PrUB, JS-JL 66

1396 Oktober 14. Marienburg.

{Regest}
Hochmeister Konrad von Jungingen¹⁾ an die Ordensgebietiger und Ordensbrüder im Reich: unterrichtet sie, dass er mit Zustimmung des Kapitels Konrad von Egloffstein als Deutschmeister eingesetzt hat; bittet, ihn als ihren Obersten aufzunehmen und ihm gehorsam zu sein.

{Überlieferung}
B = OF 2c, p. 77 [olim Hochmeister-Registrant Nr. 2, p. 36r].

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 5, 1857, ND Osnabrück 1965, S. 112-113.

{Diplomatische Erörterung des Stücks}
Register-Überlieferung.

Wir bruder Conrad von Jungingen homeister des ordens der bruder des spitals Sente Marien des Deutschen huses von Jerusalem,
entpiten den erbaren geistlichen unsern lieben brudern in gote, landkomthuren, komthuren, huskomthuren, pfarrern und allen amptluten und brudern unsers ordins der balyen, die czu dem ampt ken deutschin landen gehoren, fruntlichen grus und luter liebe in Gote unserm herren.
Lieben in Gote, wir {S. 113} thun euwer allir andacht und liebe czu wissen, das wir mit reyfem rate, willen und jowort unsers capetels dem ersamen geistlichen manne bruder Conrad von Egloffstein entpfolen haben das ampt czu Deutschen landen mit den balyen, die czu dem ampt gehoren, und geben im mit craft deses briefes volkomen gewalt czu seczen, czu entseczen, und czu wandeln noch der balyen und der husere derselben balien beqwemekeit noch rate siener eldesten bruder und bitten euwer allir andacht mit begerlichem fleise, und heysen is ouch by gehorsam, das ir in entpfat und ufnemet als euwern obirsten des amptes czu Deutschen landen von unsern wegen. Und lasset in uch allen sien entpfolen und tut im mit dirbytung gutis willen billichen gehorsam. Und worczu her euwers rates und hulfe bedurffen wirt, das ir im do methe by stet als euwerm obirsten von unsern wegen, und tut also kegen im, das ir dorumb das lon von Gote und von uns wirdige danksamkeit entpfaen moget.
Des czu orkunde so haben wir unsers ordins gros ingesegel an desen brieff lassen hengen. {Datierung} Gegeben und geschen uff unserm huse Marienburg am Sontag nest vor Galli Confessoris in den jaren unsers herren M° CCC° im sechs und XC jare.²⁾

Inhaltliche Anmerkungen

¹⁾ Hochmeister von 1393 bis 1407.
²⁾ 1396 Oktober 14.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-jl/js-jl66.htm) und Datum der Einsichtnahme; (2) im Druck: PrUB, JS-JL 66 (1396 Oktober 14. Marienburg)
Bearbeitungsstand : Text eingegeben (20. August 2002, Joachim Laczny) – Datum überprüft () – Text mit PrUB oder sonst Druck kollationiert (21. August 2002, Joachim Laczny) – Text mit Or. kollationiert () – äußere Merkmale beschreiben ()

Datum der Erstanlage: Dienstag, 20. August 2002 — Letzte Änderung: 28. Deztember 2003 von Jürgen Sarnowsky

Zurück zur Hamburger Homepage / zurück zur Regestenliste für Regestenliste für 1396