PrUB, JS-FS 139

1402 Juni 17. Zulversborch.

{Regest}
Die Ritterschaft des Königreichs Dänemark bestätigt - nicht zuletzt für den Deutschen Orden und Hochmeister Konrad von Jungingen - den Tod des dänischen Königs Olaf, Sohn von König Harko; erklärt, dass der sich in Preußen aufhaltende Mann, der sich als König Olaf bezeichnet, ein Lügner und Verräter sein muß; geben einen genauen Ablauf über das Sterben und die Begräbniszermonie des Königs Olaf und anwesende Zeugen; bitten den Orden und die Städte um die Auslieferung des Betrügers.

{Überlieferung}
A = Pergament-Urkunden, Schieblade 79, Nr. 4.

{Drucklegungen}
aus A: Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 5, Königsberg 1857 (ND Osnabrück 1965), S. 172-173.

{Diplomatische Erörterung des Stücks}
stark beschädigte Originalurkunde mit 12 erhaltenen Siegeln

Witlich zy alle den ghenen de dessen bref zeen eder horen lezen unde zunderliken dem hovemester von Pruzen unde zynen orden und zynen steden dat uns is tho wetende worden, dat dar eyn bove velscher unde vorreder komen is in Pruzen, de zich hed koning Olef de unser gnedighen vruwen der koningynnen unde eren dren koningriken an groten hoen unde ent jeghen an dan heft unde noch deyt gy schullet dat vor war weten dat he eyn vorreder unde eyn bove is.
Unde wy wol weten, dat unse gnedighe here koning Olef de koning Haken sone was dem God gnedich zy unde unser gnedighen vruwen der koningynnen Margareten starf tho Valsterboden uppe dem scolete.
Dar by was zin hovemester her Beyent Buge unde her Michel Rute de zin kokemester was dem God gnedich zy, unde her Decberen de provest tho Odense is unde hr [...]^a de korethere is tho Ustede, de do tho der tyd zyne kappelanes weren unde her Joens Duvne, her Joens Rute, her Michels Broder, her Volmar Jacobussoen de zyne kemerlingh [...]^a tho der tyd unde he in erer beyder arme starf unde stocvisch de zin cleyn schencke was tho der tyd. Desse vorscreven woren alto male by eme do he starp unde vele mer gue [...]^a der unde knechte woren das by in der stad do her starf.
Unde uppe de zulven tyd do he starf do was unse gnedighe vruwe de koningynne tho Ustede unde schulde eynene dach holden m [...]^a in Albrechte.
Ok is uns witlich dat he uppe Scneden wart unde Balsemet alsem eynem koning plecht tho doende unde lach tho Valsterboden in der Kereken mid unvordeckedem an [...]^a also dat oen alleswe mochte under zynen anghezichte zeen unde sin ingheweyde wart voret von Volsterboeden wente tho Lunden dar begroef men zin ingewede unde beghing ene [...]^a nem koning plecht tho beghande, dar arcebischope, ludbischope, prelaten unde vele gueder ridder unde knechte by woren unde vele ander guder lude ute {S. 173} Denmarke. Unde zin [...]^a wart vort von Valsterboden dor Zelant wente tho Zore in dat closter unde wart dar begraven.
Dar meer koninghe unde konigynnen lighen begraven. Dar wart he na be [...]^a psalsem eynem koning plecht tho beghande. Dar by weren de holsten heren mid erem rade unde arcebischope unde ludbischope unde vele guder prelaten unde vele guder ridder unde knechte unde vrowen unde juncvrowen unde ander gude lude ute den steden van den twen koningriken alse Norweghen unde Dennemarke.
Wor umme bidde wy ju leve her homester unde juwen orden unde juwe stede van Pruzen dat gy unsem gnedighen heren dem koninghe unde unser gnedighe vruwen der koninginnen der tuscher unde boven tho hus zenden de unse gnedighen vruwen unde uns also vorhonet beruchtet unde beloghen heft unde noch doyt, by dessen jeghenwordigen boden alse her Volmar Jacobussoen ridder unde her Wolf Wulflam borghermester tho dem Zunde.
Doet hier by alse wy juwer erwerdighen herlicheyt wol tho loven wente gy schullen dat vor war weten queme hier eyn [...]^a velscher vorreder tusche unde [...]^a unser heren lande, do zodan tuschenge unde hoveringe uppe in eder uppe jenighe heren eder vorstynnen hede, wy wolden unserm heren [...]^a des berichten dat ze in ene nicht vor euch enthalden schulden mer ze schulden ene in tho hus zenden zunder boden unde breve under heren alto male doet hier im by [...]^a unde vruwe^b unde wy dese vorder ume iuwen willen doen moghen. Unde weret zake dat dit vorscreven also nicht enscheghe zo vrochten wy dat d [...]^a omen dat nicht mitte en were tho beyden ziden wente uns in dessen riken dat nicht tho lidende ensteyt wy enmoten aldusdane zake unde dranels me [...]^a vorantworden wente God wol wed dat unse gnedighe vruwe vorbenant unde wy desser vorscreven valscheyt unde loghen unde droghen unschuldich [...]^a enen heren dencket dar up dat wy anders nicht enweten mer dat unse gnedighe here unde vruwe vorbenomeden unde de in dessen riken gherne na juwer [...]^a unde beste staen hebben unde noch gherne stunden wente an dessen dach.
Wy hier na screven bidden ju umme alle desse vorscreven stu^ecke alse Volmar Jacobusson lumghe, Thure Beynt [...]^a Brodersson, Algud Mangnusson, Hinrich Gherdson, Erik Ummereyse, Gutstaf Algudson, ridders, Axel Ketelsson, Druwet Has, Otto Meynstorp, Johannes Laurensson, Clawes Kabel [...]^a knapen.
To merer betuchnisse unde bewissinghe hebbe wy unser inghezeghel witliken henghet laten neden an dessen de screven unde bezeghelt is tho Zulversborch [...]^a nemarke na Godes bort verteynhundert jar in dem anderen jare uppe den zeventeynden dach in dem amnde Junii.¹

Inhaltliche Anmerkungen
¹⁾ 1402 Juni 17.

Textkritische Anmerkungen
^a) Lücke in der Vorlage.
^b) Schreibweise unklar.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs139.htm) und Datum der Einsichtnahme; (2) im Druck: PrUB, JS-FS 139 (1402 Juni 17. Zulversborch. )
Bearbeitungsstand: Text eingegeben (11. September 2003 Frauke Schmitz) – Datum überprüft (11. September 2003 Frauke Schmitz) – Text mit PrUB oder sonst Druck kollationiert (11. September 2003 Frauke Schmitz) – Text mit Or. kollationiert () – äußere Merkmale beschrieben ()

Datum der Erstanlage: Donnerstag, den 11. September 2003 — Letzte Änderung: 26. Januar 2009 von Jürgen Sarnowsky

Zurück zur Hamburger Homepage / zurück zur Regestenliste für 1402