PrUB, JS-FS 77

1391 Juni 3. Thorn. {Regest}

{Regest}

Georg Zuchorz von Thamow, Kanzler des Herzogs Ladislaus von Oppeln, bestätigt den Empfang einer goldenen Krone, die der Herzog dem Orden verpfändet hatte, von Johann Lepper, den Münzmeister zu Thorn und entlässt den Orden aus der Verantwortung für die Krone. Ebenso bestätigt er den Empfang dreier Briefe, jeweils für den Herzog, die Herzogin und den ehemaligen Hauptmann von Kujawien. {Überlieferung}

A = Pergament-Urkunden, Schieblade 31, Nr. 4.

{Drucklegungen}
aus A: Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 4, Königsberg 1857 (ND Osnabrück 1965), S. 133-134.

{Regest}
JH II 1237.

{Diplomatische Erörterung des Stücks}
Originalurkunde mit erhaltenem Siegel.

Ich, George Zuchorz von Thamow, canceler des irluchten fursten herczogen Ladislas herren zu Opul etc., meynes gnedigen herren tu kunt und offinbar allen leuten, das ich noch laute eynes gleubebrifes vpn dem egenanten meynen herren undir seynem worhaftigen ingesigil besigilt an ern Johan Lepper zu Thorun, munzemeister sprechende meyne befelunge botschaft und gewerbe ist gewest, alz von eyner guldener coronen mit edelen gesteyne gecziret, die derselbe herre herczog Ladisla dem Orden von achthundirt schog grosschen hat vorsaczt, dieselbe corone in keygenwortykeit des hawskumptowers zu Thorun und ander herren fire desselben ordens und fir ratmanne von Thorun alz das instrument clerlichen uswiset dorobir geschreben hat geantwort und gegeben gancz und gar unvorseret.
Sundir alleyne das czwun perlin und czwene steynen n der coronen gebrochen obiral noch uswisunge des principal brifes obir die vorgenanten achthundirt schog, den der vorgenant meyn herre dem orden hot besigilt und die corone ist von czehen geleden die ich George vorgenant in dem namen meynes herren enpfangen habe in sulcher formen vorgeschreben.
Ouch bekenne ich George vorgenant das myr derselbe herre munczemeister geantwort meynes herrn briff, den er gegeben hatte undir synem ingesigil obir dy vorgenant schult und corone.
Ouch hat er myr geantwort vond es scheffers wegen von Mergenborg dry brife gancz und unvorsert der eyne anrurende ist meynen herren und syne burgen vor sebinhundirt und eynundsebinczig marg Pruschschisch {S.134} der ander ist meyner frawen, der herczogynne von Opul und ir burgen vor hundirt und sebinczig marg ouch Pruschischs, der dritte ist hern Niclos von Stylowwicz, der howptman ist gewest uff der Cuya, der besaget hundirt marg grosschin Polenscher czale und dasselbe gelt ist ouch antreffende meyne frawe die herczogynne alz das der briff ussaget.
Ouch hot myr geantwort den briff in dem die burgen globt hatten vor meyne frawe die herczogynne das sy dy vorsaczunge des hawses Slotorie nicht sal wedirsprechen, sunder sy lieben und loben und stete und feste halden in allir mose, als meyn herre der herczog dasselbe haws vorsaczt hat als das syne brife lutir ussagen und die lobunge ouch sy volbrocht hot mit irem briefe und irem ingesigil.
Hirumb so qwit ich George vorgenant in dem namen meynes herren und sage den egenanten hern Johan Lepper vor sich und von des ordens wegen ledig und loz alz von antwortunge der coronen und der brife vorgeschreben in allen artickelon und worten noch macht und befelunge des vorgenanten gleubbrifes meynes herren so lange bis das der herczog meyn herre dem orden synen qwitbriff und synen rechten ingesigil antwort und gibit noch allen reden und worten vorbenumet.
Des zu orkunde hab ich desen brif vorsigilt mit meynem anhangenden ingesigil.
Gegeben zu Thorun am Sunobunde noch dem Achtentage Corporis Christi noch den jaren unsirs herren dryczenhundirt in dem eynundneunczigisten.¹⁾

Inhaltliche Anmerkungen
¹⁾1391 Juni 3.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs77.htm) und Datum der Einsichtnahme; (2) im Druck: PrUB, JS-FS 77 (1391 Juni 3. Thorn.)
Bearbeitungsstand: Text eingegeben (29. Juli 2003 Frauke Schmitz) – Datum überprüft (29. Juli 2003 Frauke Schmitz) – Text mit PrUB oder sonst Druck kollationiert (29. Juli 2003 Frauke Schmitz) – Text mit Or. kollationiert () – äußere Merkmale beschrieben ()

Datum der Erstanlage: Dienstag, den 29. Juli 2003 — Letzte Änderung: 8. November 2004 von Jürgen Sarnowsky (für ein korrekt adressiertes E-Post-Formular meinen Namen anklicken!)

Zurück zur Hamburger Homepage / zurück zur Regestenliste für 1391.