PrUB, JS 440

1471 August 3. Königsberg.

{Regest}
Hochmeister Heinrich von Richtenberg macht bekannt, daß er mit Zustimmung der Gebietiger Nikolaus Keyser für seine treuen Dienste sieben Hufen in Bloßkeim im Gebiet Rastenburg und Kammeramt Leunenburg verliehen hat, dazu Gerichtsrechte, nach prußischem Recht und gegen Kriegsdienst und einen Rekognitionszins.

{Überlieferung}
A = Privatbesitz; olim Gutsarchiv zu Prassen.

{Drucklegungen}
aus A Karl Borchardt, Urkunden aus Leunenburg in Preußen von 1368 bis 1563, in: Beiträge zur Geschichte Westpreußens 16 (1999-2009), S. 55-93, hier Nr. 13, S. 80-81; George Adalbert v. Mülverstedt (Hrsg.): Diplomatarium Ileburgense. Urkunden-Sammlung zur Geschichte und Genealogie der Grafen zu Eulenburg. 2 Teile. Magdeburg 1877-1879, hier II, S. 824-25.

{Diplomatische Erörterung des Stücks}
A = Leicht im Falz beschädigte Ausfertigung auf Pergament mit verlorenem, ursprünglich angehängtem Siegel.

Wir bruder Heinrich vann Richtenberg, hoemeister des ordens der brudere des hospitales sancte Marie des Dewtsch^a) vonn Jerusalem, thun kunth und bekennen o^effintlich mit diezem unnserrm offenn briefe vor allen unnd iglichen, die en sehen, ho^ern adder lesenn, das wir mit rath unnser gebietigere unnserrm lieben gtrauwen Niclis Keyser ummb sienerr mannigfaldigenn getrauwen dienste willen, der her unns unnd unnserrm ordenn gethan hatt unnd hinfur allwege verpflichtet sall sein zcu thwnde, vorlihen unnd vorschriben haben, verleihenn unnd verschreiben em, sienen rechten erben unnd nochkomelingen siben huben czu Floszkaym¹⁾ im gebiethe Rastenburg unnd camerampte Leuwnenburg gelegen an acker, wesen, weiden, welden, pu^eschen, bru^echerrn unnd strewcherrn bynnen iren alden grenniczen, als die vor alders sein beweiset, frey, erblich unnd ewiglich czu Prewsischem rechtenn zcu besitzenn. Darczu begnadigen wir sie mit den gerichten beyde gros unnd cleyn alleyn o^eberr ire lewte unnd bynnen der obgemelt siben huben grenniczen, stroszengerichte uzgenomen, das wir unserr herrlichkeit zcu richten behaldenn. Ummb wellicher unnser begnadigung willenn sall unns unnd unnserrm ordenn der obgnante Niclis Keyser, seine rechte erben unnd nochkomelinge verpflichtet sein zcu dienen mit hengist unnd harrnisch noch disz lanndes gewonheit zcu allen geschreien, herffarten unnde landtweren, newe heuser czu bawen, alde czu bessernn adder zcu brechen, wenne, wie dicke unnd wohen sie van unnsers ordens bru^ederrn werdenn geheischen unnd erfordert. Darczu sallen sie unns unnd unnserrm ordenn alle jar jerlich uff Martini des heiligen bischofs tag verpflichtet sein czu gebenn je vom pflug eyn scheffel weisz unnde einen scheffel rocken zcu bekenntnusz der herschaft.
Des zcu ewigerr sicherheit haben wir unnser innsigil an lossenn hengen dieszem brief, der gegeben ist uff unnserrm hauwze Konigsberg am Freitage Inventionis sancti Steffani²⁾ im vierczehenhunderstenn unnd eynunndsibenczigisten jare.
Geczewge diezer dinge sein unnserr lieben in got andechtigen bruedere Veith von Gich obirster Spittler unnd kompthur zcu Brandenburg, Seyfrid Flach vonn Swarczberg obirster trapier unnd kompthurr zcur Balge, Jorge von Cortenheim hauwszkompthur zcu Konigsberg, Philipp vonn Angelach unnser compan, Liborius unnd Jacobus unnserre schreibere unnd vil ander trauwirdige leuwthe.

{Textkritische Anmerkungen}

^a)Sic.

{Inhaltliche Anmerkungen}

¹⁾Bloßkeim wie Borchardt, Urkunden, Nr. 12 = js439.htm.
²⁾Inventionis Stephani, der 3. August, war 1471 ein Sonnabend.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js440.htm) und Datum der Einsichtnahme; (2) im Druck: PrUB, JS 440 (1471 August 3. Königsberg.)
Bearbeitungsstand: Text eingegeben (Sarnowsky, 15.8.2002) – Datum überprüft () – Text mit PrUB oder sonst Druck kollationiert () – Text mit Or. kollationiert () – äußere Merkmale beschrieben ()

Datum der Erstanlage: Donnerstag, 15. August 2002 – Letzte Änderung: 15. August 2002 von Jürgen Sarnowsky

Zurück zur Hamburger Homepage / zurück zur Regestenliste für 1471.