PrUB, JS 159

1445 August 22. Brügge.

{Regest}
Hans Reppin, Sendebote des Hochmeisters, an Hochmeister: die Verhandlungen Mergenhagens, ein Schreiben Schenkendorfs an Heinrich Terrax.

{Überlieferung}
A = OBA 8870.

{Drucklegungen}
aus A J. Sarnowsky, Der Fall Thomas Schenkendorf: rechtliche und diplomatische Probleme um die Königsberger Großschäfferei des Deutschen Ordens, in: Jahrbuch für die Geschichte Mittel- und Ostdeutschlands 43 (1995), S. 187-275, hier Nr. 12, S. 231-233.

Regest
JH I 8870.

{Diplomatische Erörterung des Stücks}
Or.-Brief auf großem Blatt Papier (2^o), einseitig beschrieben, Siegel auf Rückseite ab. - Umseitig Adresse: Dem hochwirdigen und grosmechtigen herene, her Conrad von Erlicheshwsen, homeyster dewtsches ordens, meynem gnedigesten guttigisten besunderen liben heren. - Wasserzeichen: Tulpe.

Meynen gar willighen undethanigen gehorsam steten dienst myt allen meynen ganczen vormogen dirbittunge stetichlich vor enpfongen.
Genedyger lyber here, her homeister, euwir wirdiger grosmechtege genode geruche czu wissen, genediger liber here, wy das Margenhagen dy brive hot uff geantwert der stat von Bruge unde den 4 ammachte unde den alderluten. Und Margenhagen is wort gereden in Hengouwen an den harcogen von Borgungen. Unde do ist also wele herschop von vromden heren unde von sendeboten, das wyr noch keyn antwerde habben. Mer dy canczelir von Burgungen hot Margenhagen gelobet, also vro, also dy heren wech syn, so willen sy em eyn gut antwerde geben. Got geve unde de Mutter Godys, das wir is krigen mussen. Unde uff dissen dach so is myn here von Burgungen czu Andorfe und wirt wort in Selant unde in Hollant.
Genediger liber here, dy koffman hot gevest wal 4 ofte 5 werne vor den rot von Bruge und begeren en antwerde von eren bryven. Und sy habben in gesait, wy das sy enen lofer hir uff halden, das wir mogen unsem her homeister eyn antwerde wedir schriven. Genediger here, sy bitten sy, das sy sullen beten 2 ofte 3 tage. Wen es umme kumet, so synt sy al lyke us.
Genediger liber here, ich habe gevest mit Margenhagen vor den rot von Bruge, und her^a) hot en also dusten ene wor gesat, das euwer herliheit nicht en gelovet, sy vragen dor nicht na. Mer die 4 ammachte von Bruge, dy danken euwer genoden czu mole gros vor euwer schryben.
Genediger liber here, dy gemeyne kofman, dy wolden wol, das sy mit eren unde gelike mochten von hir komen, wente en schut keyn gerechtikeit. Al das yn besegelt ist, das willen sy in nicht halden. Unde dy koffman kummet gewachen czu myme heren, und sy sagen myme heren, allent was, das sy tun mogen, das willen sy gerne tun, und is ist en leit, das man dy heren van Prusen so clen kent, wente sy habben sulke wort gehat vor den rot von Bruge, unde sy habben en gesacit, das sy sich gar wol bedenken unde sen czu was, das sy tun. Wen das sy ny sulke breyve haben gehat von erem genedigen heren homeister, wen her uns noch ens schribet, dor wyrt mer af komen. Genedyger liber here, Got wes, das sy is czu mole clen noch uff nemen. Unde sy habben noch gesait, her sal dor nicht us^b), her sal das gelt beczalen, und sy wolden wol, das her sich gebe in ene dedinge. Das wil myn here nicht tun. Her ment, er das her enen d[er] gebe, her wolde dorumme liden, als das her liden sulde. Genediger liber here, wyr mussen also mennich smelich wort von in heren, das musse Gote geclaget syn unde euwer genoden.
Item so wisset, genediger liber here, wy das Thomas Schenkendorp hat geschreben an Hinrich Tarrax, das her em sulde schaffen^c) 2 jar lank waste geleide mit syn lip unde mit syn gut, unde wort 8 jar lank, das sulde em Tarrax weder umme schriben. Genediger liber here, wen her dor nu af spreche, so sulde man nu sagen, jo is ist der heren schult. Och Here Got, ich weste wol, das der vor Peter sines rechten heren nicht sulde her komen. Wen wolde her tun also ein gut man, so sulde her mer 4 ader 5 wochen geleide nemen und sprechen selbest mit den luten. Och hoch geboren worste unde genedyger liber here, ich weste wol, das der vor Peter nicht her komen sulde. Unde dy rot von Bruge sagen noch hutes tages, das her dor grit, wen sy sagen also, wol habbe wyr lute in Prusen liggen, also ir hir tut, dy uns alle dinck schriven.
Genedyger liber, ich bitte euwer hoch worste like genade, das ir durch Got tut unde nemet^d) is nicht vor obel von myr armen knechte, wente das neme ich uff den tot, den ich Got schuldich bin, das ich euwer worstelik genade unde den gemenen^e) orden also gancz mit truwen meyne. Al sulde ich mit eren dor wor sterven, das welde gerne tun myt libe unde myt gutte, uff das der orden muchte dy grose schande unde smaheit unde schaden mochte beczalet werden, also euwer worstelik genade wol Got sygelovet macht hot^f).
Genedyger liber here, dy rot sagen, nu sy menen, sy haben dor nene schult an, sy wellen is nu legen^g) uff dy Lumbarde. Wente myn here von Borgungen schreff vor mynen heren, das sy ym mer geben 4 monten tach uff gutte berchtucht, is mochte nicht geschen. Unde dy Lumbarde haben getruvede wiffer binnen^h) Bruge.
Genediger liber here, ich wes euwer herleheit uffe desse czit nicht mer czu schriben, wen ich bitte euch durch Got, das euwer herlicheit das myr arme knecht nicht wor obel en nemet. Got wes wol, was ich durch des ordens willen tun wolde, lip unde gut dor by lossen. Dor umme bitte ich euwer worstliker genade, das ir das int beste uff nemet.
Item tydinge hirⁱ⁾ us den lande: Is hot hir also sere^j) geregent alle tage wol 2 monde lanck, das^k) ir is nicht gelobet. Das korn, das licht noch uff dem welde, unde sy habben is an grosse huffen czu hoffe gebrocht. Dor lossen^l) sy is also sten, und hir slet alle tage der rogge uff. Unde hir syn gekomen des koniges dochter ut Schotlant, der is 4 dochter. Und dar ist gevest ein Selander von der Were,¹⁾ der hot genomen 4 schiff, dy horen^m) ein tel in Prusen czu hus unde czu der Wissmer^l) och ein czu hus. Der Selander Hit Lem,²⁾ der hot das wolk ein tel dy celen af gestochen unde ein tel over bort geforfen. Unde her ist weder^l) us mit 4 schiffen. Weme her kriget, der mus mete.
Genediger hoch wirdiger liber here, ich en wes euwer herlicheit uff desse czit nicht mer czu schriben, den ich bitte Got von den himmele, das her euwer saliheit unde gesuntheit unde wolwart czu langer czyt sparen mos. Unde Got gebe uns ummer eyn gut antwerde von myme heren von Burgungen, das myn here mochte us komen. Unde myn here von Burgungen hot gehest nunde begertⁿ⁾ von der stat von Brusele 4 us dem rote unde ich en wes nicht wo wele etc. riders. Unde sy willen em sy nicht geven, wente sy haben em enen von sime gesinde den hals af gehouwen unde sy nomen en us dat vrige. Got geve, das hy och mit den von Bruge^o) so tun musse.
Ges[chriben] czu Bruge des Suntages vor Sunte Bartolmenes 45.
Hans Reppin euwer armer knecht alczit bereyt.

{Textkritische Anmerkungen}

^a) Aus hyr korrigiert.
^b) Folgt Str. vs.
^c) Folgt Str. 3.
^d) Im Text als memet.
^e) Im Text als gememen.
^f) Folgt Str. lib.
^g) Im Wort korrigiert.
^h) Folgt Str. g.
ⁱ⁾ Folgt Str. vs.
^j) Folgt Str. gregent.
^k) Folgt Str. is.
^l)Folgt Str.
^m) Folgt Str. 1.
ⁿ⁾Am Rand nachgetragen, Zuordnung fehlt im Text.
^o) Folgt wieder och.

{Inhaltliche Anmerkungen}

¹⁾ Hier wohl nur Ortsangabe.
²⁾Die eigentliche Form dieses Namens läßt sich aufgrund der zahlreichen ungewöhnlichen Schreibungen im Brief Reppins nur schwer erschließen; für einen aus Amsterdam stammenden Schiffer Lem vgl. jedoch H. A. Poelman, Bronnen, Bd. 2, Nr. 2278, S. 856.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js/js159.htm) und Datum der Einsichtnahme; (2) im Druck: PrUB, JS 159 (1445 August 22. Brügge.)
Bearbeitungsstand: Text eingegeben (Sarnowsky, 4.8.2002) – Datum überprüft (Sarnowsky, 4.8.2002) – Text mit PrUB oder sonst Druck kollationiert (Sarnowsky, 4.8.2002) – Text mit Or. kollationiert () – äußere Merkmale beschrieben (Sarnowsky, 4.8.2002)

Datum der Erstanlage: Freitag, 23. Juni 1999 – Letzte Änderung: 23. Juni 1999 von Jürgen Sarnowsky

Zurück zur Hamburger Homepage / zurück zur Regestenliste für 1445.