PrUB, JS-FS 97

1392 Dezember 13. Marienburg.

{Regest}
Hochmeister [Konrad von Wallenrode] an den Herzog von Geldern: bestätigt die Ankunft des herzoglichen Schiffes in Danzig; warnt wor einem möglichen Überfall auf dessen Reise nach Preussen durch Eckhard vom Walde, der dies in einem Brief angekündigt habe.

{Überlieferung}
B = OF 2a, p. 95 [olim Hochmeisterregistrant Nr. I, p. 104].

{Drucklegungen}
B aus Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 4, Königsberg 1857 (ND Osnabrück 1965), S. 163-164.

{Regest}
RBDO I, OF 2a, 149.

{Diplomatische Erörterung des Stücks}
Registerüberlieferung.

Duci Gelrie

Irluchter furste etc. uns ist zcu wissen wurden, das uwer irluchtikeit zcukomftig ist zcu unsern landen und das nuwlich ein schif zcu Danczk mit wyne und mit vitalien inkomen sei, das ewer herlichkeit zcugehore, des wir lieber here do wirs horten sere dirfrowt wurden und sint ewir zcukompft und das das schif mit behaldener habe in komen ist sere fro.
Und bitten euch liber here, das ir euch eben vorset uff dem wege wann Ekard von dem Walde hat uns nuwlich einen brif gesant, des wir euch vort eine copie hierynne vorslossen senden, der inhaldung ewer herlichkeit ouch wirt vornemen und wir dirkennen wol, das uns nicht wol anstet, das wir euch solche brive senden sollen. Idoch bitten wir euch alz unsern besundern heren, das irs uns nicht vorkert wann wirs werlich in rechter truwe gethan haben, das ir euch deste bas mit ewirn {S.164} rytten vorsehn und richten moget, wann wir besorgin und vormuten uns ouch wol nu her uns solche brive gesant hat und schriebet ouch das der herczog von der Stolp sin vynd wurden ist, das her ouch anderen heren solche brive gesand habe und habe is getan uf eine list und tut is dorum, mochte her euch schaden zcuczien, das her des nicht enlyse und dorum liber here seit deste sorgfeldiger by ewerm czien.
Wann wir wissen wol, das sin sachen und sin schriben nicht rechtfertig ist und habt is uns ouch nicht vor ark, das wir euch dis geschriben und solche brive gesant haben. Wir haben is werlich in guter truwe gethan ,das wir gerne seen, das ir ane schaden durch die kand qwemet als wir ouch hoffen das ir ab Got wil wol durch komen sollet und sollen wir liber here icht darczu thun, das wir gerne thun mogen, das empiet uns wir wellen is gerne thun und gebiet zcu uns.
Datum Marienburg an Sent Lucie Tag.¹⁾

Inhaltliche Anmerkungen
¹⁾ 1392 Dezember 13.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs97.htm) und Datum der Einsichtnahme; (2) im Druck: PrUB, JS-FS 97 (1392 Dezember 13. Marienburg.)
Bearbeitungsstand: Text eingegeben (31. Juli 2003 Frauke Schmitz) – Datum überprüft (31. Juli 2003 Frauke Schmitz) – Text mit PrUB oder sonst Druck kollationiert (31. Juli 2003 Frauke Schmitz) – Text mit Or. kollationiert () – äußere Merkmale beschrieben ()

Datum der Erstanlage: Donnerstag, den 31. Juli 2003 — Letzte Änderung: 27. März 2016 von Jürgen Sarnowsky

Zurück zur Hamburger Homepage / zurück zur Regestenliste für 1392.