PrUB, JS-JP 10

{Überlieferung}
B = APT I 129_I

{Drucklegungen}
Aus B Hansisches Urkundenbuch, Bd. 4 (1361-1392), bearb.v. Karl Kunze, Halle a. S. 1896, Nr. 830, S. 348-349.

{Regest}
A. Radziminski, J. Tandecki, Katalog dokumentów i listów krzyzackich Archiwum Panstwowego w Toruniu, Warszawa 1994, Nr. 45, S. 22.

{Diplomatische Erörterung des Stücks}
B ist gleichzeitige Abschrift, siehe Hansisches Urkundenbuch, Bd. 4, Nr. 818 = PrUB, JS-JP27.

Schuldige undirtanikeyt und willigin dienst mit andechtigim gebete in Gote vorgeschrebin. Allirdurchluchtigster fu^erste, grosmechtiger lyber gnediger herre. Als ich uwer durchluchtikeyt vormols von der satczunge wegin, dy dy ratmanne von Breslow nu^e kurczlich uf dy kouflute von Thorun und andere des ordins stete irdacht und gemachit han, geschrebin habe,¹⁾ bittinde mit flyse, das uwer gnade dy selbin ratmanne von Breslow geruchte dorczu czu haldin und also underrichten, das sy dy kouflute von Prusen by den gnaden und vryheyten lysen blybin, dy sy von aldirs her gehadt han und ouch by uwers vaters seligis gedechtnisse und by uweren geczyten; also bitte ich abir uwer grosmechtige gnade demu^eticlich mit flysicher begerunge: weris, das dy czweytracht von der selbin satczunge wegin nu^e uf dem tage,²⁾ der den egenanten ratmannen von Breslaw und den von Thorun von uwer durchluchtikeyt gelegt und bescheydin ist, nicht gu^etlich entrichtet kunde werdin, das uwer gnade denne dorczu geruche pru^efen und denckin, wy dy ratmanne von Breslow oftgenant geheysin und also undirwyset werdin, das dy kouflute von Thorun und ouch us andern des ordins steten by den gnaden und vryheyten blybin mogin, dy sy vormols und ouch by uweren czyten bis doher gehabt han, und das sy vorbas nie sulchir nuwen fu^ende und satczunge uf des ordins lute nicht machin, went^a) sy eyns sulchin von iren vorvarn allewege sint derlasen. Gegebin czum Stume, am tage invencionis sancte crucis anno etc. [13]85.

Textkritische Anmerkungen:

^a) Davor durchstrichen sunder das sy B.

Inhaltliche Anmerkungen:

¹⁾ Hansisches Urkundenbuch, Bd.4, Nr.811 =  PrUB, JS-JP 7.
²⁾ Zu Kalisch, siehe Hansisches Urkundenbuch, Bd.4, Nr.819 Anm.2 = PrUB, JS-JP 9.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-jp/js-jp10.htm) und Datum der Einsichtnahme; (2) im Druck: PrUB, JS-JP10 (1385 Mai 3. Stuhm.)
Bearbeitungsstand: Text eingegeben (4. August 2001 JPoett) Datum überprüft () Text mit PrUB oder sonst Druck kollationiert () Text mit Or. kollationiert () äußere Merkmale beschreiben ()