PrUB, JS 287

1402 April 2. [Marienburg?].

{Regest}
Hochmeister [Konrad von Jungingen] an N.N.: beschwert sich über Witolds treuloses Verhalten gegen den Orden in Samaiten; vergebliche Beschwerden des Ordens beim Fürsten.

{Überlieferung}
B = OF 3, p. 23-25 [olim Registrant des Hochmeisters Konrad von Jungingen, Nro. 1b, fol. 12-13].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, S. 131-32.

{Diplomatische Erörterung des Stücks}
Gleichzeitige Abschrift, stark beschädigt, Papier.

[...] besunder herre.
Euwir grosmechtikeit, als [...] wir begeren czu wissen, das Wytowt [...] czu Littawen vaste und vil mancherley [...] der warheit ungelich vor herren und [...] orden und uns vorbrengt von geschichte [...] vorrettnisses, das her nu im nehesten vorgangen [...] ungetrulich an unserm orden begangen hat [...], und andern unsern herren und gonnern vor langer czit vorschreben hetten, wenne wir nicht eyns bessern [...] gehoffet hetten, als von dem irluchten herren konige czu Polan das ich [...], umb das her dirkant hette des selbin Wytowts ungerechte vorretliche gewalt, in sulde haben underwiset und getwungen unserm orden haben glich vor ungelich widder czu thun. Sunder wol haben wir eyn semlichs lange czit vorsucht und dirbeytet, so mochte is uns doch nicht widderfaren, und dorumb so geruchet euwir hirlichkeit als unser besunder herre und gonner czu wissen, das der selbe Wytowt obengeschriben, mit dem wir in guten truwen und meerunge der heilgen cristenheit hatten gemacht und vorschreben achtbarlich eynen ewigen frede, alleyne wir uns doch do bie besorgitten synes gewohnlichin vorrettnisses, do czu is ouch gekomen ist, worumb und wie das selbe vorrettniss gescheen ist hie nochgeschriben ist. Lieber herre, in der vorschribunge des ewigen fredes czwischen Wytowt und uns gescheen, Wytowt etliche der heidnischen lande Samayten genant gancz obirgap und vorschreip und czueygnete sie uns und unserm orden mit aller herschaft und mit allem notcze. Die wir do noch mit gewalt betwungen und saczten unser amptluthe doryn, dem sie gancz undertenig woren. Als das Wytowt dirkante, besorgitte her sich, die cristenheit mochte im uff der syte czu creftig werden und czu stargk und luth die Samayten gemeynlich czu im, widder syne vorschribunge, wol IIII^M und gap in grosse gobe und tet in gros gelobde, do mitte her uns eyne grosse menyge der Samayten us den landen enczoch. Die selbin die also czu im czogen, die andern gerne bie uns gebleben weren, robitten und slugen und eczliche mit gewalt mit in weg furten. Dorumb wir gefache unser gebitheger und unser brieffe czu im santen in bittende, das her uns unser luthe also nicht entczoge, also das her uns offte entpot und schrib, her welde ir keynen me nemen bis das her czu tage [...] hilt des gelobdes ny, her nam algel [...] czien, uff das leczte do her die von [...] gebiteger czu im und lissen in, er [...] welde halden, und unser luthe, die her [...] widder gebe. Do sante her do noch syne [...]. her {S. 132} welde syne brieffe in allen iren [...] halden und vor alle ding, so welde her des [...]. und welden die Samayten alle beyde bayoren [...] off ir heymut lassen czien. Uff sulche wort sant [...] synen boten czu im und woren begernde, das her [...] eynen nemlichen tag, was her gehaben mochte, ane g[...] umme die bayoren und freyen, sulde is seyn gebleben steen [...] unser czusampnekomunge, den tag ouch unser bote sulde haben mit im uffgenomen, also unser bote czu im quam, do sprach her, das her uns entpoten hette, wie her die Samayten welde lassen czien. Das hette her nicht fruntlich gemeynt, her welde sie lassen czien uff ir heymut, sie sulden ere freyheit weren, als sie vor hetten getan, unser bote besorgitte sich us dem worte eyns vorrettnisses, und bat orlop, uff das her uns hette mocht warnen. Den behilt her vomff tage dorobir bie im und bynnen des richt her die Samayten us, die her vormols trogenlich czu im hatte geczogen, mit pferden und mit harnische, und gap in howptluthe mete, und als sie mit dem howffen von der veste Wille genant eyne nacht und eynen halben tag gerytten woren, irsten lis her unsern boten czien, also obirfilen sie die husser, die wir in Samayten gebuwet hatten, ungewarnt und unentsayt, und vorbranten die und fyngen unser bruder dyner und luthe, die doruffe woren, die Wytowt noch hutestages swerlich gefangen hat, und fordert vor die gefangen, dy gysel die die Samayten der cristenheit und uns czu eyner sicherheit williclich gesaczt hatten.
Grosmechtiger liber besunder herre, also is das vorretniss gescheen. Wytowt sterckt sich hefticlich mit den Samayten, mit Russen und mit heyden umb in gesessen, das wir besorgen, her meyne die cristenheit gaer obil groslich czu beschedigen. Dorumb wir euwir irluchte grosmechtikeit fleisseclichin bitten, das euwir herlikeit czu herczen gerucht czu nemen mancherley vorretereye und grosser merglicher schade, die der selbe Wytowt iczunt gefache der cristenheit und unserm orden geton hatte, und nicht wellet glowben synen falschen [...], ap her ader ymant anders von syner [...] die sache brechte. Wenne obengeschreben [...] haben gelassen durch der korcze wille [...] herlichkeit unsern orden in der sachen [...] vorantworten unsern orden bis an uns [...] herren, ab Got wil, yo anders nicht [...] die warheit. Dorumb wir euwir [...] orden alle czit gerne wellen czu libe [...] ader mogen.
Gegeben uff unserm husse [...] Quasimodogeniti im XIIII^C und andern iare.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js287.htm) und Datum der Einsichtnahme; (2) im Druck: PrUB, JS 287 (1402 April 2. [Marienburg?].)
Bearbeitungsstand: Text eingegeben (Jürgen Sarnowsky, 27.7.2001 [Regest]; Sebastian Kubon, 11.3.2003 [Quelle]) – Datum überprüft (Jürgen Sarnowsky, 27.7.2001) – Text mit PrUB oder sonst Druck kollationiert (Sebastian Kubon, 11.3.2003) – Text mit Or. kollationiert () – äußere Merkmale beschrieben ()

Datum der Erstanlage: Freitag, 21. Juli 2001 — Letzte Änderung: 15. März 2003 von Jürgen Sarnowsky

Zurück zur Hamburger Homepage / zurück zur Regestenliste für 1402.