PrUB, JS 247

{Überlieferung}
B = OBA 781.

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 6, 1861, ND Osnabrück 1965, Nr. 163, S. 179-84.

Regest
JH I 781.

{Diplomatische Erörterung des Stücks}
Konzept, Papier.

Czum ersten zo richten us der marschalk, Balga, Brandenburg, Elbing, Cristburg, Marienburg, Danczk, Osterode, Thorun, iclicher czwene dyner us.
Item Strasberg, Schonsee, Redden, Engilsberg, Grudencz iclicher richtet eynen dyner us.
Item Golube, Birgelow, Aldehus, die dry hueser richten eynen dyner us.
Item Papow, Lype, Roghusen richten ouch alle dry eynen dyner us.
Item Mewe, Swecze, Slochow iclicher richtet czwene dyner us.
                    Summa 31. Sie sollen 1 jar czu Gotland bliben
                    und sollen redeliche dyner syn, stark und frisch.
    Iclichen dyner sal man usrichten eynen satil und eynen czovm, synen guten harnasch und eyn gut armbrost und 1 schog pfile doczu, und sollen guter luthe kinder syn, die dem voithe czu Gotlande dynen sollen und thun, was her sie heisset glich andern synen dynern, und in ouch an der selben koeste genugen lassen, als syne dyner thun. Haben die gebitiger undir iren dynern sulche, die das thun wellen, zo mogen sie ire dyner usrichten do hen, ader schicken andirswo sulche, die von erbarn luthen synt und eyn gnuge doran haben wellen, als ander des voithes dyner thun. Ouch sal iclich gebitiger iclichem syme dyner 5 marc geben off das halbe jar wenne her uns czuyt. Und zo is obir das halbe jar kompth, zo sal man im czu Gotlande abir 5 marc geben, do mit sal her sich becleiden und beschuen und vorczeren.
    Iclicher sal dy synen schicken ken Danczk, das sie mit irem gerethe do syn off Allir Heilgen abende, und sie aldo dem huskompthur antwerten lassen, do sullen sie czu schiffe geen.
    Cristburg und Danczk iclicher richtet eynen bochsenschuczen us, an des eynen dyners stat.
    Der marschalk sal usrichten Helmestete und Mertyn Flasche, iclichen mit dryn pferden und mit synir notdurfft off eyn halb jar, und sie dem voithe czu Gotlande senden, das sie off den vorgeschreben tag ouch czu Danczk syn und also czu schiffe geen mit den dynern.
    Am Sontag vor Pfingsten sollen sie syn czu Danczk
_____________

Marienburg sal usrichten 9 schiff, alle von 20 ader von 22 lesten und nicht mynner, der sal der treseler 8 schiff usrichten, und czu Danczk sal man eyns mit luten mitall myten und czu Danczk laden mit byre, 8 leste Danczker byr und 3 ader 4 Wismar byr, das is dem komtur geschreben czu Danczk.
    Item Mewe, Dirsaw, Grudencz und Engilsberg sullen iclicher 5 man usrichten. Die 20 man sullen ein schiff ruwen, das man in czu Marienburg antwertet.
    Lesk sal usrichten 60 man in dry schiff czu Marienburg.
    Grebin sal usrichten 30 man und Brathian 10 man, und die 40 man sullen 2 schiff ruwen von Marienburg.
    Roghusen sal usrichten 20 an, die sullen ein schiff ruwen von Marienburg.
Dese vorgeschreben und nochgeschreben lute sullen alle sien am Fritag noch Unser Frauwen tag Nativitatis czu Marienburg und sullen von dannen uf 5 wochin kost habin.
    Item der bacmeister sal mit im nemen mel und was her doczu bedarff alze vil als vor 2 jaren.
    Item boben das mel sal der bacmeister mete nemen 5 leste mel halb weysen und halb rocken und das wol stosen lasen in secke, das sal czu Gotswerder bliben.
Item von den 8 schiffen, die der treseler usrichtet, sal unser kellirmeister eyns habin.
Item unsir kochmeister und der conventkochmeister sullen ir czwey haben mitenander.
Item der konvent kellirmeister eyns.
Item sal das bacmeister czwei habin, in das eyne sal her eynen bacoven machin.
Item sulle wir eyns habin czu unserm gerete.
Item Papaw, Lipe, Schonze, und Reddyn sullen iclicher 5 man usrichten, die 20 man sullen ein schiff von Marienburg ruwen.
Dese vorgeschreben lute sullen iclicher habin 1 spaten, 1 ax, 1 rymen und syn sper.
Item der foigth vom Stume sal usrichten czu 3 nassuten mit Pruessen und Deutschin, die sie ruwen, in icliche nassute 18 man und 1 stewgerman, 1 nassute von Marienburg und 2 czum Elbing.
Item sal her usrichten 9 wytinge, der sulle vyre czu schiffe faren und 5 mit uns ryten.
Item sal her uns usrichten 10 somerlinge und dem groskomthur 2 somerlinge.
Item 3 schog vackelen in die schiff.
Die vorgeschreben schiff sal man czu Marienburg laden am Fritage noch Nativitatis Marie und abestozen, und sullen am Sontag vor Michaelis sien czu Labiaw und an Sente Michael abund uff der Suppe.
Item sal man den steuerluten in den schiffen die kost gebin.
Item was man vyes durch die wiltnisse will tryben, das sal sien am Sontage vor Michaelis czu Insterburg.
___________________

Die schiff sullen alle mitenander gros und cleyne sien czu Labiau acht tage vor Sente Michaelis tage und sullen von dannen uff vir wochin kost habin.
Item werde wir sien am Donrstage vor Michaelis czu Instirburg und an Sente Michaelis abund an der Suppe, do sullen die schiff czu uns komen.
Item die gebitiger sullen iclichir us sienem gebite 6 der edelsten mete furen in siener kost.
Item der kompthur vom Elbing sal den gebitiger von Liefland in der kost furen, und sal im von der Suppe vordan schiff schicken doynne her hin uff vert.
Item sal uns Elbing 1 nassute mit luten usrichten und 2 ledige nassuten alle dry czum Elbing.
Item Cirspurg sal furen der komptur von Danczk und sal im eine nassute usrichten mit luten.
Item sal Cristpurg uns ouch eine nassute usrichten mit luten czum Elbing.
Item sal der komtur von Cristpurg czien und sal 6 syner besten lute mit im nemen und an der kost furen.
Item der komptur von der Balga sal furen den gebitiger von Deutschin landen und sal selbin czien und sal 6 syner irbar lute mete nemen und an der kost furen.
Item sal uns Balge 2 nassuten usrichten und luten ken Labiaw.
Item der kompthur von Brandenburg sal den komptur von Thorun furen und sal im eine nassute an der Suppe schicken und sal selbin czien und mit im 6 syner irbar lute nemen an der kost.
Item sal uns eine nassute mit 18 rymen usrichten ken Labiaw. Der marschalc sal furen den landmarschalc von Liefland und sal im schiff schicken.
Item der marschalk sal uns eine nassute und dem groskomptur 1 nassute usrichten czu Labiaw.
Der kompthur von Rangnit sal den komptur von Osterode an der kost furen.
Item was man vyes durch die wiltnisse tryben will, das sal sien an Sontag vor Michaelis czu Instirburg.

__________________

Dis ist die ander usrichtunge ken Gotlande.

Der marschalc richtet us 50 fryen mit dem bisschofe czu Samland, der bisschof sal dor an das dritte teil usrichten, die sollen die helfte pferde haben.
Item 15 herren und dyner der marschalc, iclicher 1 armbrost und 1 pferd.
Item der marschalc syne grosse bochse und 40 steyne do czu, und synen wayn czu der bochse und polver genug und was dorczu gehort, der von der Mewe synen bochsenschutzen.
Item 10 spaten.
Item 4 wayne mit zelen und strengen und czu iclichten czwey oberiger reder, is sollen sien gute starke furwayne mit starken umeslagnen reder.

Brandenburg 30 fryen, die helfte sollen pferde haben.
Item 10 herren und dyner, iclicher sal hahen 1 armbrust und 1 pfert.
Item 10 spaten.
Item 4 starke furwayne mit zelen und strengen etc. ut supr.

Balga 40 fryen, die helfte mit pferden.
Item 20 herren und dyner, iclicher 1 armbrust und 1 pferd.
Item spaten und wayne ut supr.
   
Elbing 30 fryen die helfte mit pferden.
Item 10 herren und dyner iclicher 1 armbrust und 1 pferd.
Item spaten und wayne ut supra.
   
Cristburg 30 fryen die helfte mit pferden.
Item 10 herren und dyner iclicher 1 armbrust und 1 pferd.
Item spaten und wayne ut supra.

Osterode richtet us 30 dinste, die helfte mit pferden.
Item spaten und wayne ut supra.

Colmener 40 herren und dyner iclicher 1 armbrust und die helfte pferde.
Item spaten und wayne ut supra.
Item das land czum Colmen 50 dinste mit den Polnisschen dinsten, die helfte pferde.

Marienburg 40 dinste, die helfte mit pferden.
Item 10 herren und dyner iclicher 1 armbrust und 1 pferd.
Item delen und ronen.
Item spaten und wayne ut. supra.

Dirsaw 20 dinste die helfte mit pferden.
   
Danczk 20 dinste die helfte mit pferden.
Item 6 herren und dyner iclicher 1 armbrust und 1 pferd.
Item spaten und wayne ut supra.

Mewe 10 dinste die helfte mit pferden.
Item 10 herren und dyner iclicher 1 armbrust und 1 pferd.
Mewe sal usrichten synen bochsenschutzen czu des marschalk schocze.
Item spaten und wayne ut supra.

Swecze 20 dinste die helfte pferde.
Item 6 herren und dyner armbrust und pferd.
Item spaten und wayne ut supra.

Slochow und Tuchel XX dinste die helfte mit pferden.
Der kompthur czum Tuchel sal czihn selb czehnde mit dynern.
Item spaten und wayne ut supr.
Die fryen und dinste sollen iclicher synen harnasch haben 2 sper und eynen schilt und 1 satilbyel.
Item iclicher sal gnug hufysen nemen czu synen pfreden.
Item iclich schocze 1 schog pfiile.
               
Spaten.
Marschalk, Balge, Brandenburg, Elbing, Cristburg, Osterode, Danczk, Mewe, Swecze, Tuchel, Slochow iclicher 10 spaten, Marienburg 20 spaten, Colmener 10 spaten.
               
Wayne.
Marienburg, marschalk, Balge, Brandenburg, Elbing, Cristburg, Osterode, Danczk, iclicher 4 gute starke furwayne mit zelen und strengen, und czu iclichem 2 oberiger reder, die reder sollen alle stark und umbeslagen syn.
Colmener iclich hus 2 wayne mit zelen etc. ut supra.
Mewe, Swecze, Tuchel, Slochow iclicher 2 wayne mit zelen ut supra.

Die luthe durffen sich nicht vorder bekostigen wenn bis yn die schiff.
Die luthe sollen alle czu Danczk sien und do czu schiffe geen an Sente Jorgen abende, sunder des marschalkes, des bischofes von Sameland luthe, und die von der Balge und von Brandenburg sollen mit iren pferden yn der Balga czu schiffe geen an Sente Jurgen abende.
Item marschalk, Elbing, Cristburg, Balge, Brandenburg, Osterode, Danczk, Marienburg, iclich hus sal usrichten kessil und erynne toppe, spisse und roeste, das sie iren luthen dorinne kochen.
Item iclich hus 2 koche mit irem gerethe.
Item Mewe und Tuchel iclicher syne koche mit irem gerethe, und do czu kessil toppe spisse und roste und was sie durffen.
Item Marschalk, Elbing, Cristburg, Balge, Brandenburg, Osterode, Marienburg, Danczk,, iclicher sal usrichten 4 gute waynpferde und die in die schiff antwerten lassen.
Item iclicher 1 czymmerman mit syme gerethe.