PrUB, JS 288

1402 März 14. Marienburg.

{Regest}
Hochmeister [Konrad von Jungingen] an Großfürst Witold: wartet nach den Verhandlungen des Ordensbruders Clocz mit Witold auf eine Antwort, ob der Austausch der beiderseitigen Gefangenen wie von ihm vorgeschlagen vorsichgehen soll.

{Überlieferung}
B = OF 3, p. 37 [olim Registrant des Hochmeisters Konrad von Jungingen, Nro. 1b, fol. 19].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 130.

{Diplomatische Erörterung des Stücks}
Gleichzeitige Abschrift, Papier.

Dem irluchten forsten und herren herczog Witowt.

Irluchter forste und herre.
Als ir uns geschriben hat von der losunge wegen der gefangen beide der euwren und der unsern, so bekennen wir, das is Clocz unsers ordens bruder von euwir wegen an uns geworben hat, dar off wir euch ouch unsern willen czu der czit schreben. Und behilden Clocz dorumme so lange bie uns, bis uns von euch weder eyne antwert queme, ob irs mit den gefangen halden wolt noch unserm willen. Und unser meynung ist noch, wellt ir uns die unsern, die ir gefangen habt, off unser hant geben bis czu eyme nemelichen tage der losunge, so wellen wir die unsern, die wir off die hant nemen ane gefeer wedir gestellen off den selben tag. Und dozu wellen wir ouch gysel und ander gefangen, die wir haben, off den selben tag mete brengen. Were is denne, das wir ader wen wir do czu senden werden, die unsern nicht gelosen mochten, so wellen wir sie euch wedir antwerten off denselben tag. Wellt ir ouch imands von gyseln ader andern gefangen die wir haben weder off euwir hant nemen bis czu eyme tage der lo^esunge, die schribt uns by namen, welche ir haben wellet, so wellen wir sie ouch off die hant zu euch czien lassen, bis czu dem tage der losunge, der ir sie denne ouch weder gestellet.
Gegeben off unserm huse Marienburg am Dinstage nach Iudica im XIIII^C. und andern iare.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js288.htm) und Datum der Einsichtnahme; (2) im Druck: PrUB, JS 288 (1402 März 14. Marienburg.)
Bearbeitungsstand: Text eingegeben (Jürgen Sarnowsky, 27.7.2001 [Regest]; Sebastian Kubon, 11.3.2003 [Quelle]) – Datum überprüft (Jürgen Sarnowsky, 27.7.2001) – Text mit PrUB oder sonst Druck kollationiert (Sebastian Kubon, 11.3.2003) – Text mit Or. kollationiert () – äußere Merkmale beschrieben ()

Datum der Erstanlage: Freitag, 21. Juli 2001 — Letzte Änderung: 15. März 2003 von Jürgen Sarnowsky

Zurück zur Hamburger Homepage / zurück zur Regestenliste für 1402.