PrUB, JS-FS 103

[um 1400, o.D.]. [o. O.].

{Regest}
Beschreibung der Grenzen des Stiftes Samland.

{Überlieferung}
B = [olim Folio Privilegia des Samlandes A, p. CCXVI-CCXXI].

{Drucklegungen}
aus B: Codex Diplomaticus Prussicus, Urkundensammlung zur älteren Geschichte Preussens aus dem königl. Geheimen Archiv zu Königsberg nebst Regesten, hrg. Johannes Voigt, Bd. 4, Königsberg 1857 (ND Osnabrück 1965), S. 173-179.

{Diplomatische Erörterung des Stücks}
Registerüberlieferung.

Privilegium wy das stifte zcu Samlant zculeczst ist begrenitz

Wisentlich sy das dise nochgeschrebene grenitczin teilen daz lant Samlant czwischen den brudern des Duetczen husis unde der kirchen zcu Samlant.
Czum irsten an zcu heben by dem Vrischen Habe von eyner umegegraben eychen dy do stet by dem wege genant in Pruschen Barbalenx. Den selbin weg dy gerichte vort zcu gende bis zcu eyner andern eiche umegegraben, dy do stet by dem bruche Sif genant in Dütczen.
Unde von der eychen dy gerichte vort zcu geende zcu eynen umbgegraben pfole, der do stet in dem wege den man get von Konigisberg, do eyn anderer weg denselbin weg obir geet.
Von dem pfole dy gerichte zcu dem vorte genant in Pruschen Rembingen, wo eyn pfol glicher wis umbgraben stet.
Von dem pfole daz vlis uf zcu geende bys zcu eynem umbgrabinen pfole, der do teilet, der do von Kandeynin unde von Greybow wisen.
Von dannen dy gerichte zcum andern umbgraben pfole, der do stet by dem wege den man geet von Konigisberg ken Vischhusen.
Von danen dy gerichte zcu eyner umgrabiner eychen, dy do steet by dem wege den man get von Grebow ken der Medenaw by dem vlisse unde von der eiche daz selbe vlis zcu geende uff wert bys zcu eyme umgrabin pfole, {S. 174}der do stet by dem selbin wege der do geet von Grybow zcu der Medenaw.
Von dannen dy gerichte zcu eyner umgrabiner eichen, dy do stet uff der statin Pruschen genant Lasanos by dem gutte etiswenne Albrecht Tuvels.
Von dannen dy gerichte zcu eyner andern umgrabin eichen, dy do steet by dem wege no by dem berge genant Leypiten.
Von der eichen zcu eyner andern umgrabin eichen, dy do steet by dem wege, wo man geet von Greybow ken Wykow und dy selbe eiche steet uff dem alden grabin in Pruschen genant Nogarbe.
Von dannen dy gerichte zcu eynem umbgrabin pfole, der do steet wo ettiswenne waz eyn bowm genant in Pruschen Ywegarge.
Von dem pfole vort zcu geende zcu eyner haynbuche glicher wis umbgraben, dy do steet uff der vy weyden czwischen Snoten und Wykow.
Sunder von der haynbuchen zcu eynem umbgrabin pfole, der do steet no by den vie weyden, dy do sint czwischen Wykow und Snoten.
Von dannen gerichte zcu eynem andern umbgrabin pfole, der do stet czwischen dem ackinn Wilbrandes unde Sabunen.
Von dem pfole dy gerichte zcu eynem andern, der do stet uff dem hobilichen in den vy weyden gelegen, dy do sint czwischen Wykow unde Snoten.
Von dannen zcum andern umbgrabin pfole glicher wis, der do steet in den vy weyden czwischen Wykow unde Snoten.
Von dem selbin pfole dy gerichte zcu eyner umbgrabiner eichen, dy do steet by den weyden no by dem wald in Pruschen genant Pelkis.
Von dannen dy gerichte zcu einer umbgrabin eichen, dy do steet by dem vlisse in Pruschen genant Kaymenappe.
Von dannen daz selbe vliss uff zcu geende dy gerichte zcu eyner umbgrabener eiche, dy do steet von der andern syten des selbin vlisis.
Von dannen zcu eyner andern eichen, dy nicht verre steet von der glicherwis umbgrabin.
Abir von der czu eyner andern umbgrabener eichen, di do stet uff der stat in Pruschen genant Onbethobe.Went alle disse grenitczen von dem Vrischen Habe alzo gesprochen ist bys zcu diser leczten grenitcz geczeychent mit der eiche, dy do steet uff statt Onbethobe genant, teylen das kamerampt Medenow unde Wargen.

Von dannen von der eiche itczunt genant, dy do stet uff der stat Onbetobe in Pruschen genant dy gerichte vort zcu geende zcu eyner andern umbgrabin eichen, dy do stet no by der weyde der von Drabenow uff der stat yn Pruschen genant Harne. Unde disse eynige grenitcz geczeichent mit der umbgrabenen eichen, dy do steet uff der stat in Pruschen genant Barne teilet daz kamerampt Wargen unde Rinow.

Von dannen dy gerichte zcu eyner umbgrabener eichen dy do stet by dem wege den man [von]^a) Konigisberg geet zcu Pobetin unde von der selbin eichen bys zcu Pobetin ist eyne gemessene meyle.
Von dannen von der eichen zcu eyner andern umbgrabin eichen, dy do stet uff der stat in Pruschin genant Scherde. Sunder dy czwu grenitczen itczunt genant alze dy eiche geczichent mit der myle mit der eiche dy do steet uff der stat yn Pruschen genent Scherde teylen daz kamerampt Rinow unde Rudow.

Von dannen dy gerichte zcu {S.175} eyner umgrabiner eichen, dy do stet no by dem wege den man get von Pobetin zcu Konigisberg unde eyne grenitcz dy in Dueczen Eckegrenitcz ist genant.
Von dannen dy gerichte zcu eyner andern umbgrabenen eichen, dy do stet czwischen Drabenow unde Gutmytin uff der stat in Pruschen genant Wosebirge.
Von dannen dy gerichte zcu eyner andern umbgrabenen eichen, dy do stet uf dem berge in Pruschen genant Attwumkape.
Von dannen dy gerichte zcu eyner andern eiche, dy do stet uff einem hogen berge, in Düczen genant Sebinburne unde von der eiche dy gerichte zcu eynem umbgrabenen pfole, der do stet uff der stat in Pruschen genant Paymekopo.
Von dannen dy gerichte zcu eynem andern umegrabenen pfole, der do stet entken dem dorffe Laytkayme genant.
Von dannen dy gerichte zcu eyner umbgrabenen eichen, dy do stet no by dem bruche in Pruschen genant Kautaliskis.
Von dannen vort zcu geende obir den grunt zcu eynem umbgrabenen pfole.
Von dannen dy gerichte zcu eyner andern umbgrabenen eichen, dy do stet in dem Mickil in eynem hufin der steyne.
Vor der eiche vort zcu geende zcu eynem grosen umbgrabenen steyne, der in Pruschen ist genant Sarguckin Staps.
Von dem steyne dy gerichte zcu den vorte in Pruschen genant Scabobrast, geczeichent mit eynem umbgrabenen pfole. Unde alle vorgenanten grenitczen bis zcu diser geczeichinten grenitcz mit dem umbgrabenen pfole by dem vort Scabobrast teylen Pobeten und Rinow.

Von dannen von dem vorte dy gerichte zcu eyner umbgrabenen eichen, dy do stet no by dem dorffe Sindow.
Von der zcu eyner andern umbgrabenen eichen unde ist eine dorre eiche umbgelegit mit steynen, dy do stet czwischen Romiten unde Plawtowin.
Von dannen zcu eyner umbgrabenen eichen, dy do stet by dem wege Wanginkin.
Von der zcu eyner andern grunen eichen, dy do stet no by dem heiligen velde.
Von der eiche dy gerichte vort zcu geende bis zcu der salczin see wo eyn umbgraben pfol stet.
Von dannen widir kommende von dem mere unde dem pfole, der do stet no by dem vlise in Pruschen genant Lasse dy gerichte zcu eynem andern umbgrabenen pfole, der do stet uff der stat Brandestat genant.
Von dannen zcu eynem andern umbgrabenen pfole, der do stet czwischen den dorffern Romaynis unde Lenkeniten.
Von dannen dy gerichte zcu eynem andern umbgrabenen pfole, der do stet czwischen den selbin dorferen nicht verne von dem pfole iczunt genant.
Von dannen zcu eynem andern umbgrabenen pfole no by gesaczit dem vor geenden pfole.
Von dannen gerichte zcu eyner umbgrabenen eiche, dy do stet uf der stat in Pruschin genant Sawtlaukis.
Von dannen zcu eyner umbgrabenen eichen , dy do stet uff dem berge in Pruschen genant Mategarps.
Von dannen dy gerichte zcu eynem umbgrabenen pfole, der do stet uff dem berge in Pruschen genant Lulegarbs.
Von dannen dy gerichte zcu eyner umbgrabenin eichen, dy do stet by dem walde in Pruschin genant Galinde. Dar umme alle vor genante grenitczen bis zcu des-{S.176} ser eichen itczunt genant, dy do stet by dem walde genant Galinde scheiden dise kamerampt Girmow und Rinow.

Von dannen dy gerichte zcu eyner andern umbgraben eichen, dy do stet vor dem selbin walde Galinde.
Von dannen dy gerichte zcu eyner andern umbgraben eichen, dy glicherwis stet vor dem egenanten walde, no by dem wege, den man geet von Konigsberg zcu Rinow.
Von dannen dy gerichte zcu eyner umbgrabin eiche, dy do stet und ist eyne grenitcz der von Kaldeynen.
Von dannen zcu eyner umbgrabin eiche,dy do stet uff dem angir des dorfes Kaldeynen.
Von dannen zcu eynem umbgraben pfole by dem vlisse in Pruschen genant Kaustrin. Dy grenitczen itczunt genatn bis zcu desem leczsten pfole genant scheiden dy kamerampt Girmow unde Medenow.

Von daz sebeb vlis neder zcu geende bis zcu der stat wo daz selbe vlis unde daz vlis von Girmow zcu samme vlissen unde eyn vallin zcu eynem umbgrabenen pfole.
Von dannen dy gerichte zcu eynem andern umbgrabin pfole, der do stet uff dem ende des dorffis ackirs Nueendorff genant, der do stet by dem vlise daz von Girmow vluesset.
Von dannen dy gerichte zcu eynem andern umbgrabin pfole der no by dem selbin vlise stet.
Von dannen zcu eyner umbgraben eichen, dy do stet uff dem ende des dorffes ackirs Neuwendorff.
Von dannen zcu eynem umbgraben pfole, der do stet no by dem vlischin in Düczen Sif genant unde ist eyn grenitcz dy Eckegrenitcz heyset des veldis der von dem Nuwen Dorffe.
Von dannen dy gerichte zcu eyner grossen umbgraben eichen, dy glicherwis eine grenicz ist vome Nuwen Dorff.
Von dannen dy gerichte zcu eyme umbgrabin Pfole.
Von dannen vort zcu geende bis zcu dem vlise daz in daz mer vlüset. Der pfol in gesatczit by dem mere mit den grenitczen itczunt gesprochen, noch erer ordennge schedit daz gebite daz do gehorit zcu Vischhusen und zcu dem kamerampt czu Girmow.

Unde dies sin dy grenitczen zwischen Wargen und Qwedenow, an zcu hebinde von czwen pfelen, dy do sten by dem wege, den man von Konigisberg geet. Der eyne ist eyne grenitcz der burger, dy gerichte vort zcu geende zcu eyne umbgrabin eichen, dy do stet by dem selbin wege.
Von dannen dy gerichte zcu eyner andern umbgrabin eichen.
Von der zcu dryn glich umbgegrabener eichen, dy do sten off eyner stat.
Von dannen zcu czwen umbgrabin eichen.
Abir von den zcu eyner umbgrabin, dy do stet by eyme graben. Von dannen dy gerichte zcu eyner umbgrabin eichen dy do stet by dem graben also daz nicht obir den grabin sal gegangen werden. Dy eiche itczunt genant mit andern vor genanten grenitczin schedit dy kamerampt Wargen und Qwedenow.

Von dannen zcu eyner umbgrabin eichen, di do stet uff dem höbel in Pruschin genant Umpna.
Von dannen dy gerichte zcu eynem umbgrabin pfole, der do stet by eyme steyne.
Von dannen vort zcu geende durch daz nickil des bruchis in Pruschin genant Steypata czu einer umbgrabin eiche. Dese eiche genant mit andern vorge- {S.177} nanten grenitczen scheden daz kamerampt Rudow unde Quedenow.

Von dannen dy gerichte zcu eynem umbgrabin pfole, der do stet uff dem berge, in Pruschen genat Vregaps.
Von dannen nedir zcu geende daz vliz, daz do under dem selbin berge vlusetz bys zcu czwen umbgrabin eichen,dy do sten no by alz dy mole gevangen ist.
Von dannen zcu eynem umbgrabin pfole, der do stet uff dem berge in Pruschen genant Wosispele.
Von dennen zcu eynem umbgraben pfole, der do stet by eynem steyne no by dem vlisse dornoch nedir wert zcu geende daz selbe vlis bys zcu eynem umbgrabin pfole, der do steth by der bruckin des selben vlisses alzo man geet von Rudow ken Plueusen.
Von dannen zcu eynemn umbgrabin pfole, der do stet by eynem steyne.
Von dannen dy gerichte zcu eynem umbgrabin pfole, der do stet uff dem alden grabin.
Von dannen dy gerichte zcu eynem umbgrabin pfole, der do stet by dem bruche in Pruschin genant Druppis.
Von dannen zcu eyner umbgrabin eiche, dy do stet uff dem berge in Pruschin genant Lappegarbe.
Von dannen dy gerichte zcu eynem umbgrabin pfole, der do stet uff der stat in Pruschin genant Yrczekappinis.
Von dannen zcu eynem umbgrabin pfole, der do stet uff der stat in Pruschin genant Wosegowiskapnis.
Von dannen dy gerichte zcu eynem umbgrabin pfole, der do stet by dem vlisse in Pruschin genant Wosigowiske.
Von dannen dy gerichte zcu eynem umbgrabin pfole, der do stet uff der stat in Pruschin genant Dome, nicht verne stet her von derynuwen huse. Und der pfol uff der stat stet Dome genant mit allen vorgenanten grenitczen schedit daz kamerampt Rudaw unde Powunden.

Dy vorgenanten grenitczen alzo gewysit sprochin bruder Sighart von Swarczburg, kumpthur zcu Grudencz unde bruder Fredrich von Libencelle, kumpthur zcur Golube, vortan daz man nicht geen sulle wen dy czilen dy Kurische nerye an stise dy noch zcu teylende were czwischen den brudern unde der kirchen.

Von dannen zcu eynem umbgrabin pfole, der do stet uff der stat do daz flis in Pruschen genant Antcupte vluset von dem husse zcu Schokin in das Kürische Hap.
Von dannen daz selbe vlis uff czu geende zcu eynem andern umbgrabin pfole, der do stet by dem selbe vlisse.
Von dannen zcu eynem andern umbgrabin pfol, der do stet uff dem ende dez alden grabin in Pruschin genant Kupte.
Von dannen zcu eyner umbgrabin eiche, dy do stet uff eynem andern ende des selbin graben bey dem bruche in Pruschen genant Surke.
Von dannen dy gerichte zcu eyner umbgrabin eiche, dy do stet in dem walde in Pruschin Leydote.
Von dannen dy gerichte zcu eyner umbgraben eiche, dy do stet by dem alden graben unde by dem wege den man geet von Schokin zcu Powunden.
Von dannen zcu eyner umbgrabin eiche, dy do stet by dem walde in Pruschin genant Sudrim.
Von dannen zcu eyner umbgraben eiche, dy do stet uff dem ende dez selben waldis.
Von danne dy gerichte zcu eyner umbgraben eiche, dy do stet vor dem walde in Pruschin {S.178} genant Dewitte.
Von dannen zcu eyner umbgrabin eiche, dy do stet uff der stat in Pruschin genant Ardmana.
Von dannen dy gerichte zcu eyner andern umbgrabin eiche.
Von dannen zcu eyner umbgrabin eiche, dy do stet by dem vlisse, das ken Powunden vluset.
Von dannen dy gerichte czu eyner andern umbgrabin eiche.
Von dannen zcu eyner andern umbgrabin eiche glichwerwis.
Von dannen zcu czwen eichin glich umbgrabin.
Von dannen czu eynem umbgrabin pfole, der do stet by dem vlisse.
Von dannen dy gerichte zcu eyner umbgrabin eichin.
Von dannen zcu eyner umbgrabin eichen.
Von dannen zcu eyner andern umbgrabin eichen, di do stet vor dem walde in Pruschin genant Ausnicz, uff der stat Scrodowegis genant. Disse grenitcz mit den andern vorgesprochin teylit Schokin unde Powunden.

Von dannen zcu eyner umbgrabin eiche, dy do stet uff der stat in Pruschen genant Muntileytisdumpnis.
Von dannen zcu eyner umbgrabin eiche, dy do stet uff der stat in Pruschin genant Gildestabs.
Von dannen zcu eynem umbgrabin grosen steyne, der do leyt in dem bruche in Pruschin genat Twarcte.
Von dannen zcu eynem umbgrabin pfole, der do stet uff der stat in Pruschin genant Auctowangos.
Von dannen zcu eyner umbgrabin eiche, dy do stet uff der stat in Pruschin genant Smaidigarbs.
Von dannen zcu eyner umbgrabin eiche, dy do stet uff dem hobil by dem bruche in Pruschin genant Bitpelkis.
Von dannen zcu eyner umbgrabin eiche, dy do stet by dem wege uff der stat in Pruschin genant Scovby.
Von dannen zcu eyner umbgrabin eichen dy do stet by dem wege, den man von Konigisberg geet zcu Schokin. Disse grenitcz mit den andern vorgenanten teilit Schokin unde Lobetow.

Von dannen dy gerichte zcu eyner umbgrabin eiche, dy do stet no by dem bruche in Pruschen genant Waygispelkis.
Von dannen di gerichte zcu eyner umbgrabin eiche, dy do stet uff der stat inPruschin genant Treonkaymynweysigis.
Von dannen dy gerichte zcu eyner umbgrabin eiche, dy do stet uff der stat in Pruschin genant Wobsidis.
Von dannen zcu eynem umbgrabin pfole, der do stet uff der stat in Pruschin genant Lekegarge.
Von dannen dy gerichte zcu eyner umbgrabin eiche, dy do stet uff der stat in Pruschen genant Waykar.
Von dannen zcu eyner andern umbgrabin eiche, dy do stet uff eynir andern stat genant Waykaraykis.
Abir von dannen zcu eyner andern eichin, dy do stet uff der stat genant Waykaraykis, by eynir steynyil brucke in Pruschin genant Scabinotilte.
Von dannen dy gerichte zcu eynem umbgraben appilboume, der do stet an der syte dez veldis der gebuwir von Kuratiswalde. Der umbgrabin appilboum mit den vorgenanten grenitcz scheidet Schokin von der Qwedenow.

Von dannen zcu eynem umbgraben pfole, der do stet no by der eckegrenitczen der selbin gebuwern.
Von dannen dy gerichte zcu eynem umbgraben pfole, der do stet by der wantgrenitczen dez dorffis Schonewalt.
Von dannen zcu eynem umbgraben pfole, der do stet by der eckegrenitczen dez {S.179} selbin dorffis.
Von dannen zcu czwen umbgrabin eichen, dy do sten uff der stat in Pruschen genant Waykaraykis.
Von dannen zcu eynem umbgraben pfole, der do stet by der wegescheide in der man von Konigisberg geet czum Schonewald in eynem wege unde in dem andern wege zcu Waldow.
Von dannen zcu eynem umbgrabin pfole, der do stet by dem burne in Pruschin Jodisakko.
Von dannen dy gerichte zcu eyner umbgrabin eiche, dy do stet by czwen grossen steynen uff der stat in Pruschin genant Peycostabs.
Von dannnen dy gerichte zcu eynem umbgrabin pfole, der do stet by dem wegen, den man geet von Konigisberg zcu Arnow.
Von dannen zcu dem wassir Pregol zcu eynem umbgrabin pfole.

Textkritische Anmerkungen
^a) Ergänzung nach Voigt.

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/js-fs/js-fs103.htm) und Datum der Einsichtnahme; (2) im Druck: PrUB, JS-FS 103 ([um 1400, o.D.]. [o.O.].)
Bearbeitungsstand: Text eingegeben (31. Juli 2003 Frauke Schmitz) – Datum überprüft () – Text mit PrUB oder sonst Druck kollationiert (31. Juli 2003 Frauke Schmitz) – Text mit Or. kollationiert () – äußere Merkmale beschrieben ()

Datum der Erstanlage: Donnerstag, den 31. Juli 2003 — Letzte Änderung: 1. Februar 2005 von Jürgen Sarnowsky

Zurück zur Hamburger Homepage / zurück zur Regestenliste für 1400.