PrUB, JS 311

{Überlieferung}
B = OF 2c, p. 246 [olim Registrant des Hochmeisters Konrad von Jungingen, Nro. II, fol. 113v].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 103.

{Diplomatische Erörterung des Stücks}
Gleichzeitige Abschrift, Papier.

Eynfeldige bevelunge und willigen dinst etc.
Allirdurchluchste grosmechtige gnedige frauwe, euwirm gnedigem gutem willem, gunst und fruntschafft, als euwir grosmechtige vorsichtikeit sich mildeclich bewiset hat in der sache czwisschen euwir allirdurchluchtikeit und unsern steten des landes czu Prussen und etlichen andren steten der henssen, wir groslich mit allen unsern gebitigern dancken, und vor euwir gesundikeit und wolfarn gerne dorumme Got wellen bitten mit allem flize. Und vrowen uns, das dy sache also gnediclich hyn gelegt ist
Vortme zo dancke wir euwir allirdurchluchsten grosmechtikeit euwirs czeldenpferdes und sachczabels, doran wir stete dirkennen, alzo an andern vil gute, dy euwir grosmechtikeit dirczeiget unserm grosscheffer hat und czu pflege irczeiget, der gute und gunst wir dy folle nymmer voldancken kunnen euwir allirdurchluchtikeit, sunder gerne das vorscholden wellen mit unserm gebete.
Gegeben czu Marienburg am Frytage vor Galli im XIIII^C jare.