PrUB, JS-FS 142

1402 September 1. Lübeck.

{Regest}
Rat von Lübeck an den Hochmeister Konrad von Jungingen: bittet sich mit der Entscheidung in den Verhandlungen mit Königin Margarethe von Dänemark zu beeilen und den Boten mit Vollmacht zurückzuschicken, um in der Frage um Gotland zu einem zügigen und guten Ende kommen zu können.

{Überlieferung}
A = Pergament-Urkunden, Schieblade 87, Nr. 1.

{Drucklegungen}
aus A: Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 5, Königsberg 1857 (ND Osnabrück 1965), S. 176.

{Diplomatische Erörterung des Stücks}
Originalurkunde

Eximio et venerando domino, domino Conrado domus Theutonicorum Sancte Marie Iherosol[emitarum] magistro generali nostro fautori sincere dilecto reverenter d[...]^a
Unsern vrundliken luttern willen to aller behegelicheit vorscreven. Erwerdige here, sunderge ghuner. Alse iuwe herlicheit uns latest scref begherende dat wi unses radeskumpan up den dach to Calmerer senden wolden, um der schelinge willen de is twischen der hochboren furstynnen, der koningynnen von Denemarken unde iuwe herlicheit als um Godland, dat wie um des besten unde iuwer leve willen do gherne deden. Nu hebe wi vornomen dat eendels der iuwen de gi dar sand haben nenen ende ghan konden mit der irgen[anten] vrowe koningynnen in der sake, so dat se to iuwer herlicheit wedder keret syn um een endiger antwerde to er von iuwer herlicheit wedder to bringende vor Sunte Michels Dag negest komende¹ bidde wi iuwe mechtige werdicheit dat gi iuwe gude dar to keren unde den sulven iuwen boden een endiger antwerde mit umder macht an der sake mede geven willen dar ane dat meene beste to betrachtende unde to besorgende als dat de sake yo to desser tid eenen gude ende krighe wente uns dat wesen dunket vor alle desse lande unde stede unde sundergen vor den gemeenen copman unde wi ok um des willen unse boden de wi dar hebben enboden hebben, dat se id dar so lange vorholden, bet dat de iuwer wedder to enkomen.
Hir um neme iuwe herlicheit desse sake destebet to herten up dat menghes groten ungemakes unde unwillen de wi dar ane vruchtende sind neen behuf dorve don dat wille wi gherne vorschulden des iuwe gutlike antwerde unde desser bref is tweeen to lande de ander to water up dat erer een yo vord kome.
Screven under unser ingezegele in Sunte Egidius Dage anno MCCCCII.²
Proconsules et consules civitatis Lubicensis.

Inhaltliche Anmerkungen
¹⁾ 1402 September 29.
²⁾ 1402 September 1.

Textkritische Anmerkungen
^a) Auslassung in der Vorlage.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs142.htm) und Datum der Einsichtnahme; (2) im Druck: PrUB, JS-FS 142 (1402 September 1. Lübeck.)
Bearbeitungsstand: Text eingegeben (11. September 2003 Frauke Schmitz) – Datum überprüft (11. September 2003 Frauke Schmitz) – Text mit PrUB oder sonst Druck kollationiert (11. September 2003 Frauke Schmitz) – Text mit Or. kollationiert () – äußere Merkmale beschrieben ()

Datum der Erstanlage: Donnerstag, den 11. September 2003 — Letzte Änderung: 26. Januar 2009 von Jürgen Sarnowsky

Zurück zur Hamburger Homepage / zurück zur Regestenliste für 1402