PrUB, JS-FS 112

1397 Juni 9. Beberen.

{Regest}
Geleitbrief des Hochmeisters [Konrad von Jungingen] für die Königin von Polen [Hedwig] betr. ihre Reise ins Ordensland und ihre Rückreise.

{Überlieferung}
B = olim StA Kbg Hochmeisterregistrant Konrad von Jungingen, p.3.

{Drucklegungen}
aus B Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 5, Königsberg 1857 (ND Osnabrück 1965), S.131-132.

{Diplomatische Erörterung des Stücks}
Register-Überlieferung, dazu ein mit Abänderung der Titel usw. gleich lautender Geleitsbrief der Königin vom gleichen Datum.

Wir bruder Conrad von Jungingen, homeister des ordens Sendte Marien des Deutschin Huses von Jerusalem
bekennen offentlichen in desem briefe allen den, die in sehen ader horen lesen, daz wir gelowbit haben und gelowben busen und mit craft deses briefes by unsern truwen und eren vor uns, und vor alle die unsern vor eyne gancze und stete sicherheit und frede der allirdurchluchsten furstynne und frouwen, frouwen Hedwigen, konigynne zu Polan etc. unser gnedigen frouwen und allen den, die von erer wegen czu uns komen, in unser geleite ufgenommen haben und ufnemen, libes und gutes sicher czu uns czu komen obir die Wisel und wedir von uns obir die Wisel doselbist, also das an ir und allen den, die von erer wegen czu uns komen, hir dese seyten der Wisel keyns mit vorsacze mit worten ader mit werken sal werden gebrochen ader gethan.
Und uff das, das die selbe sicherheit frede und unser geleite stete und gancz gehalden werde, haben unser gebitiger unsere rates, die hernoch nemelich sten geschriben, mit gesampter hant und ouch iclicher besunder gelowbet, die egeschriben sicherheit und frede by truwen und eren stete und veste czu halden. Des czu geczugnisse haben wir unser ingesegel an desen brieff lassen hengen.
Und wir a. b. c. d. etc. gelouben mit gesampter hant und iclicher besunder ane gefer und argelist, daz die egeschriben sicherheit und frede, den und die unser homeister gelowbet hat und gelowbit mit craft deses briefes der allerdurchluchsten furstynne frouwen Hedwigen konigynne czu Polan etc. egenant und allen den, die von erer wegen czu unserm homeister komen und in syn geleyte ufgenomen hat, stete und gancz sal werden gehalden in allir wise, als oben geschriben stet von worte czu worte.
Des czu orkunde haben wir egenant unser ingesegel mit unsers homeisters ingesegel an desen brieff von {S. 132} unserm rechten wissen lassen hengen.
Geben im sebyn und XC jare am Pfingisten Obund ¹⁾ czu Beberernen.

Inhaltliche Anmerkungen
¹⁾ 1397 Juni 9.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs112.htm) und Datum der Einsichtnahme; (2) im Druck: PrUB, JS-FS 112 (1397 Juni 9. Beberern.)
Bearbeitungsstand: Text eingegeben (30.August 2003 Frauke Schmitz) – Datum überprüft (30.August 2003 Frauke Schmitz) – Text mit PrUB oder sonst Druck kollationiert (30. August 2003 Frauke Schmitz, 13. Januar 2008 Jürgen Sarnowsky) – Text mit Or. kollationiert () – äußere Merkmale beschrieben ()

Datum der Erstanlage: Samstag, den 30. August 2003 — Letzte Änderung: 23. Januar 2009 von Jürgen Sarnowsky

Zurück zur Hamburger Homepage / zurück zur Regestenliste für 1397