstigen heren, das ir noch Gote und noch rechte ein sulchs czu herczen nemet und weget und uns nicht hoger bekommert umb semelicher schaden willen, dor wir euch nicht pflichtig sind an seende den grossen schaden, den wir entfangen haben, und bitten euch, das ir metelidunge mit uns habit, danken euch ymmer merclichir woltat und allen guten, das ir bie uns getan habet in unsern krygen, unczwifelich getruwende, so uns eynigerleye not^d) worde geen, das ir uns noch von angeborner gute czu beschutczunge und enthaldunge der cristenheit nicht lisset.
Geg[eben] uf unsern^e) huse Marienburg am Mittwochen vor Letare anno etc. xiii^o.

Textkritische Anmerkungen:
^a) Zwischen u und e vermutlich verschrieben.
^b) Folgt Einfügungszeichen für gestrichen Heylsberg am Rand eine Zeile höher.
^c) Folgt Str.: czum tage.
^d)Folgt Str.: anginge.
^e)Folgt Str.: homeist.

Inhaltliche Anmerkungen:
¹⁾ Buda.
²⁾ Sigismund, römisch-deutscher Kaiser, König von Ungarn und Böhmen aus dem Hause Luxemburg, 15.2.1368-9.12.1437.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/sk/sk10.htm) und Datum der Einsichtnahme; (2) im Druck: PrUB, SK10 (1413 März 29. Marienburg)
Bearbeitungsstand: Text eingegeben (Sebastian Kubon, 30.3.2004) – Datum überprüft (Sebastian Kubon, 30.3.2004) – Text mit PrUB oder sonst Druck kollationiert () – Text mit Or. kollationiert (Sebastian Kubon, 30.3.2004) – äußere Merkmale beschrieben (Sebastian Kubon, 30.3.2004)

Datum der Erstanlage: Dienstag, den 30. März 2004 — Letzte Änderung: 15. Oktober 2004 von Sebastian Kubon

Zurück zur Hamburger Homepage / zurück zur Regestenliste für 1413.