PrUB, JS 502

{Überlieferung}
B = OBA 4921, Nachschrift [olim Schiebl. XXII, 58]. 

{Drucklegungen} 
aus B Deutsche Reichstagsakten, Ältere Reihe, Bd. 7-12: unter Kaiser Sigmund, bearb. D. Kerler, H. Herre, Gustav Beckmann, Gotha 1878-1906, hier Bd. 9, Nr. 128, S. 163-64 [ danach hier].

{Regest}
JH I 4921.

{Diplomatische Erörterung des Stücks}
B zeitgenössische Abschrift auf Papier, Versendungsschnitte, aber ohne Unterschrift und Adresse.

Erwirdiger lieber homeister.

[1] Min herre der Romische kung hat mir zu drien malen geschriben, das ich mich darzu^e schicken und mit im gein Rome riten solle, da wolle er sine keiserliche cronen empfahen. Und in dem ersten briefe schribt er mir, ich solle mich darzu^e schicken, wanne er mir zum andern male schribe, das ich danne bereit si. In dem andern briefe hat er mich bescheiden uf sant Jorgen tag^{2) a)} bi im zu Ravenspurg zu sin und zu^e im dahin zu kommen in maßen als ich im des schuldig si zu zihen und zu thu^en. Nu^e in dem leczsten briefe schribt er mir, ich solle zu im kommen gein Ulme, dohin wolle er die kurfursten auch zu im bescheiden. Und setzt mir doch kein nemlich zit. Danne ich verstee wol, das sin gnade noch zu Ungern ist und weiß nicht ob solicher zug fur sich ghen wirt. Danne er schribt ie gar ernstlich, er hab sin willen. Gnediger lieber her meister. von der und ander sache wegen han ich willen kurzlich mich zu erheben und zu^e dem obgnanten mim herren dem konige zu riten. Ob nu^e uwer gnade dieweil mir botschaf heruß thu^en wollte, so wißet uch darnach zu richten.

[2] Auch so hat der herre kung von Polan zwen siner rethe herußgeschickt zu minen herren den kurfursten, und sin gewest bi mim herren dem marggraven von Brandemburg. was sie daselbs geworben haben, kann ich nit erfaren. Sust gein min herren den pfalzgraven ist ire werbunge slecht gewest und berurt unsern orden nicht sunder sie bearbeiten sich, das sie die kurfursten gerne zusammenbrechten. Do wollten sie alsdanne vor in allen ir treffliche und ganze werbunge thu^en und volliclicher danne zu iglichem besunder.

[3] Und, gnediger meister, wurdet ir mir ein antwert schreiben von herzog Heinrichs³⁾ wegen und, ob ich nit inheimisch were, so han ich doch bestellet mit minen gebietigern, soliche sache furzu^ebringen und der nachzughen in maßen als danne uwer gnade das wirt schreiben und urnemen.

[4] Auch, gnediger meister als unser herren die kurfursten beslossen und geseczt haben den zwenzigsten pfennig von der geistlichkeit und sust von eim iglichen cristenmenschen ein behemschen grossen zuu^eheben und zu sammen wider die ketzer zu Behemen damit zu kriegen:⁴⁾ also wirt solicher anslag in viel landen und von viel fursten ingenommen und ufgehaben. Aber es sin auch viel fursten herschefte und land, die ein solichs verbeiten iren geistlichen und wertlichen undersassen und solich geld nicht wollent laßen geben. danne ich versehe mich und besorge, das kein degelicher krieg ader zug von solichem gelde redlich und trefflich moge ußgericht werden nach dem und die kurfursten das zum ersten gesetzt und beslossen haben. So verneme ich auch keinen andern anslag, den is darnach gethan haben, der offenlich si. Sunder sie haben ire treffliche botschaf⁵⁾ zu mim herren Romischen kunge, die iczund uf dem wege sin widerzukommen und umme sant Jorgen dag zu Nuremberg zu sinde was dieselbe botschaf zu antwert bringet, kann ich noch nit gewissen. Danne es werden uf dieselben zit etliche fursten und auch der fursten rethe zu Nuremberg sin.

Datum Brotselden in profesto beati Georgii etc.