PrUB, DH 467

© Dieter Heckmann, Werder / Berlin (2014)


[1407 April 9]. Danzig
{Regest}
[Der Oberkumpan des Hochmeisters] Arnold von Baden an den Komtur von Elbing [Werner von Tettingen]: Verhinderung seiner Abreise von Danzig durch widrige Winde, Kriegsdrohungen eines Boten der [dänischen] Königin und Entsendung seines Knechtes nach Öland, Kalmar und zu Bengt Niclasson nach Stockholm zur Auskundschaftung der Stimmung

{Überlieferung}
A  = GStA PK, XX. HA Hist. StA Königsberg, OBA, Nr. 916

{Drucklegungen}

{Diplomatische Erörterung des Stücks} Ausf., verderbt, von Hans Koeppen maschinenschriftl. übertragen; Reste eines Wasserzeichens "Bogen mit ösenähnlichem Pfeilende"; Außenadresse, Betreff [von Hand des 17. Jhs.]Arnolt von Baden sol vorreisen in Gottlandt, Collmar undt Stockholm etc., Altsignaturen Nu[mmer]o 433; Sch[iebl.] XXXIa, No 86 und J. N. 21576 sowie Spuren des grünen Verschlusssiegels auf Rückseite


Mynen gar willigen undertenigen gehorsam czu allen geczeiten bereit. Ersam(er) libr h(er) kumpthur, euwern briff, mir gesant, habe ich wol vornomen, in deme mir euwer gnode screibet, daz ich mich wek sulde machen, als ich irsten kuende. Liber h(er) kumpthur, bekumert uch nicht, got weijs, daz ich des windes nicht gehat habe. Wen hotte ich daz wether gehat, ich were lange weg gewest. Wen ich was nicht dry tage czu Danczg1). Do was ich algereyt, alz schire ich daz wether habe. Zo sczwyvelt nicht doran, ich wil mich weg machen, zint daz ich is mich alz cze[it]a) uf mich habe genomen und undergewunden. Und ich is myt gotes hulffe wol getruwe czu vulbrengen und by allen dingen thun wil daz beste, daz ich kan ader mag, und korczlich uff eyn gut ende brenghen. Ouch, liber h(er) kumpthur, euwer gnode geruchet czu wissen, daz hyr eyn bothe [was]b) von myner vrawen, dy konnygynne2), den ich gesprochen und ufgeholt habe, daz ich von [im]b) vorneme, daz her vorwerrens droijet. Ydoch an sulchen bothen ist sich nicht czu keren. Und d(er) wirt ouch czu euwer gnoden komen. Ich bitte euwer ersamk(eit), ab er etczwas dirvuret, do ich mich noch muechte richten, ab is von euwr gnoden czu thunde w(er)e, daz ir mir daz screybet, uffdaz ich mich dornoch richte. Ouch zo wil ich's alzo bestellen, wen mir got oberhilffet, ab ze atczwas willen hette czwisschen dem vride, daz ir das wenig helffen zal. Und wil zenden uff Vlant3), Calmarn4) und czu Bent Niclasson5) czu Stekeholm6), do ich noch mynen knecht habe, und ouch alzo bestellen im lande, ab zy obel wolle, daz mir daz jo czu wissen wurde. Ouch, liber her kumpthur, alz ir mir screybet von den pherden, zo ist is nicht hast domijthe, sunder ab is krig wurde, zo wuste euwer gnode wol, was ir dorczu thuon sult. Sunder gyet is nicht czu krige, zo bitte ich euwer gnode, mich nicht underwegen czu lozen, ab ich myn dyng wol czu dancke vortbrenge, wen ich ze den(n)e hy alz me hette alz czu Gotlande. Ouch, wen ich henober kome, zu wil euwer gnode scr(eyben) alle  czitunge und is do steyt uff me lande und was ich dirvare. Geben czu Danczke am sonnabende noch quasimodogeniti etc.
                                                                                                                                                                                                                                                                                                                                                                            Arnolt von
                                                                                                                                                                                                                                                                                                                                                                            Baden7)
Dem ersamen kumpthur czu(m) El[win]ga,8) myt aller wirdek(eit)
Textkritische Anmerkungen:

a)     Durch Wasserfleck verderbte Stelle.
b)    Vorl. herausgerissen


Inhaltliche Anmerkungen:

1)   Danzig.
2)   Margarethe I. von Dänemark, Norwegen und Schweden (1387 - 1412).
3)   Öland, Ostseeinsel.
4)   Kalmar, Hafenstadt gegenüber von Öland auf dem schwedischen Festland.
5)   Bengt Niclasson, Bewohner von Stockholm (1407).
6)   Stockholm.
7)   Arnold von Baden, Oberkumpan des Hochmeisters (1403 - 1407).
8)   Werner von Tettingen, Oberster Spittler und Komtur von Elbing (1404 - 1412).

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh467.htm) und Datum der Einsichtnahme; (2) im Druck: PrUB, DH 467 ([1407 April 9]. Danzig)
Bearbeitungsstand: Text eingegeben (D. Heckmann, 17.11.2014) Datum überprüft (D. Heckmann, 17.11.2014) - Text mit PrUB oder sonst Druck kollationiert (D. Heckmann, 17.11.2014) - Text mit Abschrift kollationiert (D. Heckmann, 17.11.2014) - äußere Merkmale beschrieben (D. Heckmann, 17.11.2014)
Datum der Erstanlage: Montag, 17. November2014– Letzte Änderung: 17. November 2014 von Dieter Heckmann

Zurück zur Hamburger Homepage / zurück zur Regestenliste für 1407