PrUB, JS 453

{Überlieferung}
B = OF 3, p. 104.

{Drucklegungen}
--.

{Diplomatische Erörterung des Stücks}
 Register-Überlieferung, Abschrift.

Irluchter forste, grosmechtiger lieber herre.
Als wir vor etczlichin czeiten euwer herlichk[eit] schrebin bittende mit fleisse, das sie hern Nicclaus und Woczech gebruder[e] von der Glouicz, euwir grosmechtik[eit] undirsassen, geruchte czu undirweisen und dorczu czu halden, das sie sich nicht der weßenn und guter des herren Bisschofs von Lesslow undirwunden, die undir uns und unsers ordens beschirmunge sein gelegen. Und sein wol begernde gewest, das sie mit ir beweisunge czu uns off eine nemliche czeit quemen. Was sie mit redlichir beweisunge mochten bewern, dorczu sie recht hetten, do bey welden wir sie wol behalden und volkomlichin lassen bliben.
Do von hat euwir herlichk[eit] uns einen briff gesant, den wir wol vornomen haben. Und als ir schr[ibt], das die unsern umbe ein semelichs mit den euwern vor euch und euwern rate sulden geen czu rechte, lieber herre, uns dunket nicht recht noch moglichen sein, das die unsern mit den euwern vor euch sulden gesteen czu rechte von der weßen und guter wegen synt der czeit, das die weßen undir unserm und unsers ordens beschirm sein gelegen. Went uns moglichir dunkt seyn, das man das recht do von usgee und suche vor deme, undir des beschir die ansproche seyn gelegen. Dor umbe, lieber herre, bitten wir euwir grosmechtik[eit] mit begirlichem fleise, das ir die euwern dor czu haldet, das sie do von lassen und sich der weßen und gutir nicht undirwynden. Went die unsern yo clagen, das sie des eren die lenge nicht emperen mogen. Adir gerucht sie dor czu czu halden, haben sie recht dorczu, das sie mit der beweisunge ires rechtes vor uns komen.
Wir begern nicht anders denne, das wir die euwern so genczlichin bey irem rechte als die^a) unsern behalden welden. Und schr[ibt] uns des ein entw[or]t.
Geg[eben] uff unserm huße Mar[ienburg] am Dinstage vor Thome apostoli im XIIII^Cten und andern yore.

^a) Folgt Streichung euwern.