PrUB, JS-FS 144

1402 November 27. Stuhm.

{Regest}
Hochmeister [Konrad von Jungingen] an Markgraf Jobst von Mähren: erklärt, auf welche Weise der Deutsche Orden in den Besitz der Neumark gelangt sei und welche Rechte er an Küstrin habe.

{Überlieferung}
B = olim Hochmeisterregistrant (Konrad von Jungingen) Nr. I, p. 49.

{Drucklegungen}
aus B: Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 5, Königsberg 1857 (ND Osnabrück 1965), S. 178-179.

{Diplomatische Erörterung des Stücks}
Registerabschrift

Margraffen Jost.

Irluchter forste grosmechtiger besunder liber herre. Euwer grosmechtikeit briff uns gesant haben wir wol vornomen in deme euwer durchluchtikeit schribt, begernde das wir uns yn euwir erbe nicht seczen noch werren wellen etc.
Grosmechtiger lieber herre, wie das land die Nuwe Marke an und und unsern orden [k]omen ist, das hat euwir hochwirdikeit yn unsern briffen wol vornomen, dor obir thun wir euwir herlichkeit czu wissen, das wir noch dem vorgenanten lande ny gestanden haben yn keyner wise wie wol gefach und vil von des selben landes wegen rede an uns quomen. Idoch weren wirs gerne obirhaben gewest und wolden uns mit nichte undirwinden do noch czu steen, sunder offs leczte als unser herre der konig von Ungern syne erbar botschaft und briffe czu uns sante und an uns begernde was, das wir uns des landes undirwinden wolden, mochten wir durch synir lybe wille nicht wol mynner do czu thun, noch in mit fuge von uns vorwysen uns was von nymande wissentlich deme is wedir were, hetten wir gewost, das is euwir grosmechtikeit ader ander unser herren wille nicht were gewest, wir hoften uns dor ane wol haben vorwart und getrwuen czu euwer durchluchtikeit als czu unserm besundern herren das ir uns eyn semelichs do mit wir dem egenanten unserm herren konige czu lipnisse und czu dinste getan haben nicht werdet vorkeren noch czum ergsten wenden.
Als euwir grosmechtikeit yn dem selben briffe vortschribt, wie ir horet das wir do noch steen ap wir Kostryn czu uns brengen mochten etc. geruche euwer durchluchtikeit czu wissen libir herre das wir Kostryn czu der Nuwen Marke vorsaczt ist czu getruwer hant und alle manschaft des selben landes spricht, das Kostryn y czur Nuwen Marke habe gehort, anders haben wir ouch ny gewost und were uns getrulich leit, das wir dor inne weder euwer durchluchtikeit thun solden wir getruwen des unczwiffelich czu unserm herren konige von Ungern das her uns noch uswisunge synir briffe, die wir haben, das land sampt mit Kostryn {S. 179} ken euwer grosmechtikeit und eyme idermanne von allirley manunge fryen werde und hoffen czu synen gnaden wenne her czu euwer durchluchtikeit komen wirt, das hers mit allen dingen ken euwer herlichkeit also wirt entrichten das ir unser und unsers ordens gnediger herre und vorderer werdet bliben, als wir ouch mit flissigen begerungen bitten das ir geruchet czu sien, wend wir gar ungerne anders vorscholden ader wissen welden.
Vortmer als euwir grosmechtikeit schribet unsern steten und mannen obir der Oder czu gebiten, das sie den euwern behulfen sien etc. Irluchter forste und liber herre noch euwir grosmechtikeit begerunge wellen den unsern yn der Nuwen Marke gerne gebiten lassen, das sie euwir durchluchtikeit luten noch irem vermogen mit flisse sollen behulfen sien yn allen mogelichen sachen und wo sie is mit fuge und mit redelichkeit thun mogen und bitten das ouch wedir den unsern eyn semelichs von euwir herlichkeit luthen wedirfare und nicht alleyne dor an sunder wo wir ader die unsern euwir durchluchtikeit ader den euwern yn keyner wise behegelich mogen werden das wellen wir noch unserm vormogen alle czit gerne thun mit willen.
Geben czum Sthume am Montage noch Katherine anno CCCC secundo.¹

Inhaltliche Anmerkungen
¹⁾ 1402 November 27.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs144.htm) und Datum der Einsichtnahme; (2) im Druck: PrUB, JS-FS 144 (1402 November 27. Stuhm. )
Bearbeitungsstand: Text eingegeben (11. September 2003 Frauke Schmitz) – Datum überprüft (11. September 2003 Frauke Schmitz) – Text mit PrUB oder sonst Druck kollationiert (11. September 2003 Frauke Schmitz) – Text mit Or. kollationiert () – äußere Merkmale beschrieben ()

Datum der Erstanlage: Donnerstag, den 11. September 2003 — Letzte Änderung: 26. Januar 2009 von Jürgen Sarnowsky

Zurück zur Hamburger Homepage / zurück zur Regestenliste für 1402