PrUB, JS 383

{Überlieferung}
B = OF 2c, p. 68  [olim Registrant des Hochmeisters Konrad von Jungingen, Nro. II, fol. 32v].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 24-25.

{Diplomatische Erörterung des Stücks}
Gleichzeitige Abschrift, Papier.

Eynfeldige befelunge und willigin dinst mit allir beheglichkeit bevor.
Allirduchluchster furste und grosmechtiger gnediger herre, ewir grosmecht[ikeit] briff, uns by desin ewerm boten uns gesant, haben wir wirdiclich entphangen und wol vornomen. Dorynne uns ewir durchluchtikeit schribet, wy das des riches manne czu Denmarken euch geholdet und czu eren heren und konig entphangen haben, begernde in dem selbin euwerm brive von uns, das wir euwerm riche gunstik, behulflich und sin bestes czu ramende wesen wellin.
Here gnediger, ewer durchluchtikeit begere wir czu wissen, {S. 25} das wir des sere dirfrowet sin, und haben is czu mole gerne gehoret und dirfaren, und hoffen des wol, das is uns und unsern landen nuczlich, trostlich und fromlich sin solle. Und wor an wir, here gnediger, euch und ewerm riche czu dinste, czu danke und beheglichen mit allen den unsern werden mogen, do wellen wir uns stetlich an irbiten und dirczeigen noch alle unserm vormogen, und bitten ewir durchluchtikeit  alz unsern besundern heren, das ir uns, unsern orden und landen in ewern gnedigen schucz und schirm nehmen gerucht.
Dorumb wir gerne mit allen den unsern got unsern heren vor ewir wolfar, gesundikeit eyn seliges langes lebin und merunge ewir riche wellen bitten, und gebitet here gnediger czu uns alz czu ewerm besundern sundirlechsten.
Gegeben uf unserm huse Marienburg am Montag nach Palm[arum] anno XC sexto.