PrUB, JS-FS 80

1391 Dezember 10. [Braunsberg].

{Regest}
Bischof Johann [Mönch] und Dompropst Johann [Ryman] von Pomesanien vermitteln einen Vergleich zwischen dem Domkapitel des Ermlands, vertreten durch Propst Otto und Dekan Arnold, und den Einwohner des Dorfes Schöndamerau; Erneuerung der Handfeste.

{Überlieferung}
B = AP Olsztyn [olim Frauenburg], Ms. F, fol. 30; C = AP Olsztyn [olim Frauenburg], Ms. E, fol. 25; D = AP Olsztyn [olim Frauenburg], Ms. B, fol. 24 [olim Frauenburg; olim Ermländisches Privilegienbuch, p. XXIV].

{Drucklegungen}
aus B: Codex Diplomaticus Warmiensis, Bd. III, hrsg. Carl Peter Woelky, Braunsberg-Leipzig 1874, S. 225-27 [danach hier]; aus D: Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrsg. Johannes Voigt, Bd. 4, Königsberg 1857 (ND Osnabrück 1965), S. 141-142.

{Diplomatische Erörterung des Stücks}
Registerüberlieferung.

Universis et singulis presentes litteras audituris vel visuris.
Nos Otto prepositus, Arnoldus decanus totumque capitulum ecclesie Warmiensis cupimus innotesci, quod dudum suborta dissensione inter nos ex parte una et nostros subditos rusticos incolas videlicet ville nostre Schonedamerow ex altera, ex compromisso per partes predictas sponte et ex certa sciencia facte in reverendum in Christo patrem et dominum, dominum Johannem episcopum et venerabilem virum dominum Johannem prepositum ecclesie Pomezaniensis tamquam in arbitratores et communes amicos dicta dissensia sopita fuit et sedata, litteris super hoc datis ab eisdem, et quoniam in eisdem literis cavebatur quod de antiquo dicte ville privilego et ipsis datis literis unum novum privilegium servato utrisque pleno sensu sub sigillo capituli deberet dari.
Nos prepositus et decanus totumque capitulum prefati presentibus innotescimus quod dudum bone memorie Henricus custos, Ebirhardus cantor, Hermannus et Bartholomeus canonici ecclesie nostri predecessores pro bono et utilitate ecclesie Wolvramo et Bertoldo ac eorum legittimis heredibus racione locacionis unius ville sexaginta mansis mensurandis, incipiendo a campo illorum de Schalmya, procedendo in lacum contra campum Plastwik et a flumine affluenti Seria extendendo in longum usque ad campos Lodwici et Ekhardi de Demyta cum omni usufructu et utilitate, excepta omni venacione et lucris terre auro videlicet et argento, cum iudiciis minoribus {S.142} de maioribus vero terciam partem, nobis duabus reservatis, contulerunt iure Culmensi possidendos.
Ita tamen ut expleta libertate tunc data Wolvramus et Bertoldus ac eorum heredes nobis et nostris successoribus annis singulis semper in festo beati Martini¹⁾ de quolibet manso dimidiam marcam monete ususalis pro iure censu et servicio solvere tenerentur. Adiecerunt eciam eisdem unum mansum pro locacione ville, quem ispis liberum conferebant in signum dileccionis et favoris.
Exceperunt quoque ab omnibus hiis supradictis quatuor mansos, quos contulerunt pro dote ecclesie ibidem construende, ac decimum mansum expositoribus ville et agrorum iuxta iuris Culmensis dictamen liberum contulerunt.
Quod si tabernam in villa aut molendium super aquas decurrentes edificari contingeret voluerunt quod de molendino unam marcam et de taberna dimidam marcam in eodem festo beati Martini¹⁾ singulis annis solvere tenerentur.
Si vero obstaculum in flumine affluenti, quod Seria dicitur, wlgariter pro piscibus seu molendino edificare vellent, liberam ipsis a ripa camporum suorum predictorum usque ad medium fluminis iam dicti concesserunt facultatem.
Verum quia super serviciis et operis rusticalibus, que in aliis villis dictorum degentes communiter facere consueverunt, dicta dissensio est suborta, volumus iuxta dictorum dominorum dictamen, quod incole ville predicte Schonedamerow aut scultetus eorum nomine una cum dimidia marca, quam de quolibet manso solvere tenentur, singulis annis pro serviciis et operis rusticalibus predictis quatuor scotus eiusdem usualis monete solvere teneantur.
Nec ultra ad aliqua servicia sive operas rusticales neque in personis neque in eveccionibus feni lignorum avene seu quibuscunque aliis, solutis dictis quatuor scotis, teneantur.
Volumus tamen iuxta dictorum domini episcopi et domini prepositi dictamen et sentenciam, ut incole ville predicte Schonedamerow faciant expediciones et operas pro tuicione terre et fidei iuxta ordinacionem et moderamen villis vicinis et earum incolis ad onus commune supportandum communiter imponendas.
Volumus insuper ut predicte ville incole cum castrum in Vrowenburg edifacare decreverimus, ad illud duntaxat iuxta modificacionem aliarum villarum nostrarum ab eodem castro eque distancium et ipsi servicia et evecciones et operas exhiber teneantur.
Ut autem hec omnia robur perpetue firmitatis obtineant, presentes literas eisdem dedimus sigillo nostri capituli sigillatas.
Sub anno domini millesimo CCC^oxci^o x^a die mensis Decembris.²⁾

Inhaltliche Anmerkungen:

¹⁾ November 11.
²⁾ 1391 Dezember 10.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs80.htm) und Datum der Einsichtnahme; (2) im Druck: PrUB, JS-FS 80 (1391 Dezember 10. [Braunsberg].)
Bearbeitungsstand: Text eingegeben (30. Juli 2003 Frauke Schmitz) – Datum überprüft (30. Juli 2003 Frauke Schmitz) – Text mit PrUB oder sonst Druck kollationiert (30. Juli 2003 Frauke Schmitz) – Text mit Or. kollationiert () – äußere Merkmale beschrieben ()

Datum der Erstanlage: Mittwoch, den 30. Juli 2003 — Letzte Änderung: 22. Januar 2005 von Jürgen Sarnowsky

Zurück zur Hamburger Homepage / zurück zur Regestenliste für 1391.