PrUB, JS-JL 24

© Jürgen Sarnowsky, Hamburg (2002)




1391 Juni 26. Marienburg.

{Regest}
Die Ritter Wysel Zambor und sein Bruder Heinrich Zambor: bekennen, vom Hochmeister Konrad von Wallenrode 100 Schock böhmische Groschen geliehen zu haben und versprechen deren Rückzahlung innerhalb von zwei Jahren; Bürgen sind Heinrich von Donyn und Baruch Zambor.

{Überlieferung}
B = Pergament-Urkunden, Schiebl. XII, Nr. 5.

{Drucklegungen}
aus B Codex Diplomaticus Prussicus. Urkundensammlung zur älteren Geschichte Preußens, hrsg. v. J. Voigt, Bd. 5, 1857, ND Osnabrück 1965, S. 54-55.

{Regest}
JH II 1239.

{Diplomatische Erörterung des Stücks}
Original-Urkunde mit 3 Siegeln.


Wir Wysel Zcambor rytter und Heinrich Zcambor knecht gebrudir bekennen offintlich in dissem keygenwertigen bryve, das wir von deme grosmechtigen geistlichen {S. 55} fuersten und heren, heren Conrad von Wallenrode homeister deutsches ordens, von synen metegebytegeren und von dem ganczen orden entlenet haben hundert schok bemischer groschen, dy wir von yn gantz und gar, gut von sylber nach unsir genuge haben entphangen, dy sy uns fruntlichen und in guten trwen han gelegen. Welche hundert schok grosschen wir, unsir erben und nochkomelinge sullen und wellen dem egeschrebenen heren homeister und deme orden bynnen czwen jaren wedir beczalen, also das yn genugen sal von Sente Johannis Baptisten tag1) nehest gewest vort obir eyn jar vumfczig schok grosschen czu geben und am andirn jare nehest dornoch uf Sente Johannis Baptisten tag1) auch vumfczig schok groschen czu gebyn, also das dy egeschreben hundert schok grosschen gancz werden beczalt. Und wir Wysel und Heinrich vorgeschreben gebrudir als selbschuldigere unde Heinrich von Donyn knecht und Baruch Zcambor von Balaw rytter also burgen globen und vorbynden uns an eydes stat by unsern truwen und eren mit gesampter hant, eyner vor alle und eyn iclicher besundir vor uns, unsir erben und nochkemelinge allis das stete und veste czu halden, also vorgeschreben steet ane geverde und argelist.
Des czu merer sicherheit und bekentnis so han wir Wysel, Heinrich gebrudir, Heinrich von Donyn, Baruch von Balaw vorgeschreben unser ingesegele an dissen bryff von unserm rechten wissen do wir selben kenwertig waren lazen hengen. {Datierung} Gegeben uff dem huse Marienburg in den jaren unsers heren twsent dryhundert in dem eyn und nuenczigsten jare an dem nehesten Montage noch Synte Johannis Baptisten tage2).


Inhaltliche Anmerkungen

1) Juni 24.
2) 1391 Juni 26.


Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-jl/js-jl24.htm) und Datum der Einsichtnahme; (2) im Druck: PrUB, JS-JL 24 (1391 Juni 26. Marienburg.)
Bearbeitungsstand : Text eingegeben (11. August 2002, Joachim Laczny) – Datum überprüft () – Text mit PrUB oder sonst Druck kollationiert (25. August 2002, Joachim Laczny) – Text mit Or. kollationiert () – äußere Merkmale beschreiben ()
 
 
Datum der Erstanlage: Sonntag, 11. August 2002 — Letzte Änderung: 16. März 2003 von Jürgen Sarnowsky

Zurück zur Hamburger Homepage   / zurück zur Regestenliste für 1391.