PrUB, DH 368
© Dieter Heckmann, Werder / Berlin (2008)
Hochmeister Heinrich von Plauen bekundet, dass er seinem Schreiber Johannes Lichtenwald die Güter Seepothen und Kagenau im Elbingischen Gebiet zu Magdeburgischen Recht verliehen hat.
{Überlieferung}
A = StA Danzig, Stadt Elbing, E sq 19, S. 104-107
{Drucklegungen}
---
{Diplomatische Erörterung des Stücks}
Kopialbucheintrag.
Wyr bruder Hinrich von Plauwen, homeister des ordens der bruder des spittalis sinte Marien des Dutczen huwses von Iherusalem, thun kunt unde offenbar allen, die dissen kegenwertige(n) brieff sehen, horen adir lesen, das wir angesehen haben den langen unde getruwen dinst, den uns unde unserm orden unsir lieber getruwir schriber Hans Lichtenwalt(1) gethon hot und noch thun sal. Unde dorum(m)b wir ym mit rathe unsir gebietiger sam eyme wolvordynthen seynen rechten erben unde nochkomelinge gegeben haben unde vorlegen, geben und vorleyen mit dissem kegenwertigen briffe dy guttere Sopoythen(2) unde Kagenaw(3) genant, die mole, die dobey gelegen, mitsampt dem moletiche, im Elbischim gebete gelegen, als sie von unsern brudern sint beweyset unde {S. 105} als wu's selben besessen unde gehalden haben zcu Meideburgischem rechte mit allem nutcze, frey, erplich unde ewiclich zcu besitczen unde gebruche. Dobey thun wir ym sulche gnode, wer es das her noch seyme tode nicht sone, sunder tochter lisse, so sullen dyselbigen tochter dy hirschaft mit dem gutte adir usz deme gutte bemannen adir berothen. Wir geben unde vorleyen yn ouch die gerichte, grosz unde cleyne, bynnen den grenitczen der vorgeschreben guttere und alleyne obir ere luthe, stroszengerichte uszgenomen. Das wir unsir herlichkeit behalden zcu richten. Sunderlichen thun wir yn sulche genode, das sy nyrne anders zcu rechte sullen steen wenne yn dem richthoffe vor dem kumpthur zcum Elbing(4). Hievon sullen sie uns und unserm orden pflichtig sey zcu thun eynen(a) redelichen platendinst zcu allen geschreygen, lantweren, reysen, hereferten, nuwe huwsere zcu buwen, alde zcu brechen adir zcu bessern, wen wy dicke unde wohynn(b) sy von unns adir unsern brudern geheissen werden. Welchen platendinst sie durch sich selbir adir dy yn ebenmesich sint beleythen sullen unde nict schulczen {S. 106} adir sust mit geryngen luthen. Ouch sullen sie uns geben von itczlichem pfluge eynen scheffel weisse unde eynen scheffel rocken, alle jor, jerlich uff sunte Mertens tag des heiligen bischofs, unde zcu bekentnisse der herlichkeit eyn krompfunt wachs unde eynen Colmischen pfenning adir vumff Prewsche an des stadt uff den egenanten sinte Mertens tag, alle jar jerlich. Wir behalden ouch yn den grenitczen der vorgeschreben guttere wege, stege, wasser zcu leiten, allerleye ertcz unde alles, des der herlichkeit angehort. Czu ewigem gedechtnisse unde merer sicherheit haben wir unsir ingesegil an dissen briff lossen hangen, der gegeben ist uff unserm huwsze Marieburg im virczenhundersten unde dryczenden tage am dinstage neest vor dem palme tage. Des synt geczuge die ersamen unser lieben bruder groffe Frederich von Czolner(5), groskompthur, Michel Kochmeister(6), obirster marschalk, Hermann .. Gans(7) , obirster spittaler unde kompthur zcum Elbinge, Frederich von Wellen(8) , obirster trappiger unde kumpthur zcu Cristpurg, Bymund Brendel(9), treszeler, her Johannes(10), {S. 107} unser cappellan, Hinrich Marschalk(11), Jost Genwolf (12), unser compan, Bernhardus Wlandus(13), unser schreiber unde andir vil truwirdighe.
Textkritische Anmerkungen
(a) Auf Rasur.
(b) wohyn n in Vorl.
(c) wer den in Vorl.
Inhaltliche Anmerkungen
(1) Johannes Lichtenwald, Schreiber des litauischen Großfürsten Witold (1409) und des Hochmeisters (1410 -1413).
(2) Seepothen, ö Mühlhausen.
(3) Kagenau a. d. Passarge, ö Seepothen.
(4) Elbing.
(5) Graf Friedrich von Zollern, Großkomtur (1412-1416).
(6) Michael Küchmeister, Oberster Marschall (1411-1414).
(7) Hermann Gans, Oberster Spittler und Komtur von Elbing (1412-1416).
(8) Friedrich von Welden, Oberster Trappier und Komtur von Christburg (1412-1415).
(9) Bohemund Brendel, Oberster Tressler (1410-1414).
(10) Johannes Hildebrand, Hochmeisterkaplan (1411-1413).
(11) Heinrich Marschall, Hochmeisterkompan (1413).
(12) Jost Geewolf, Hochmeisterkompan (1413), Ritterbruder im Thorner Konvent (1428).
(13) Bernhard Uland, Schreiber des Hochmeisters (1413).
Zitieren dieser Edition: (1) virtuell: URL (http://www.spaetmittelalter.uni-hamburg.de/Urkundenbuch/pub/dh/dh368.htm) und Datum der Einsichtnahme; (2) im Druck: PrUB, DH 368 (1413 April 11.Marienburg)
Bearbeitungsstand: Text eingegeben (D. Heckmann, 23.09.2008) – Datum überprüft () – Text mit PrUB oder sonst Druck kollationiert () – Text mit Or. kollationiert () – äußere Merkmale beschrieben ()
Datum der Erstanlage: Dienstag, 23. September 2008 – Letzte Änderung: 23. September 2008 von Dieter Heckmann
Zurück zur Hamburger Homepage / zurück zur Regestenliste für 1413.