PrUB, JS 309

{Überlieferung}
B = OF 2c, p. 258 [olim Registrant des Hochmeisters Konrad von Jungingen, Nro. II, fol. 118v].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 104-05.

{Diplomatische Erörterung des Stücks}
Gleichzeitige Abschrift, Papier.

Regi Polonie.

Recommendacione humili voluntario cum servicio ad omnia celsitudinis vestre regie beneplacita premissis.
Serenissime princeps et domine magnifice graciose, retulit nobis de Balga commendator et frater noster, de quam pluribus magnificencie vestre preclare graciis beneficiis et favoribus sibi nuper exhibitis, pro quibus una cum ordine nostro toto eidem gracie vestre regie graciarum debitas referimus acciones. Et licet, serenissime princeps et domine magnifice, idem comendator certis sub articulis iuxta mandatum et voluntatem e. s[erenitatis] v[estre] de quibusdam impedimentis et querelis inter regnum videlicet magnificencie vestre Polonie et terras nostras vertentibus sufficientem ipso die datis presencium nobis fecerit relacionem, non tamen quantum congrueret, ymmo prout necesse foret scripto seu litteris super eisdem articulis eidem magnificencie vestre graciose respondere valemus.
Ob quod celsitudini vestre regie sub sperande exaudicionis fiducia confidencius supplicamus, quatinus de benignitate gracie vestre pro eisdem impedimentis, ut premittitur, et querelis cooperante domini Dei nostri gracia feliciter sedandis aliquos dominos de consilio celsitudinis vestre deputandos ad tempus et locum magnificencie vestre et nobis congrua ac eciam ab eadem magnificencia vestra nobis prefigencia mittere dignemini, ad eosdem eciam aliquos de consilio nostro mittere parati sumus per quos, ut speratur, huiusmodi querelarum et impedimentorum cause concedente domino poterint terminari. Et si, serenissime princeps et domine {S. 105} magnifice graciose, post utriusque partis consiliariorum, ut premittitur, convencionem et tractatum opus foret et dum hoc ipsum isti de consilio nostro cognoscerent necesse fore, tunc benivolum ad hoc et paratum presentibus nos exhibemus, quod eciam ad tractandas easdem causas equitare et venire volumus propria in persona. Cum utique revera auctore nobis pacis hoc testante aliud nunquam in nostro desiderio gerimus, quam quod cum gracia celsitudinis vestre regie et eiusdem regno nos et ordo noster in desiderata pace veniemus et optata tranquillitate, pro quibus et omnibus aliis ad hoc oportunis efficacius exequendis, quantum in nobis erit, domino Deo auxiliante, totam nostram quanquam eciam de gracia celsitudinis vestre regie fieri speramus effectualiter apponemus possibilitatem,
Omnipotens celsitudinem vestram regiam felicius ad tempora longiora conservare dignetur.
Datum in castro nostro Marienburg ipso die Johannis Ewangeliste Anno XIIII^C.