PrUB, DH 464

1413 Juni 24. [Reval]

{Regest}
Der Revaler Hauskomtur Heinrich Füsting von Schöller bekennt, dass Hirich Kyrkentey dem Kloster Padis die Dorfstätte Happemat unter Vorbehalt vom Nutzungsrecht des Heuschlags Koluenso verkauft hat.

{Überlieferung}
C = GStA PK, XX. HA Hist. StA Königsberg, OBA, Nr. 1962.

{Drucklegungen}
Regest im LivUB, Bd. 4, Reg. Nr. 2322.

{Diplomatische Erörterung des Stücks}
zeitgenöss. Abschr., 1 Bl. (29,5 x 17,5 cm), Rückverm. Copia Happemat, Altsign. Staatsarchiv Königsberg, Ordensbrief, Band II Nr. 57, und Sch(ieblade) XXVIII N^o 10 (L. S.)

Allen denghenen, de^a) dessen jeghenwordyghen breff zeen efte horen lesen, sy ewyghe wolvard in gade. Ik, Hynrik Vustinck van Scholler, huskumptur to Reuell¹⁾, bekenne unde betughe openbar myt deme richter to Haryen²⁾, Hans Jackenbeke³⁾, unde myt unsem bysittere Arend Tolk⁴⁾, dat, dar wy in dem richte seten des erwerdyghen homesters van Prucen⁵⁾. Ieghenwordych was de erbar man Hynrik Kyrkentey⁶⁾, de myt walberaden mode unde vryer wylkore, myt ganczer vulbort syner husvrouwen unde alle syne rechten erven hadde rechtliken unde redeliken vorkoft unde let upp deme erwerdyghen gestliken heren, deme abbett to Pad(is)⁷⁾ unde synem convente unde nakomelinghen darsulves de dorpstede^b) Happemat⁸⁾ ghenomet vor anderhalff hundert marck Rig(isch) unde dre marck Rig(isch), alse de met ener marke ghelegen is, deme clostere to ewygen tyden to brukende unnde to besyttende to ereme rechten erve egene ghude, myt ackkere, ghebuwet unde unghebuwet, myt hoyslaghe, weyde, holtmarke, hegene, horste, weteringhe, voghelye, vysscherye unde myt alle syner tobehoringhe, utghenomen nichtesnicht, sunder allene de hoyslach, de ghenomet is upp Estens "Koluenso". Den sall Hynrik Kyrkentey dyt negest anstande jar na gyfte desses breves anslan unde ghebruken. Unde darnegest dat ander jar, so sall de erwerdyghe her unde abbeth den hoyslach bruken myt den synen unde dan vortmer darna de korde myt dem hoyslaghe^c), so to holdende to ewyghen tyden, so, dat io de ene partye des enen hoyslages bruke des enen jares, de andere des anderen jares, en deme anderen nengherleye vordret edder wedderstalt to donde to ewyghen tyden. Unde de vorbenomde Hynrik Kyrkentey vor syk unde vor syne erve vorticht^d) ganschliken unde vorlet alles erftales und egendomes, wes he bet an de tydgyfte desses breves an der erbenomden dorpstede unde marke hevet gehat. Unde de summe des vorbenomden geldes is in der gevynghe desses breves to guden ghenoghe woll betalt. To ener warer botuchnisse, dat desse vorgeschreven sake aldus ghehandelt unde geschen syn, so ist inghesegell mynes huskum(m)pturam(m)ptes met des rechten hovetmannes, Hynrik Kyrkenteyen ingesegell unde myt des richters Hannes Jackenbeken ingesegell unde myt des bysitters Arend Tolkes ingesegell samentliken vor dessen breff gehangen, der gegheven unde geschreven is na gades bort de jare unses heren dusent verhundert unde in deme dritteynden jare an deme hylgen dage sunte Johannes baptisten to myddensomer etc.

Textkritische Anmerkungen:

a)     Über der Zeile.
b)    Dahinter Klecks.
c)    Gestr. bruke[n] dahinter.
d)    Dahinter gestr. unde.
e)    Über der Zeile.
f)    formavi in Vorl.

Inhaltliche Anmerkungen:

1)   Heinrich Füsting von Schöller, Hauskomtur von Reval (1413).
2)   Harrien, nordestnische Landschaft.
3)   Hans Jackenbeke, Mannrichter in Harrien (1413 - + nach 1427).
4)   Arnt Tolk, Mannrichter in Harrien (1399 - 1413) und Beisitzer im Komtursgericht (1413).
5)   Preußen.
6)   Hinrich Kyrkentey, estländischer Vasall (1413).
7)   Padis, Zisterzienserkloster sw Reval.
8)   Happemat, Dorfstätte (nicht identifiziert).

Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh464.htm) und Datum der Einsichtnahme; (2) im Druck: PrUB, DH 464 (1413 Juni 24. [Reval])
Bearbeitungsstand: Text eingegeben (D. Heckmann, 26.9.2014) Datum überprüft (D. Heckmann, 26.9.2014) - Text mit PrUB oder sonst Druck kollationiert () - Text mit Or. kollationiert (D. Heckmann, 26.9.2014) - äußere Merkmale beschrieben (D. Heckmann, 26.9.2014)

Datum der Erstanlage: Freitag, 26. September 2014– Letzte Änderung: 26. September 2014 von Dieter Heckmann

Zurück zur Hamburger Homepage / zurück zur Regestenliste für 1413