PrUB, JS 379

{Überlieferung}
B = OF 2c, p. 78-79  [olim Registrant des Hochmeisters Konrad von Jungingen, Nro. II, fol. 36v-37r].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 30-31.

{Diplomatische Erörterung des Stücks}
Gleichzeitige Abschrift, Papier.

{Inscriptio} Irluchter furst und liber herre.
Wir thun euwer herlichkeit czu wissen, das uns ein uffen brieff mit czen ufgedruckten ingesegeln von Littowen komen ist und uns von eynes ungeloybigen hant wart geantwert in semelichim lute, als dese ingeslossene copie uswiset, in der euwir herlichkeit geschriben vyndet, wie das der orden den fruntlichin vorbund, dorynne her mit euch gesessen hatt, swerlich und groslich an euch gebrochin habe.
Liber herre, wir hoffen nicht, das wir ader unser orden in keynerley wies keynen vorbund an euch habin gebrochin. Ouch liber herre, so mag euwir herlichkeit wol dirkennen noch lute und bewisunge des brives, den ir mit den euwern dem orden obir den vorbundt vorsegelt hatt, das wir noch unser orden den vorbunt nicht gebrachin habin. Dorumb, liber herre, bitten wir euwir herlichkeit als unsern besundern herren, ap ir euch den brief zcuzciet, alze dese ingeslossene copie innehelt, das ir uns noch unsern orden mit eyme sulchen nicht beschuldiget noch berochtet, wend wir unser orden eyn sulches ken euwer herlichkeit ny vorschult habin und wir anders nicht wenne eyne stete fruntschaft mit euwer herlichkeit gewost habin noch wissen, alzo als ir euch mit den euwern in dem selbin vorbunde dem orden vorschriben und vorsegelt hatt.
Ouch liber herre, als ir vyndet in desir copie, das wir euwern son an der gnaden der kirchin zcu Rige gehindert sulden haben, liber herre, gerucht zcu wissen, was wir bie der kirchin zcu Rige gethan habin, das habe wir {S. 31} getan von gehorsames und gebotes wegen unsers heiligen vaters des pabistes, und hoffen, das wir doran gethan habin und thun, das wir das mit rechte thun und gethan habin, und uns leyt were das ymandt keynerley hindernisse widder recht von uns habin sulde und bitten des brives ein antwert.
{Datierung} Gegeben zu Hammersteyn am dinstag noch Elizabeth anno XCVIto.