PrUB, JS-JL 25
© Jürgen Sarnowsky, Hamburg (2002)
1391-1398. [Marienwerder?].
{Regest}
Annalistische Aufzeichnungen aus dem Domkapitel zu Marienwerder zu den Jahren 1391 bis 1398, betr. Besitz des Kapitels, Ämterbesetzungen und die Geschichte Dorotheas von Montau.
{Überlieferung}
B = Pergament-Urkunden, Schiebl. L, Nr. 27 [olim Staatsarchiv Danzig, Abt. 360a, Nr. 37].
{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 5, 1857, ND Osnabrück 1965, S. 55-57.
{Regest}
JH II 1397-1398.
{Diplomatische Erörterung des Stücks}
Pergament-Doppelblatt mit Notizen von verschiedenen Händen.
Anno domini M. CCC. XCI. bona Vulaw in prepositura ecclesie Pomezaniensis fuerunt empta a preposito et capitulo Pomezaniensi pro mille marcis, et fuerunt persoluta infra duos annos sequentes. De hac persolucione et vendicione habentur littere, littere civitatis Rosenberg et illorum, qui vendiderunt.
Anno domini M. CCC. XCIII. fuit episcopus Massaciensis legatus a domino apostolico in partibus Pruscie. Qui postulavit expensas ab ecclesia et date fuerunt, prout secum poterant concordare.
Item in octavis Pasche dominica Quasimodogeniti1) fuit dominus Johannes Lubeio electus in prepositum ecclesie nostre, per resignacionem domini Johannis Ryman quem {S. 56} magister generalis voluit secum habere propter consilia, qui preposituram ecclesie dicte nostre bene rexit quatuor annis cum dimidio. Tunc temporis frater Johannes dictus Marienwerder fuit decanus, frater Nicolaus Rogausen custos, frater Nicolaus Sigirsdorf cantor, frater Heynricus Passer scolasticus, frater Nicolaus Hollant plebanus, frater Conradus de Danczk vicecommendator in Marienwerder, frater Nicolaus de Osterrode socius prepositi, frater Franciscus magister celarii, duo fuerunt in infirmaria: fratres Heynricus Sternleyn et Johannes Mewa. Item in vigilia Penthecostes2) frater Bertramus magister in artibus fuit in canonicum ecclesie nostre investitus secundum modum et consuetudinem hactenus observatam.
Item eodem anno fuit domina Dorothea vidua reclusa in die translacionis sancte Elizabeth3), et hec feliciter in domino obdormivit anno domini M.CCC. XCIIII in nocte sanctorum martyrum Johannis et Pauli4).
Anno 1394 in die sancte Elizabeth3) obiit dominus Nicolaus de Kirsburg alio nomine de Segirsdorf.
Anno M. CCC. XCVI. fuerunt empte due ville, videlicet Brokaw et Lampreschdorf de piis elemosinis, ut de redditibus earum tenerentur due misse per tres sacerdotes. Prima est cantanda cum nota de omnibus sanctis per duos sacerdotes et quatuor scolares, quilibet sacerdotum habere debet duodecim marcas annuatim, et quilibet scolaris tres fertones, hec missa cantari debet de omnibus sanctis, usque mater nostra supradicta felix Dorothea fuit canonizata. Postquam autem fuerit canonizata, tunc prima missa de omnibus sanctis debebit obmitti et missa de ipsa beata Dorothea sub nota ad eius tumulum cottidie decantari. Alia missa est tenenda in altari sancti Bartholomei per unum sacerdotem, et idem eciam habebit duodecim marcas, post obitum magistri Bartholomei dicti tres sacerdotes debebunt visitare singulas horas chori nocturnas et diurnas, et poterunt amoveri et nutriri sicud capellani nostri, attamen non nisi ex causa notabili et grandi.
Item eodem anno mortui sunt tres canonici, scilicet Johannes Mewa VI. kal. Februarii5), Heynricus Sternleyn IX. kal. Junii6), et Nicolaus Roghusen custos III. nonas Junii7), et recepti sunt in loca vicinorum, Johannes antiquus regens. Arnoldus notarius domini episcopi et plebanus de Jancke nomine Johannes.
Item anno domini 13998) in die animarum9) fuit unum candelabrum argenteum in aliquibus partibus deauratum, miro modo fabrefactum ad sepulchrum venerabilis domine Dorothee oblatum, cum tot aureis videlicet 440. Pro quibus possunt undecim marce {S. 57} comparari census perpetui, marcam unam pro 20 marcis, quot sufficere estimavit ad comparacionem census perpetui, quo lumen perpetuis temporibus duraturum possit teneri circa sepulchrum in candelabro supradicto, sic, quod infra horas canonicas et missam arderet candela duplicatur vel triplicatur, alias vero per diem et noctem arderet lumen seu candela posset esse simplex. Hinc redditus perpetui quatuor marcarum sunt comparati in bonis domini episcopi in villa que dicitur Bobenicz. Post hoc in bonis sunt empte [...] marce in bonis nostris ad emendum, quia census perpetui adhuc non poterant haberi.
Item anno 1396 fuit arbitratum ex parte nostra et iuratorum insule domini nostri Episcopi super excessu facto in fossato per bona nostra awe sub nostro consensu, pro quo debent nobis tenere pontem per dictum fossatum, ut valeamus uti porcione alia, que ultra fossatum est.
Item anno 1397 magnam partem bonorum in Frienstat a feuodalibus suis emit dominus noster episcopus, videlicet a relicta militis Ticze et fratribus euis, a Lodowico filio Stephani militis etc.
Item anno domino 1398 in nocte sanctorum martyrum Fabiani et Sebastiani10) obiit subitande frater Nicolaus Holland, canonicus ecclesie nostre et protunc plebanus in Elbing civitate, in quam de vespere ivit dormitum hylaris et sanus, proponens sequente die predicare et missam celebrare, mane autem inventus est mortuus, habens pro studio circa se libros.
Inhaltliche Anmerkungen
1) Quasimodogeniti. 1393 April 13.
2) 1 Tag vor Pfingsten, daher 1393 Mai 24.
3) November 19.
4) 1 Tag vor dem Fest, daher Juni 25.
5) 1396 Januar 8.
6) 1396 Mai 24.
7) 1396 Mai 5.
8) oder 1397.
9) November 2.
10) 1 Tag vor dem Fest, daher Januar 19.
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-jl/js-jl25.htm) und Datum der Einsichtnahme; (2) im Druck: PrUB, JS-JL 25 (1391-1398. [Marienwerder?].)
Bearbeitungsstand : Text eingegeben (11. August 2002, Joachim Laczny) – Datum überprüft () – Text mit PrUB oder sonst Druck kollationiert (25. August 2002, Joachim Laczny) – Text mit Or. kollationiert () – äußere Merkmale beschreiben ()
Datum der Erstanlage: Sonntag, 11. August 2002 — Letzte Änderung: 16. März 2003 von Jürgen Sarnowsky
Zurück zur Hamburger Homepage / zurück zur Regestenliste für 1391.