PrUB, JS 6
© Jürgen Sarnowsky, Hamburg (1999-2009)
Handfeste des Obersten Spittlers Siegfried Walpot von Bassenheim über das durch Kauf vergrößerte Dorf Deutschendorf.
{Überlieferung}
B = OBA 491.
{Drucklegungen}
aus B J. Sarnowsky, Die Wirtschaftsführung des Deutschen Ordens in Preußen (1382-1454), (Veröffentlichungen aus den Archiven Preußischer Kulturbesitz, Band 34), Köln, Weimar, Wien 1993, Nr. 1b, S. 708-09.
Regest
JH I 491.
{Diplomatische Erörterung des Stücks}
Abschrift von 18601), Papier.
{Intitulatio} Wir brudir Syffrid Walpode van Bassenheim, obirster spitteler Ordins unser Frowin des Dutschin Huses von Jherusalem und kompthur czum Elbinge,2)
{Publicatio} bekennen offinbar in dissim kegenwertigen brife, das wir myt rote und willen unser eldisten brudir dy hantfeste, dy brudir Heinrich van Gera3) seligis gedechtnisses etzwan kompthur czum Elbinge deme dorfe Doetschedorf4) genant hatte gegeben, vornuwet haben durch etzlichir sache willen. Czum irsten durch der 21 morgen willen, dy sy von uns haben gekouft, und durch 3 huben und 3 morgen willen, dy wir in ouch vorkouft haben von deme gute czu Merkan. Sundir wir wellen, das das dorf Dutschedorf disse hantfeste sal haben von worte czu worte noch deme lute iris alden brifs, den in brudir Heinrich von Gera seligis gedechtnisses hatte gegeben, so bescheydelich, das das dorf Dutschedorf sal behalden 84 huben, von den wir czuvor bescheyden haben 4 frye huben gote czu lobe und der heyligen juncfrowen Sente Katherinen czu der pfarrekirche in deme selbigen dorfe.
Di andern 80 huben, dy do gehoren czu deme vorgeschribnen dorfe Dutschedorf, habe wir gegeben czu beseczin Heinrich unde Herbort und yren woren erben und {S. 709} nochkomelingen czum Kolmischen rechte. Durch der besaczunge willen sullen sy und ire woren erben und nochkomelinge von den 80 huben haben die czende hube fry von czinse czum scholczampte in deme vorgeschribnen dorfe erplich und ewyklich czu besiczen. Sundir dy besiczir der andern 72 huben sullen gebin jo von der huben ½ m. pfenninge gewoniklichir muntcze jerlich of Unser Frowen Tag Lichtwyunge5) und 4 huner unserm huse czum Elbinge. Und von yklichem pfluge der vorgeschribenen huben sullen sy geben alle jor jo von dem pflug 1 scl. weys und 1 scl. korns zcu pflugkorn, und von den vorgeschribnen 21 morgen sullen si geben iren czins, ire huner, ir pflugkorn und alle ding thun alz von den 72 huben. Des glich sullen sy ouch thun von den 3 morgen und 3 huben, dy sy von uns gekouft han myt czins, jo von der huben ½ m. of den vorgeschribnen tag und 4 huner und jo von deme pfluge 1 scl. weys und 1 scl. rockin czu pflugkorn und irem pfarrer synen tetczim geben alz van deme andern erbe, und sullen dy 3 huben und 3 morgen fry haben von scharwerke. In den selbigin gutern wir usnemen kreczemen, molen myt irer buwestat, czu unserm nucz sundirlichen czu behalden.
Wir vorlyen ouch den vorgeschribnen Heinrich und Herbord und iren woren erben und nochkomelingen in den vorgenanten gutern die mynre gerichte obir dy Dutschen. Abir dy grosen gerichte wir unsern brudern behalden, und was do von gerichtbrochen wir und unsir brudir geruchen czu dirlosen, das sal ouch von in sin dirlosen. Sundir was wir dovon nemen, das gebe wir in das dritteteyl, dy czwey teil wir uns behalden.
{Corroboratio} Czu geczugnisse dissir dinge haben wir unser ingesegil an dissin brif losen hengen, {Datierung} der gegeben ist uf unserm huse Holland in der jarczal Christi 1392 am tage der Heyligen Dry Koninge tage.
{Zeugen} Geczug sin unser lyben brudir, brudir Pfilippus von Kleberg, huskompthur czum Elbinge,6) brudir Tile von Lorich undirspitteler,7) brudir Johan Beldersheim huskompthur czu Hollant, brudir Dittrich Hatczinsteyn waltmeister czum Elbing,8) brudir Wilhelm von Wencheim unser konpan,9) her Jhoannes unser capplan und andir vyl ersamlute.
Inhaltliche Anmerkungen
1) Nach einem Original auf Pergament aus dem gräflich-Dohnaschen Archiv zu Lauck, überprüft durch den Archivar Meckelburg ("diplomatisch treu von Wort zu Wort", 1860 Aug.12). Die erhaltenen Bestände des Dohnaschen Archivs in Allenstein (Olsztyn) konnten nicht auf parallele Überlieferung untersucht werden.
2) Oberster Spittler 1384-1396, Johannes Voigt, Namen-Codex der Deutschen Ordens-Beamten, 1843 (ND Niederwalluf bei Wiesbaden 1971), S. 10.
3) Komtur von Elbing 1305-1312, vgl. Voigt, Namens-Codex, 28. Aus PUB 1,2, kommt an Verleihungen Heinrichs eigentlich nur Nr.823 in Frage (84 Hufen an Heinrich zur Lokation in Pagardichen, 7 Schulzenhufen, Zins von ½ m. und vier Hühnern je Hufe an Martini, dazu je Pflug 1 scl. Roggen und Weizen), doch ist der Ort im benutzten Elbinger Handfestenbuch mit Neukirch identifiziert.
4) Deutschendorf fehlt in Das Große Zinsbuch des Deutschen Ritterordens, hrsg. P. G. Thielen, Marburg 1958; in L. Weber, Preussen vor 500 Jahren, Danzig 1878, S. 461, dem Kammeramt Bordehnen zugeordnet.
6) Belegt 1391 und 1392, s. G. A. von Mülverstedt, Die Beamten und Conventsmitglieder in den Verwaltungs-Districten des Deutschen Ordens innerhalb des Regierungsbezirks Danzig, in: Zeitschrift des Westpreußischen Geschichtsvereins 24 (1888), S. 1-69, hier S. 30, danach 1395-1401 Vogt zu Bebern, Voigt, Namens-Codex, 62.
7) Belegt 1391 und 1392, Mülverstedt, Beamte...Danzig, 33.
8) Belegt 1391 und 1392, Mülverstedt, Beamte...Danzig, 35.
9) Sonst belegt 1383 und 1391, Mülverstedt, Beamte...Danzig, 32.
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js6.htm) und Datum der Einsichtnahme; (2) im Druck: PrUB, JS 6 (1392 Januar 26. Preuß. Holland.)
Bearbeitungsstand: Text eingegeben (31.12.2001, Jürgen Sarnowsky) – Datum überprüft (31.12.2001) – Text mit PrUB oder sonst Druck kollationiert (31.12.2001) – Text mit Or. kollationiert (31.12.2001) – äußere Merkmale beschreiben (31.12.2001)
Datum der Erstanlage: Samstag, 3. Juni 1999 – Letzte Änderung: 31. Dezember 2001 von Jürgen Sarnowsky (für ein korrekt adressiertes E-Post-Formular meinen Namen anklicken!)
Zurück zur Hamburger Homepage / zurück zur Regestenliste für 1392.