PrUB, JS 451

{Überlieferung}
B = OF 3, p. ... [olim Registrant des Hochmeisters Konrad von Jungingen, Nro. 1b, fol. 19].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 129-30.

{Diplomatische Erörterung des Stücks}
Gleichzeitige Abschrift, Papier.

Wir bruder Conrad von Jungingen homeister dutsches ordens bekennen offenlich yn disem briffe allen dy in seen horen ader lesen, das wir alle die gefangen unsers ordens bruder und unser lute, die herczog Witowt by im hat und uns czu deser czit sendet, off unser hant nemen bis czu offen tagen. Und geloben by truwen und eren, die selben syne gefangen yn eigener personen ader by den unsern die wir dar senden werden, alsampt wedir czu gestellen off eynen nemelichen tag czu offen {S. 130} tagen, den uns herczog Witowt vorgenant seczen wirt, und geloben das ane gefeer und argelist, also ab uns irkeyner der selben bynnen der czit der losunge entliffe, das wir vor eynen semelichen eyne gewonliche losunge teten noch alder gewonheit ab ouch irkeyner vorstorbe, das mans ouch mit deme hilde als mans von alders gehalden hat, des czu geczugnisse so haben wir unser ingesegil an desen briff lassen hengen,
der gegeben ist off unserm huse Marienburg in den iaren des Herren virczenhundirt und donoch im andern iare, am Donirstage noch Sente Prisce tage der heiligen Jungfrowen.